الشاعر الكبير الشيخ / عبدالله بن علي الصقيه التميمي
اسمه ونسبه /
هو عبدالله بن علي بن عبد الله بن علي بن ابراهيم بن محمد بن احمد بن علي بن صقيه وال صقيه من ال بسام بن عساكر بن بسام بن عقبه بن ريس رن زاخر بن محمد بن علوي بن وهيب بن قاسم بن موسى بن مسعود بن عقبه بن سنيع بن نهشل بن شداد بن زهير بن شهاب بن ربيعه بن ابي سود بن مالك بن حنظله بن مالك بن زيد مناه بن تميم بن مر بن اد بن عمرو بن الياس بن مضر بن نزار بن معد بن عدنان
والشيخ عبدالله بن علي التميمي هو من الوهبه من ال بسام من قبيله تميم
ولد عام 1356هـ ببلده الصفرات بمنطقه المحمل في بلاد نجد
بداء ينظم الشعر الشعبي عام 1372هـ وصدر له اول ديوان عام 88هـ
والشيخ له المام بعلم النسب ويحفظ المطولات من عيون الشعر الشعبي ولا يزال يتحف مستمعيه عن طريق الاذاعه (برنامج من الباديه ) ويتحفهم من شعره
وعمله رئيس هيئه الامر بلمعروف والنهي عن المنكر في بلده الصفرات
وسوف اطرح في هذا الموضوع بعض قصائده واتمنى ان تعينوني بذلك لان قصائده كثيره
قصيدة للشاعر الكبيـر عبـدالله بـن علـي بـن صقيـه : التميميـه
لـي لابـة لاهـل العـقـول هـبـال
بـحـر غـزيـر داخـلـه يهـتـال
ان جنـدوا بجنودهـم يــم ديــرة
تـقـول حــل بربعـهـا زلــزال
ماهوب جمـع اللـي يريـب يريبهـم
يرسـون مـثـل مقنـفـات جـبـال
باسبابهم امشـي لحالـي بـلا عصـا
ولانـي مـن الجعـر المجـمـع ذال
ياناشـد عـنـي تـرانـي بــوادي
عـلـى طـريـق مـطـرق نــزال
اضرب بسيـف ماقطـع فـي قضابـه
لظهـور مـرويـن القـنـا فـصـال
سيفـي تميـم بكـل قصـر ومدينـة
جمـع يضـيـع حيـلـة المحـتـال
هداة الظـلام اعنـي سلايـل محمـد
يشهـد لهـم غيـري بـدون اشكـال
فطاحـل آل الشيـخ بالعلـم والتقـى
الاول علـى دربـه يسـيـر الـتـال
وبسدير من ذروة بنـي عمـرو لابـة
الماضـي اللـي للضعـيـف ظــلال
شيالـة الحمـل الثقيـل ان بـركـت
به الحشـو والـدرب المريـب طـال
يشيلون مالا شـال واف مـن الزمـل
ولا كـل مـن قـرب لحمـل شــال
سقى دارهـم مـن ناشيـات المخايـل
نـوّ علـى وادي الفـقـي هـطـال
تعبـر السبعيـن بالصيـف والوسـم
مـن عبرهـا مايتصـل بـه ســال
سقاها على شـان اهلهـا هـل النـدا
رجــال مرثـهـم قـديـم رجــال
هم الماضي الماضين بالاسـم والفعـل
والغيـر تقليـد لـهـم لــو قــال
مـن قـال ذولا مـثـل ذولا فـهـذا
مايفـرق الرجـلـي مــن الخـيـال
وهل عشيرة اولاد المنيعي هل الصخـا
صفـوة بنـي عمـي مهمـب حثـال
وهل تمير لى مـن السنيـن اشلهبـت
للضيـف واللاجـي سـحـاب هــال
واللي بالوشم ربع تنومـس علومهـم
بني سعد لـى شـان الزمـان ومـال
عناقر شبـوا وشابـوا علـى الوفـا
تفـرح بهـم لـى ضـك جـال جـال
ولا تنـس اصحـاب المناقيـر باللقـا
لى مال عن طرق الهـدى مـن مـال
وهل الحوطة اللي في بريك افتخر بهم
للارشيـة ركبـت عـلـى المـحـال
هم اللـي فعايلهـم تبيـض وجيههـم
فيهـا جـديـدات وفيـهـا اسـمـال
وضراغم الدوحـة ذرا مـن لجابهـم
مضيفهـم تشـبـع بــه الهـشـال
الثانـي اللـي متعبتـهـم جـدودهـم
بنـو حنظلـة لـى كــل فــي زال
قصر بحامـي القيـظ يـذري ظلالـه
للمحتـري فــي ربعـتـه مقـيـال
مأسس من يوم اسـس علـى العـزا
ولا ظنتـي ليـن الحـشـر ينـهـال
وجماعة حديد اهـل اشيقـر رفاقتـي
لـى كـل سـردال نطـح ســردال
يوم ان ابو زيد الهلالـي مكـر بهـم
خلـوه لـهـزال الـدبـش عـمـال
تحيـل بهـم ووهيـب مـرث مغفـل
افـعـالـهـم للـعـالـمـيـن دوال
او مقاديم هايجة الحـروب المعامـرة
لـى قـلـدن الموجـفـات اشـيـال
سعديـة لـى قيـل روحـوا وراكــم
قالـوا هـل البـاس الشديـد محـال
مقريـن هشـال الخـلا بالمسـاغـب
عسـى لهـم فـال السـعـادة فــال
وبعنيـزة البسـام وابنـا القـواضـي
علـى المعـادي لا اعتـدى غربـال
والبوعلـيـان الـــذي بـبـريـدة
ريـف الركـاب الـى لفـن هــزال
وبعرقـة الـرواف والسالـم الـلـذي
طلـع لهـم مـن بعـدهـم انـجـال
رجال تلقاهم الى اعصوصـب الزمـن
حازوا مـن افعـال الجميـل خصـال
واهـل الخطامـه والحريـق واثيثيـه
وقـوم ابـن سعـدى الخيـر الخيـال
ونـا الشبانـة مـن رجـال المجمعـة
ومنـا العصـامـى للـعـدا ســلال
ومنا المبارك بالحسا ريـف مـن لفـا
مـن فـوق مايدنـي بعيـد الــلال
واهـل قفـار معدلـة كــل مـايـل
لى صـاب قلـب المستريـب جفـال
وبالمستجـدة والغـزالـة وغيـرهـن
جبـل طـي ثلثينـه لـهـم مـنـزال
والشبرمـي بالقـل راعـي سمـيـرا
اللـي لصعـبـات المـراجـل نــال
وفي مطير مروين الهنادي ضحى الوغا
جبـلان لـى جـا بالزمـان اشـكـال
ولي بالعراق اللـي يسمـون السفـل
جنـد لمشـبـوك الـشـرك حــلال
على راس شيخ مـن شيـوخ قديمـة
راعــي صـيـان تـلـقّـى وادلال
لى جوامـع البيـدا يحثـون جيشهـم
صبيـان حــرب عقلـهـم مـيـال
بهش وناباهـم علـى البعـد مرحبـا
ومـر خادمـه يكسـر لهـم فنـجـال
فنجال ينسي حاضر الهجـس هاجسـه
فـي بيـت مـن للنايـبـة حـمـال
وقت العشـا يلقـون عـرب ونجـادا
يسفـك عليهـن السـمـن بسـحـال
تراه السهيلي شوق ملهوفـة الحشـا
بنـت الـرجـال معربـيـن الـخـال
فنا المال لـى شحـت وجيـه الثعالـة
اراذل مايـنـفـقـون ريـــــال
ولي بالصعيـد بمصـر جنـد مجـرب
مزاريـع تنطـح بالقسـا مـن عـال
وعمى عين من عادى تميم النواصـر
اللـي لهـم فـي الطايلـه مـدخـال
وذريـة الخيـر حويـط بـن سـالـم
عـذاب المهـار الفـرس الابـطـال
ويامـا ويامـا غيـر ماذكرعشـايـر
منهـم طويـق الـى اعتـزوا يجتـال
لو بي نعـدد كمـل الحبـر والـورق
وعابـت يـد الكاتـب مـن الامثـال
حنـا الـى كـل تنـومـس بفعـلـه
ترانـا اثقـل امـة علـى الـدجـال
لين الحشر يحشر بها الله مـن خلـق
حنـا سنـام المجـد ليـس اذيــال
والنـاس كـل دون حقـه ماأذمـهـم
مـن حـاول الكيـل بيميـنـه كــال
تمت وصلى الله علـى سيـد البشـر
مـالاح بـرق فـي مخيـف خـيـال
::
الصقيهـي بالليالـي مستحـيـرراح عمره في طويل وفي قصيـر
مالقيت اللي مـن العالـم خبيـرمقصدي فاللي يحـل المشكـلات
قال لي شخص ماأعرفه وش تريدهو مرامك من يساد ومن يسيـد
أو غادي لك مـن العالـم فقيـدأو عليل مـن جـروح الغاويـات
قلت أنا بنشدك عن ربعـي تميـمقبل يغدي عظمي الصاحي رميـم
وأصح عن هرج التصنع يافهيـمالتصنـع مايحـوش الطـايـلات
قال أنا مانـي مـن المتصنعيـنأخذ علم شايفينـه شـوف عيـن
يشهد المعبـود خيـر الشاهديـنمرسي الاطواد منشـي الكاينـات
باخبرك من مثـل بحـر للرجـاليقصدونه من بعيـد بـلا حبـال
صافي عذب نقـي مابـه حثـالأبن ثانـي بالسنيـن الممحـلات
مثل براق المـزون اللـي يلـوحسيل عرم يلتطم في كـل صـوح
منه نبـات النفـل ريحـه يفـوحوالغـروس المستظلـه مثمـرات
لا تحسب أنه قصر من غير ساسأو غواص البحـور بـلا قيـاس
أو غريـر يستـدل بكـل نـاسلين يغـرق بالبحـور المظلمـات
قلت أنا بنشـدك يالنبـل العريـبمنهم اللي محتويـن كـل طيـب
وينطحون الضد باليوم الصعيـبينطحونـه بالسيـوف المرهفـات
قال لي موج البحـر لا منـه راجماخف اللي يركبون بلـوح سـاج
بيتهم من حجر ماهو من زجـاجمن رجـال ينطحـون الموجبـات
هم هل الخيل النجايب واهل عوصوالكتايب جمعهم ماهـم لصـوص
يوم ولد اللاش عن ربعه ملـوصتشبه آل ثانـي أسـود واثبـات
المجنـا فـي جوانبهـم يعـيـشعقب قلت هيبته يغـدي وحيـش
وماذكر طير يطيـر بغيـر ريـشهم جناحيـن الطيـور الطايـرات
قلت له وصف قطـر للـي يبـاهويش دونه من بـلاد ووش وراه
ودي آصل دار من ينحـي عـداهوأتمشى بأرضهـا قبـل الممـات
قال مايبغى وصايف ويـش فيـكسبلهم تمشـي بأمـان ماعليـك
غيـر ماكتـب بجبينـك يبيجيـكلو تصير بوسط حصـن مغلقـات
لا لفيتـا دار مكرمـة الضيـوفمروية يوم الوغى حدب السيـوف
يشهد التاريخ والخالـق يشـوفالمعاضيـد الجبـال الراسـيـات
مخرجين الى السعة من كل ضيقكل مـن حمـل بحمـل مايطيـق
لا برك بالقيض في عرض الطريقينقلـون حمـول كـل مبركـات
قلت انا تمامـي أبغـى الشجـاعمصلح الناس لـو طـال النـزاع
وبالمعارك مشبـع كـل السبـاعمايهاب من الجمـوع المرزيـات
قال هذولا شيـوخ مـن شيـوخمن حرار في قطر تـرث فـروخ
بالصحاري يلبسون ثيـاب جـوخماتتقـو مرخصـيـن بالحـيـاة
أنحـر الدوحـه ولا منـك لفيـتدار معضـاد عـن دارك سليـت
ماكذبت ولا أفتريـت ولا رجيـتالمـراجـل طرقهـنـه بيـنـات
::أول ملحمة لندوة التراث الشعبي
لشاعربني تميم
الشيخ عبدالله بن علي آل صقيه الوهيبي التميمي
وقد أضاف لندوة التراث الشعبي التشريف لهم بمشاركة الشيخ عبدالله بن صقيه الوهيبي التميمي
لعام 1405هـ
الجنادرية 1
يقول فيها الشيخ عبدالله التميمي:
بديـت باسمـك يامزيـل همومهـا
رب الخلايـق ناصـرٍ مظلومـهـا
علام بالظاهر وما اخفـاه الضميـر
سبحان عـازل ليلهـا مـن يومهـا
سامع دبيب النمل في جنـح الظـلام
منشـي بملقحـة الريـاح غيومهـا
محصي جميع الخلق مجري الكاينات
عسـى علينـا نعمـتـه يدومـهـا
الله يعز الديـن واللـي لـه يغـار
ويعـز عاهلنـا الفهـد قيدومـهـا
ويهدي لطرق الخير كـل المسلميـن
عن فتنه الدنيـا وكثـر صدومهـا
وخـلاف ذا تحيـة للحاضـريـن
ماشـرف السبـار روس رجومهـا
ذي ندوةٍ يفخر بها مـن فيـه روح
ويثنى علـى قايـم بكـل اقسومهـا
واختص منشينها ولـد عبدالعزيـز
ولـي عهـد المملكـة زيزومـهـا
عبدالله الضرغـام شيـال الحمـول
مفراصهـا بخاصهـا داهومـهـا
وسلمان لى عدوا صناديـد الرجـال
أمير نجد علاج صعـب اسقومهـا
أبنا الذي لم الشمـل بعـد الشتـات
وخلى الجزيرة يرتـزق محرومهـا
عبدالعزيز اللي جمـع دنيـا وديـن
خيالـهـا حمايـهـا ملحـومـهـا
الخيل تبـي عقـب فرقـاه الطـراد
والسيف خبي فـي يديـن قرومهـا
حر تسلسـل عارفينـه مـن نـزار
الله يلومـك يامصـقـر بومـهـا
للي مكذبنـي علـى قولـي شهـود
ينشد سمان الهجن ويـن شحومهـا
وينشد محنـاة الهنـادي والرمـاح
والصمع عمن طاح عنـد خشومهـا
حارب وحيرب دون حكم له وابـوه
صفـى مشاريهـا وزال همومهـا
يـاوارد بالقيـظ مطـوي الطـوال
الصوح دلـوك لايقـص أوذومهـا
يامن حض بالحفل واللـي غايبيـن
القـدس يلحقنـا جمـيـعٍ لومـهـا
حنا عرب ماغيرنا يذكـر عريـب
اجدادنا ساس السلـوم سلومهـا(1)
عـار محارمنـا تولاهـا اليهـود
وحنـا جميـع مهتنيـن بنومـهـا
أما حصل فعـلٍ يشيـب بالرضيـع
مايحيي المسنـي نفيـض غيومهـا
عمارنا كالـزرع قافيهـا حصـاد
لاقـدر الله ماتعـقـب حتومـهـا
بصدقٍ هلموا ياعرب حـل الجهـاد
زيحو عن أرض العرب جرثومهـا
هذي فلسطين السليبـه فـي عـذاب
ترضون عوراتكم تـزاح هدومهـا
برجوى صناديد العرب ضد العنيـد
متى علـى خيـرٍ يـورخ يومهـا
تشتيت اجاويد العرب ظلـم عظيـم
والله مايجـري ولا فـي حلومهـا
الـذل مايرضـاه ممـرورٍ يغـار
بيعو عزيز النفس بارخص سومهـا
مانعتبـر بالبـل قاسيـة القـلـوب
يحـن رايمهـا علـى مريومـهـا
ترى التترف مـا يطـول للعمـار
والله فـلا للعبـد عـن مسقومـهـا
دنيـاً رحاهـا بالخلايـق تستديـر
ماتنتـفـع بالفهـيـم ثلـومـهـا
سود الليالـي غيبهـا ماحـدٍ قـراه
طرما بعلها مايعـرف علومهـا(2)
إلى نشدها عن مرضهـا ماتجيـب
قبل طلوع الشمس تاضـع تومهـا
اما تكاتفنـا علـى الباغـي جميـع
وصرنا عصا وحد بقـو عزومهـا
كلٍ طمع قينـا وزاد الغيـظ غيـظ
قطع الخشوم ولا انقطـاع رسومهـا
ثقال الحمول إلها اليا ثقلـت جمـال
تصير عليها لـو تحـس لحومهـا
شعوى الحروب الطاحنه تبغي قلوب
ماهي قلوب اللـي تعـض بومهـا
مـن وحـد الله مايحيلـه مستحيـل
يوري العدى وسط النهار نجومهـا
من مات فالجنة من المولـى جـزاه
والحي ياقف في نحور اخصومهـا
أهل الشرف والدين يرجون الثـواب
من غافـر الـزلات يـوم قدومهـا
هذا الصحيح وغير هـذا مـا يفيـد
من رضى بالهونـا ينـال ندومهـا
ديار العرب كثيرها خلـي خـراب
ماينعمـر ليـن الحشـر مهدومهـا
كان اعلنوها حرب ملقحـة العقيـم
في وقتها مـا طاوعـو لرخومهـا
الحية الرقطا جثـت مـن دون راس
الله يقـدي بالخبـيـث سهومـهـا
ياقـادة الإسـلام يازبـن المريـب
لاتنثنـوا ياقاطعـيـن خرومـهـا
لي كبرت القاله وراعي الفكر حـار
أنتـم دليلـة بالدجـى منجومـهـا
تفاخـت الشوفـات ماتنبـي بخيـر
مرض عزيزين النفوس هضومهـا
وين المدرب وين لبـاس الـدروع
وين المفادي ويـن هـو شغمومهـا
سريا معرب واستعيـن بالله تعـان
ضـد الشريعـة طيـرو ياهومهـا
بمصفحـات تبـرد القلـب الغليـل
يجلـى قديمـات الغبـون هجومهـا
يهجم بها شروى الحـرار معربيـن
ماخلى على دار الأعـادي حومهـا
ومدافـع يبـرى لهـن مـدرعـات
وكتاتيـب تمـلا فسيـح حزومهـا
دهات الرجال خيارها بالمعضـلات
ماتنثني لـى صـدرت مرسومهـا
ماهمب مثل اللي علقومـه ماتثيـب
ناسٍ بغر النـاس كبـر جرومهـا
بعض الدول لوعاهدت بالله تخـون
ماتنعـرف صدقانهـا مـن قومهـا
الهرج واجد والفعل مامـن حصيـل
يابعد رايحـة النفـل عـن ثومهـا
هيهات ياعصر مضى ليتـه يعـود
ما اهبلك ياباغي الثمر مـن دومهـا
ياجرح يا اللـي مايداويـه العـلاج
ماجودها يشكـي علـى معدومهـا
ماأدري متى بالله رحانـا تستديـر
علـى ثفـال المنحـرف ماهومهـا
الله على الدنيـا ومـا فيهـا يعيـن
دنيـاً يشيـب همهـا مفطومـهـا
تمسخرت فيهـا الثعالـب بالسبـاع
والحر شاف الهـول مـن فيومهـا
ماهوب فيها اللي صريح مستريـح
ناسٍ شكت من ضيمها مـا لومهـا
الله لا يجـزي ردي النـاس خيـر
مذمومهـا شـرهٍ علـى محشومهـا
خانك زمان ضحك لك يابوعسيـب
ذبحـك شومـك يامنقـل شومهـا
الصانفـات العاديـات المغنـيـات
قزاك من مسـاك حـس رهومهـا
ياام الكفول ارعي ودوجي ياحلـوب
أهلـك تنـام وروسهـا بكمومهـا
ومن بعد ذا ياأديب نرجـع للتـراث
ونبحـث بسيـرة لازم وملزومهـا
أحيي ركيك الشعر والجزل أهلكـوه
أختارو الهـزلات عـن مدسومهـا
لولا المجامل بالأداب من كل أديـب
ضاعـت الشعـار فـي ديمومهـا
أنخى والوم أهل الفكر وأهل العقـول
تبحث وتبدي ما أدركـه مفهومهـا
وين الفحولة اللي تحكـم ماتحيـف
مامـون حكمهـا علـى محكومهـا
وين ابن حابس والعريب ابن منـاة
وعامر ومازن وابن كعب زعومهـا
وين ابن يربوع والأضبط مع ذؤيب
والنابغـة فنيـوا حمـاة ذمومـهـا
وذي الأصبع ومن كان له ذكر جميل
يـوم القبايـل زاحـم ومزحومهـا
وين الفرزدق وين ابن عمه جريـر
وين الشهم غيـلان مـرذي كومهـا
حنا هل الحكم المشرف فـي عكـاظ
وجل المنايـا مـن تميـم سهومهـا
الى رقص شيطانها والضـد صـال
رماحـنـا مايعتـقـه مسمومـهـا
يشهد لنا كسرى وقيصـر والوفـود
من كـل جنـس تختلـف بنغومهـا
ذا قول من قوله الـى دور صحيـح
قبيلـة مـا ينثـنـي مزهومـهـا
لى قربت رخم الجموع من الجمـوع
أنشد عربها عـن تميـم ورومهـا
وأنشـد جمـوع عنـا بالحـروب
تنبيـك عـن قعقاعهـا صارومهـا
أفخر بقومي مروية حدب السيـوف
قومٍ صعيب ٍ بالحـروب هزومهـا
شهد لهم فيصـل وفييـن الشبـور
تميم وادي بريك يا مضيومهـا(3)
منا المجدد شيخخ الأسـلام الغيـور
جلا الظـلام اللـي بلـغ حلقومهـا
وذريته بعده هـل الديـن الحنيـف
عـن رالشريعـة ماتـزل ختومهـا
والثاني أهل الجود من عصر الجدود
ربن وذرا من حستـه سمومهـا(4)
وقابوس شيخ عمان فخر البوسعيـد
وجده ولد عَمـر النـدى مرحومهـا
وأهل الجبل باجا وسلمـى يعرفـون
وبسدير والعارض ومن بوشومهـا
وأهل القصيم أفخر بهم عوق الخصيم
لـى خايـرت ذلانهـا وصرومهـا
وأهل الوفا الجبلان درعي في مطير
وعرنة تميم أعران شايـل زومهـا
ومنا الأضبه عند حـزات اللـزوم
قرينيـة روس الربـاب نتومـهـا
وحويط بن سامي ومن يعزى عليـه
فرسانهـا يشهـد لهـم مشكومهـا
وأهل العراق وبرفـارس والخليـج
ومصر وتونس والديـار عمومهـا
وترثة عبادان آل تميم أهـل إيـران
يشدون لى حـل القضـا ملمومهـا
وفي حضرموت لنا جموع يرهبون
ديارهم صـوب الجنـوب يمومهـا
ولنا بفلسطين وبـالأردن عزوتيـن
منهم شكا الطفل الرضيـع يتومهـا
حنا مضر نصطي الى هاب الذليـل
صفـوة نـزار ومعـد ياماهومهـا
منا عتيبـه والزعـوب ابنـا سليـم
وهذيل لـى عـد الفخـر ونعومهـا
والمالكي والباهلـي زبـن الدريـك
والخالدي زنـد الحـروب سقومهـا
واشراف مكه والعداويـن وثقيـف
اشعارنا جـزل الشعـر منظومهـا
نعرف إلى قرب حفيف من حفيـف
لى زججت رقـط اليايـا سمومهـا
نرسي كما ترسي مرسـاة الجبـال
جبال مرسيهـا الولـي بخشومهـا
نارد على شعث النواصي مانهـاب
خيل لنـا طاعـت قبـل تعلومهـا
عدنان مثل طويـق شـم يزبنـون
منـا الإمـام وغيرنـا مأمومـهـا
كم جاهل مغرور زم الشـم طـول
تاخذه قومي فـي وسيـع حلومهـا
وقحطان عصمان الشوارب نسل هود
صقـورٍ مراقيـب العـلا ترومهـا
وباقي القبايل مثلنـا ماهمـب دون
تعرف بحومـات الوغـى بقدومهـا
هذا ويا من لـه ينمـى راس مـال
انذرك عن حوت البحـر لاهومهـا
والحكـم لـه ثـم لوسـود السعـود
صفوة ربيعة فرعها وجذومهـا(5)
ليوث العرين اللي رعاياهـا ليـوث
شعبٍ يزور ديـار جايـر قومهـا
تمت وصلى الله على سيـد الجميـع
الهاشمي ضـد الكفـر معصومهـا
والآل والأصحاب موفيـن الذمـام
ماهل وبل مـن سحـاب وسومهـا
وسلامتكم
15-12-2007, 02:12 PM
العرض العادي
