خطوات بسيطه لآي لاينر رااائع ..(من كتابة يدي)

[مشــاعر]

[align=center]
.
.
هلا وغلا فيكم,,

طبعا كثير بنات مايعرفون يرسمون بالآي لاينر ,,ويفضلون الناشف أكثر ,, لكن انان أنصحكم بماركة محمود سعيد سعره (15ريال فقط) وأحسن كحل جربته الى الان,, وعلى فكره هو الكحل اللي يستخدمونه مشغل قطرة ندى ,,

خطوات رسم الكحل جدا سهله لكن يبي لها تمرين وتدريب ,, حاولي حتى وانتي في البيت ماعندك شي ترسمينه على عيونك,,

انا طبعا اعرف ارسل كل الرسمات ,, بس احلى رسمه واللي تناسبني أكثر اللي هي السمكه ,, مفتوح من قدام ومن ورى ,, وخطوات رسمها كالتالآلي,,

1*افتح الكحل واطلع ريشته وتكون مليانه بالكحل ,, اخففها شوي بس وأبدى أحط من فوق في نص الجفن وامشي على ورى ,, لان الامتلاء لازم يكون في النص ,, واعيد عليه لين القى المساحه امتلت ..
2*بعد ماانتهي من النص تكون الفرشه فاضيه نسبيا ابدى اخط خط طالع من مجرى الدمع بعدين اوصله بالنص ولا أعيد عليه ..
3*اذا وصلته امشي لآخر العين وتصير طبقه وحده من قدام وعدة طبقات من النص..
ابدى اطلع خط من اخر العين ويكون منعوج ,, يعني مو مستقيم,, ويكون على امتداد اخر الحاجب,,
4*اطلع الريشه ونفس الخطوات تحت العين ,, واي خطأ أصلحه بأعواد الاذان ,,

واذا انتي في البدايه ,, حاولي ترسمين بالناشف وتعيدين عليه بالآي لاينر ..

ان شاء الله اكون افدتكم ,,

دمتم بود

.
.
.

[/align]

[لهفة الخاطر]

[align=center]

هلا بشعلوله ويعطيك العافيه على هالطريقه وتسلم هاليدين ...

بصراحه رسم العين يبي له دقه والحمد لله إلى الآن أعرف ...

بس اللي ماأعرفه هو الشدو .... بصراحه ماأعرف أضبطه كل ماحاولت يخرب معي ...

وأنادي أختي علشان تعمله لي ...

يعطيك العافيه ياقلبو ويسلم روحك[/align]

[أموَآج الحَنِين]

يا حبنيلس

فعلا محمود سعيد جدا جدا كويس واحسن كحل,,

تسلمين على هالطريقه الحلوة يا حلوة

وان شاء الله نجرب

مع اني ما احط كحل الا ناااادر اكتفي بالمسكرا


دمتي بخير


أمواج

[مشــاعر]

[align=center]
.
.

**لهفة الخاطر**

ياقلبي انتي الشدو اذا تبين تتعلمين مو في نفس الوقت اللي فيه العزيمه تجربين ,, قبلها بيوم حاولي تحطين وتمسحين تحطين وتمسحين لين تلقين احلى طريقه وتذكري طريقته وسويه في العزيمه ,, بس انك تجربين وقت العزيمه أكبر خطأ ,,

وترى أحلى شدو وأنعم شدو اللي في مقدمة العين يكون فاتح بعدين يتغمق لين الاخير وموشرط تدمجين ألوان كثير,, أحلى شي اختاري 3 ألوان مناسبه للبس اللي تلبسيه وبس,, واذا تبين تموجين وتدخلين اللونين على بعض عشان مايصير كأنه مقسم ,, بأصبعك حركي الالوان على بعض ,, لان الفرشه ماتساعد على التمويج وخاصه للمبتدئين ,,




مشكوره على تعقيبك يالغاليه ,,


.
.
.

[/align]

[مشــاعر]

[align=center]
.
.
**أمواج الحنين**

هلا بك أموجه ,,

والله على حسب المكان انا مو دايم أحطه ..

مشكوره على مرورك ,,


موفقه


.
.
.

[/align]

[...سندريــلا...]

(طبعا كثير بنات مايعرفون يرسمون بالآي لاينر ,,ويفضلون الناشف أكثر )
7

7

7

وش قصدك بهالكلمة .....

يسلموا...

[شـمـ إمرأة ــوخ]

:

:

شعولتنا الرائعة

كلامك تمام تدربين أول أفضل من وقت العزيمة ..

أدلكم على حركة مجربة للتدريب الصح ومن أيادي خبيرة تجميل


وانت فاضة بالأجازة وما عندك شغل

من الطرق المجربة وتنمي مواهب الميك أب ..

_ بدعي باللي حولك يوم سوي شدو السموكي يوم عادي ....

_ دربي يدينك على أتقان اللأ ينر والشدو

_ طريقة للي عندهم رغبة بــ زيادة الأتقان .. مجربة

روحي يم مشغل معروف أنه تمام التمام طيب .. حتى لو أسعاره نار

وخليهم يرسمون لك عين وحدة بس >>> 50 ريال على حسب أسعارهم

وروحي للبيت وتأملي الشدو ودمجة وحركتاتهم اللي مسوينة وطبقيه بالعين الثانية

شوي شوي تصيرين أحسن من الخبيرة >> بس تبي سعة بال + رغبة + ذوق

ومع الزمن ماتحتاجين المشاغل في الميك أب أبد وبدون كلفة دورات

عاد مشاغل جدة معروفة مرررة ...

جربت هــ الحركة معاهم وياســــلام أنبسطت معها وهي معروفة أسعارهم سلخة

:

:

[مشــاعر]

[align=center]
.
.


**ساندريلا**

نورتي الغاليه ,,

وانتي لو تتدربين كان عرفتي بس العجز يامال الــ.... ان شاء الله ,,




.
.
.

[/align]

[مشــاعر]

[align=center]
.
.


**شموخ امرأه**

والله صعب الواحد يتدرب على شغل انسانه متمرسه في هالشي,, الاحسن يبدا بداياته هو,,

مشكوره على الافكار ياقلبي ,,

دمت بود


.
.
.

[/align]

[جورية]

والله تدريب وحركات ماشاء الله عليكم

تسلم يدينك مشمشة وانا برأيي ان كل وحده تعرف مواطن جمالها وتبرزه

يعني ممكن وحده حلو عليها الكحل من داخل العين احلى من الاي لاينر الخارجي

والمهم ان الوحده تجمل نفسها باسلوبها اللي يناسبها

ويعطيك العافية مشمشة والف شكر

ودمت بود

[أمل الكويت]

..

صاجه اختي مشاعر ..

محمود سعيد افضل .. و بصراحه ألي ما تعرف للآي لاينر تتوهق ..
و تحسن أن مكياجها مو كامل ..

و طيعيني يربي رسمه الفراعنه رووعه أول مره اسويها في العيد و طلعت جونااان ..

و يعطيج العافيه ..

[مشــاعر]

[align=center]
.
.
**جوريه**

صح صادقه ,, بس الكحل السايل حلو كمان يعطي شكل ,,

مشكوره على المرور ,,


.
.
.

[/align]

[مشــاعر]

[align=center]
.
.
**أمل الكويت**

والله رسمة الفراعنه جربتها مره وطلعت حلوه بس مو في كل مكان اقدر احطها..

رسمة السمكه اذا في عزيمه بسيطه حطيتها بس من فوق اذا عزيمه كبيره من فوق وتحت ,,

احلى شي ان عيني تساعدني انا ,,

مشكوووره على تعقيبك الروعه ,,

دمت بود


.
.
.

[/align]

[شادن]

يعيطـــك العاااافيــــه(((مشمشه)))

وحلو إن الوحده تدرب نفسها بنفسها وتستفيد من تجارب الآخرين00

سلمتـ أناملك على ماخطتــــه لناااا00

والسلاااام خير ختاااام00

سي يو00
(((شــــادنــ)))

[مشــاعر]

[align=center]
.
.

ياهلا بك نورتي يالغلا ..

واشكرك على مرورك يالغاليه ,,

.
.
.

[/align]