الرفاقه والقصير

[علي بن تويم]

للتواصل معكم اخواني الاعزاء












[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
حنا هل الخوه مدلهت الرفاقه والقصير=يوم الردي بار بخويه يالسنافي واشتكاه
بلغ تحياتي وتقديري الامير ابن الامير=اللي عن العربان والاجواد يفرق مستواه
بالمرجله والطيب والمعروف منقطع النظير=ماكنه الا في زمانه حاتم الطي ونباه
قله ترا الموضوع صار اليوم يالنادر كبير=ولاهوب حق لي ولا هو لي لاجل ادمح خطاه
لان الحقير ابن الحقيرابن الحقير ابن الحقير=هبت هبوب الشعر له من كل صوبن واتجاه
ولاعاد له عني محير ولامنير ولامطير=حانت به اقداره قبل ليلن يطلمس من مشاه
لاني وكيل الاغنياء وايضا وكيل للفقير=من دونهم هلت مزون الصيف من عالي سماه
ذا موقفي مع عزوتي واللي علي يمل الضمير=ماعاد فيها مايضدون العصاه الا العصاه
والموقف الغصاب بأن وروح بلغ يانذير=واللا ش انا لاقمت ابدقم مدته وادقم شباه
حنا نوردها على الميدان والجم الغزير=يوم الردي تقصرعن الميدان و الجمه ارشاه
هذي حقيقه ماتبي لك علم يالوجه السفير=علمن تناقله الرواه من الرواه امن الرواه
السيف له هيبه وله سله وله حدن شطير=والخيل لاكرن وغارن زلزلن حتى الصفاه
والمشكله من بينا يقودها سلك الحرير=لان الرجال رجال يوم العلم واصل منتهاه

[/poem]

[وارث الطيب]

بن تويم / يسعد لي صباحك

ونص كتب إثر موقف جعل الشاعر يندفع بقوه ليعبر عن شموخه
ولومه وتصوره / نص يحمل الجزاله والفخر

شكرا لهذا الهطول







.

[شامخة]

صح لسانك يا ابن تويم

[عبدالله الشويمان-الرعد]

صح السانك يا اخ علي

قصيدة شديدة اللهجه لا هنت لا هنت

[ناصر الحنو]

الله الله الله ياعلي

شموخ فخر
واعتزاز كبرياء
وعزة نفس تحلق بشموخ

صح لسانك ولاهنت ياغالي


كل الحب والتقدير

اخوك ناصر
ظماالعشق

[سطام الشمري]

[align=center]صح لسانك يابعد حييّ
قصيده في قمة الروعه
وأبيات جزله من شاعر جزل

بيض الله وجهك[/align]

[معانق الغيم]

معك الإبداع متسلسل ومتواصل والذوق عالي ومتأصل....... لك مني كل الحب والتقدير

[سعود الخليل]

صح لسانك اخوي علي بن تويم ...


أبيات رائعه وفيها من العزة والشموخ الكثير ...