السلام عليكم ورحمة الله وبركاته
كيف حالكم جميعاً
بصراحه من الطفش ما تدري وش تسوي
قلت ببحث عن شعر كويس
وطحت لي بشعر أكوس من الكويس
بعنوان : ( ملحمة الزواج )
وهذي الأبيات
أرجوا أن تنال إعجابكم
[poem=font="Simplified Arabic,4,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
.للزواج غنوا لي الناس موال = قالوا تزوج دامك في أحسن الحال
.ترى العمر لحظاته قصيرة = وعن ما ودعن مايفيد السؤال
.بديت افكر واطلقت خيالي = وعلى اوصاف الحبيبة ماطاق الخيال
.قلت ابيها ذات حكمة وحنكة = ورجح عقلها يحتال به عقال
.ابيها كاملة بالعقل والفكر = وفي شكلها ماوسعت المجال
.قلت شئ عن شئ يكمل = والزين مايكمل ولله الكمال
.ابي حكيها ثقيل ورزين = ونطقها عذب كما صافي الزلال
.وابيها بعد على ابوها كريمة = لاجاوا ضيوفي تلقم ثلاثة دلال
.ابي اخوها قرم محزم لي = ومعربة النسب من عم وخال
.قالوا يعنى ماودك في جميلة = قلت الدين عندي اهم من الجمال
.بس ابي عينها عين الوحش = وساع مكحولة ولها رمش ظلال
.ابيها لا ناظرتني بالنواعس = يطيح من كتوفي هموم جبال
.وقلت ابيها بعد مدموجة ساق = والطول ابيها من قصيرات الطوال
.والشعر فيه أنا ما أشدد = بس ابي جدايلها كما ذيل شلال
.وقلت اسمعوا كل شئ الا خصرها = ابيه بسهالة يلتف به عقد سلسال
.والخدود ابيها حدباء وسيعة = ضيها كما القمر في بداية هلال
.وفيه شئ بقوله لكم ونسيته = وصف جذبني من صغري ولازال
.أحب مشيتها تكون غير غير = كما الفرس اللي تثنى من دون خيال
.قالوا تريث امثال وصفك كثير = وانت تستاهل اللي مالها امثال
.والامور الباقية خلها علينا = بس انت جهز مهر مية الف ريال
.وشف لك بويت ياثنين يضمكم = ولاصار كبير أحسن علشان العيال
.وحدد موعد بالصيف لزواجك = وان كان مايمدى ياقرب شوال
.وهاه وان جاك ولد لاتنسى تسمي = ع أبوك اللي بنى للطيب تمثال
.قلت ابشروا بالعز وانا ابن خليفة = يشهد علي من زين باللحى كل رجال
.اني لخلي السيوف تجدد شوقها = لعرضات الخليفي لاصال وجال
.يوم برقت لقيت اني جالس = بين اهلي وفي صف العيال
.واثل اللي أنا فيه توني = حلم عشته ومر عني بعجال
.قلت ياليل العنا حنا مابدينا = قالوا ايه تونا قلت ياليل لالال[/poem]
الشاعر / سعد آل خليفة
منقول