][ .. يازين وقتن نشب نار بالشتاء متدفين .. ][

[شعيب سدير]

[frame="2 80"]السلام عليكم ..

اعجبتني فأتمنا كذلك تحوز على اعجابكم ..

.. يقول الشاعر الفلاني ..


[poem= font="Simplified Arabic,5,black,bold,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
يازين وقتن فات ماهوب هاللحين = يوم النوايا كلهن صافياتي

والحقد مايوجد ودايم سعيدين = ونفوسنا سمحة وسكر نباتي

وبيوتنا ونسه ولابه شياطين = مايدخله صوره ولامنكراتـــي

ويطرد ظلام الليل عنا سراجين = واحيان يقضي قازهن طافياتي

مشروبنا صافي من الزير ولبين = ماهوب مستورد سريع الفواتي

ماصنعوه الغرب يافالهم شين = مابه مواد الحفظ ومسرطناتي

وعيشنا مرقوق بين العشاوين = تحطه امي قبل وقت الصلاتي

لقمه هنيه طيبه طعمها زيـــن = تحوفها بيدينها الطاهراتــي

ثمن ننام الى قضينا مصليـــن = بعد العشاء كلن يريد المباتي

وامي تنومنا بزين السباحيـــن = سوالفن من عنـــدها طيباتـــي

ننام من بدري ونصحى نشيطين = بعد الشروق اشغالنا جاهزاتي

مابه كسل لاشغالنا مستعدين = ماعندنا سايــق ولا خادماتــي

نلبس بيوم العيد ثوب السباهين = وام تحنينا نمــــاري البناتـــي

مقيـــالنا بمجببــــن بيـن بابيــن = فيه الهواء يطرق جميع الجهاتي

نشب نارن بالشتاء ومتدفيـــن = مافيه دفايات ومكيــفاتــــــي

يجي المطر وثيابنا تبتلي طين = ونلعب جميع عيالنا والبناتـــي

يصب مثعبنا ونملى المواعيــن = ياحلو ذاك الماء وذيك الحياتي

ماهي حياة الحين ياشين هالحين = كله غثاء وهمومنا كاثراتـــــي

وصلاة ربي عد ماترفع يديـــن = على محمد صاحب المعجزاتي [/poem]

صح لسان الشاعر ..

تحياااتي للكل ..[/frame]

[ftooosha]

[align=center]نشب نارن بالشتـاء ومتدفيـن مافيـه دفـايـات ومكيفـاتـي
يجي المطر وثيابنا تبتلي طيـن ونلعب جميع عيالنـا والبناتـي
يصب مثعبنا ونملى المواعيـن ياحلو ذاك الماء وذيك الحياتـي
ماهي حياة الحين ياشين هالحين كله غثـاء وهمومنـا كاثراتـي
وصلاة ربي عد ماترفـع يديـن على محمد صاحب المعجزاتـي [/align]


صح لســان شاعرها
وتســلم يميــن ناقلها

قصيـــده رووووووعه
يعطيـــك العافيــه ....

[شعيب سدير]

هلا وسهلا فيكـِ اختي .. ftooosha ..

الاروع تواجدك اختي الكريمة ..

شاااكر لكـِ طيب تواجدكـِ ..

تحياتي لكـِ ..

ويا هلا ..