ياحلو ذا الطير حلواه

[سديراوي_2003]

[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
ياناس انا في الولع شرع ابواب = مولعٍ بالطير وللي يشيله
خصٍ ليا جاك اشقرٍ منه ترتاب = ودقوق فارس فوق سبعه دليله
هجرٍ له العاتق كما عاتق الداب = اشقر ظهر كفه تلحف شليله
تشبه اكحوفه عسكريٍ لبس كاب = وجوهر اعيونه يوحشك ماتخيله
لامن سمر بالطلع ماهوب كذاب = مايحترك ياكود بالدار زيله
لاشفت جرتهن مع الريع هراب = وتل العميل اللي يدور عميله
يردم ويكرب صافي الريش ماخاب = وحول على اللي تتقي بالخميله
نشه بكفه وذوق الخرب مخلاب = ثمٍ شهر عينه تلد بخليله
كنه يقول الخرب لامابعد تاب = حول وتله تلتٍ مستحيله
مابه رفاله لاحشى قضبه أعجاب = وول حياته قد ذبحها فصيله
هذا الذي ينومسك من بين الأجناب = ترتاح والله ماتدور بديله
اقولها يوم الولع جاله اسباب = واللي تولع ماعتقد فيه حيله
[/poet]

[اتيكا]

اخي سديراوي_2003

احييك بتحية الاسلام السلام عليك ورحمة الله وبركاته

ويا مرحبا ومسهلا بك في منتدى الرحلات والصيد

وبيض الله وجهك عزالله انك ماقصرت على أختيارك لهذة القصيدة وشكلك راعي مقانيص

مير الله يوفقك ولك تحياتي

وإذا كان عندك المـزيـد فلا تــذ خــر طلبـاً منك لا أمــراً عليك


وتقبل تحيات أخوك أبو شذى

[مفتون صيد]

تسلم يا سديراوي_2003
عز الله انها قصيده حلوه وخصوصا المتولعين بالطيور

كـنه يـقول الخرب لامابعد iiتاب حــول وتـله تـلتٍ iiمـستحيله

ومثل ما قال اتيكا نبي همتك ونبغاك ترفع معنا منتدى الصيد ولا تبخل علينا بالمشاركات

وتسلم يمينك

[المري]

عزالله انها قصيده طيبه صح السانه وكثر الله من امثال هذه القصيده في الطيور لانه اشوف اكثر


اللي يقال في الساحه الغزل؟؟ّّ!!

صح السانك يالسديراوي وفي انتظار المزيد.

وياسلام على القصيده وخاصه هذا البيت

[poet font="Simplified Arabic,14,black,normal,normal" bkcolor="" bkimage="" border="none,2,burlywood" type=0 line=200% align=center use=sp char="" num="0,black"]
مـابه رفاله لاحشى قضبه أعجاب=واول حـياته قـد ذبـحها فصيله
[/poet]

[ابو سايل]

صح لسانك اجل طالع طالع شاعر من ورا ضهورنا















مشكور وما قصرت وفيت وكفيت في ذي القصيده الله الله بالقصايج الجايه
تقبل تحباتي":؟.,’آلآ{******ْ~ٍِ][لأأ