عياااااااارتي وعياااااااااااارتك ... !!

[شيختهم تميميه]

______________________________________________

السلام عليكم ..

بسم الله وبدخل بالموضوع بدون مقدمات >>تحسوني قويه

الصراحه انا بنت سديراويه من اخوال وعمان >>طيب وبعدين


يعني عايشه بمجتمع سديراوي بحــــــــــــت >>بشري امك

الزبده من هالكلام اني عانيت معانااااه شديده من طبع مستحيل يتغير واتوقع كلن معاني
معي سواء بنت او ولد ..



الموهم ما اطول عليكم .. والسالفه بكل بساااااطه هو كل عضو يكتب معااااناته من ...

(( التعليق والتطنز والمسكات القويه الي مرت عليه بحياته ))

واقصد مثلآ العيااااااارات >> وياكثرها ولحد يقول ما عندي عيااااره ((مستحيل نصدقه))

وطبعآ نبي سبب العياره >>لان كل عيااااره لها قصه خخخخ

او مثلآ سالفه مرت عليه فيها مسكه قويه ونااااااشبه فيه للحين ..

او حركات ما تتغير مع تغير الزمن من اللكــــــــــاعه والإستعباط ..


او او او او .......

يعني الدعوه كلها سوالف وطنازه وما يخفيكم شي .. انتم سديراويه وادرى ...

واخيرآ اقول كل اهل سدير فوق راسي وهذا ان دل على شي

فيدل على خفة دمهم ومزحهم الشرباااااات>>تـــــــــــــــــرقع




ولا تقولون شيختهم كتبت الموضوع بتتهرب منه ..

بالعكس انا اول وحده بقولكم عيااااارتي >>فيني حررررره خخخخ


عيارتي هي ..........>> عاد اشوف احد ماسكها علي هااااه ياويلكم >>خافت تقول


ما سبب التسميه ؟؟





سبب التسميه الله يسلمكم انه في يوم من الايام عندما

كنت طفله >>يعني بزر ((اخاف ماتفهمونها خخ))

وقاعده مع بنات اخوي وبنات اختي نلعب بســـــج ابوي >>مدري وشلون مكفينا هالسج خخخ

وكان ابوي من باب المزح مع احفاده وابناءه قعد يدغدغ ويفغص فينا

وإنا ضعيفين ما غير كاااااااارينها ضحك >>من الوجع بس على بالنا اقوياء خخخخ

عاد انا يومني صغيره دلوعه ونعومه >>امحق شوشتك دايمآ طايره >>سوري شوشه منغوشه ما اقصدك



الموووووهم من كثر هالتفغيص اختكم في الله ما استحملت وكنه اغمى علي وصار وجهي

تقل ليموووونه من الصفار ..

عاد لايفوتكم اهلي انواع الصجه ((يوووه شيختهم اصفرت .. وراها مصفره .. بنيتي صفراء ))

وهكــــــــــــــــذا حتى لصقت ........ علي ..

>>انا ما قهرني الا ابوي ما كأنه مسوي شي تحسونه بريء ويتبوسم بعد خخخخخ

(( ياحبي لأبيي ))
















واتمنى السالفه عجبتكم>>الدعوه عيياير ليش ما تعجبهم >>الا غصب تعجبكم
((كم كلمة تعجبكم بهالسطر خخخ))


واتمنـــــــــــــــــــــــى بعد القى تفاعل حلوووو ويبرد القلب ..


وترى عندي عياره ثانيه بس اذا لقيت عندكم

سوالف وردود سنعه قلتها>>مخفه علطول تقول عياراتها خخخ





ملاااااحظه // تراي كنت كاتبه عيارتي .. بس شفرتها

يعني اذا شفت عيايركم كتبت عيارتي >>اخاف اكتبها .. وتسحبون علي محد

يكتب عيارته ..


يعني وحده بوحده ..


قولي ( او ) قل عيارتك .. ويصير خيييييير ..



وسلاأأإإأأإإأأإإأأإإمتكم ..

[بسمة سدير]

[align=center]يا هلا والله بالشيخات كلهم


يالله حيها يا الصفراء





أمزح والله


وعن العيارات .. لحظة أبروح أسأل أبوي << يقال من الاحترام ألحين ما عاد يقولون لها شئ


بس فيما أنا أسأل


خوذي هالعيارة على بنت عمي مسيكينة


يومها صغيرة .. صفراء صفار غير طبيعي !!


عاد عماني يخلون أحد في حاله ؟؟


كبرت ألحين وهي في الجامعة .. كل ما شافوها


قالوا ( أستغفر الله .. أستغفر الله ) << لو ركزت فيها تطلع ( الصفراء .. الصفراء )


ويالله عاد .. أنواع المناقر


وأخوي الله يحفظه .. عيارته حلاو مصاص


جسمه مختفي .. وراسه ما شاء الله كبير


يالله بإذن الله لي عودة << افلقيني


شووووووووووووووووووووكرا الشيخة على هالفضايح [/align]

[الم الفراق]

امحق وش ذا التنبيش << منقهر

تبين عيارتي بدون شفرات << يا حليلي

عندي ونتين


الونه الاولى

حصان ابليس << تراي قايلها بكل قواي العقليه << يعني مني مخفه

مسميتني امي لان كل مشكله في البيت سببها انا



الونه الثانيه

الذيب الامعط <<< بعد بكل قواي العقليه

مسميني ابوي لاني يوم كنت صعنطوط زئبق القط الاشياء وفرررررر انحاش



عاد لا شوفها توطوط على لسانكم ويالله فكي الشفرات يا شيختهم وقولي الثانيه

[عاشق الهدد]

صح إني منب سديراوي بس السديراويين نحطهم فوق روسنا أنا قصمنجي

أنا عندي عيارتين

العياره الأولا

(الفحمه)

طلعوه عيال عماني
لأاني اسمر

العياره الالثانيه

(البصله)

نفس الكلام طلعوه عيال عماني

لأاننا كل ماطلعنا للمخيمات أقطع بصل بالفطور والغدا



((بس عاد لا أشوفكم دايم تقولونه))

[الم الفراق]

هلا والله بالبصله هههههههه<<< تراي امزح والله

صرت خويي عندك عيارتين هههههههههههه

بس الظاهر انها بتسحب علينا ما دامها عرفت عيارتنا
ما قالت تبي ردود تبرد القلب !!

[شيختهم تميميه]

>>هذي العضوه فااااااااااااااطسه من الضحك هااااااااااااااااااع






حيا الله بسووومه >>المووهم لاتصرفين قولي عيارتك اهووووو ^_^

يقالك اللحين فضحتي بنت عمك وانت مؤدبه ماسويتي شيء هاااه ؟؟


>>راحمتها نفس عيااارتي هع


حيا الله >> حصان بليس والذيب الامعط .. اما حصان بليس ((عيارة وحده من صديقاتي >>لأنها جنيـــه وفاهمه كل شيء .. وعشانها طويله طولن فارع >>وانا يا حبيلنا صغنطوطات عندها لووووول ))


>>اما الذيب المعط >>مشلحينها من طاااش هع



حيا الله >>الفحمه >>نحتاجك هالايام بهالبرد لووووول
اما البصله >>هههههههههههههههه خخخخخخخخخخخخخ

>>يا دين الله اللحين تتحمل البصل وخياسه ودمووووعه ويطلعون لك هالعيااااره >>مالهم حق خخخخ


وحيا الله اهل القصيم >>والله لهم معزه بقلبي محد يدري بها وهــ

>>وترانا عيال عم من بهالسوالف يعني (( اقلـــــــــــــط ))


وابشــــركم بردتوا قلبي بهالردود >>هماها عيياير هاااااااااع >>تستانس على هالسوالف هع


بس مااااااااااش متوقعه الردود اكثر .. مدري ليه ؟؟



ملااااااااااااااحظه //



اتمنى الموضوع يتثبـــــــــــــــــــــــــــــــت

[الم الفراق]

اقووول انتي ودك تشوفين عيارة الناس
قولي عيارتك << منقررررر

[FATA--JALAJEL]

السلام عليكم



شوفوا تراني أنا ما عندي في أحد


يعني وجه بن فهره



أقولكم عياييري كلهن


أولهن كانوا أخواني ( الله لا يحرمني منهم ) يسموني الصعيدي

تدرون ليش ؟؟

لأني يوم إني كنت صغير توني أرضع

المهم وكنا بمكة وراحت أمي تتطاف << تاخذ لها سبيع

وحطتني مع أخوي أبراهيم وجلست أصيح

المهم إلا ذيك الصعيديه << كأن عيني تشوفها


إلا وتلقطني من بين يدين أخوي وتشبك الفيش

وتشوفني ألهط من ذاك الحليب إللي ما ودك تشبع منه << يوووه والله من الصدق


وجتني أمي وأنا نايم وخالتي راحت مدري وين


ولا من شاف ولا من دري


العيارة الثانية

الأعصل

أبوي ( الله يحفظه ) كان يسمينى الأعصل ما يقول إلا أمش يالأعصل رح يالأعصل

الله يطول في عمرة



العيارة الثالثة


الأشهب << هذي قريبه يعني الأيام هذي


هذا مدري وش سبب التسمية

فيه واحد يجيني على الماسنجر (( الله يستر علينا وعليه ))

وكنت أعانده بالكلام وهو يقول لي أنقلع يالأشهب


مدري ليش


(( أبو عبد الله كيف الحال ))



شكراً على الموضوع الجميل

[أمير شقراء]

اما انا كانو يسموني اخوالي


الـــــــــــــقـــــــــــــــــــط الاســــــــــــــــــــود

لاني كنت اعض

داااااااايم

ويوم من الايام جا خالي وانا كنت في التمهيدي

يعني في بيت اخوالي لا احد يفهم غلط

ويجي خالي ويقول يالقط الاسود

والحقة وقلت والله ما اخليك

واحجرلة في الزاوية ويوزي كتوفة = ما كنت احب اعض الا في هالمكان

ويعطيني ضهرة واستلمة واعض من هنا ويسحبون من هنا

الين قبصتني جدتي عاد اعتقتة

وزرقت وحالة

عاد يوم درى جدي اني مسوي كذا في خالي قال ما فية روحة للمزرعة

يوة ذيك الاياااااااااام كانت المزرعة شي مقدس

واقعد اتحسف وصياح ونياح

والى يومكم باينة العضة

[شيختهم تميميه]

بســـــــــــــم الله ..(:


الم فراق >>بالله وش محمسك ع العياره الثانيه

>> ملقوف >>تحب العياير >> إذن انت سديراوي 100ًًَ% هع (:


انعشني مرورك اخوي ..



فتى جلاجل >>تصدق ما استوعب كلامك بهالسالفه الا لما قريتها ثلاث مرات >>اجل ذايق حليب صعيديه وعععععععععععع (:


((بس ما شاء الله لك ثلاث عيارات >> غير المخزون اكييد هع ))

انعشني مرورك اخيي ..



امير شقراء >>شقراء + سدير + القصيم = كلنا عيال عم وراعين عيياير >>يعني ما استغرب الااا اذا شفت (( مرحبن بوه ))>>جده (: لووووووووول


بس عياااارتك طويله >>يسمونك عتوي وخلااااص ((العتوي عيارة ولد اختي هع ))

>>بس صراحه تروع اجل مزرقه للحين >> وانا يومني صغيره دايم انعض من اخواني خاصه وااااحد >>بس ع الاقل اذا قطع مني لحمه يشرطلي من البقاله .. سن توب وتوكس>>غباااااااار هع (:






اما عيارتي الثانيه .. منيب قايلتها الا لما يتثبت الموضوع >>الم فراق توسط لنل عند الاخ يزيــــد (:




(( وبعدين وين البنات ؟؟ ولااااااااا بنت حطت عيارتها !!! ))


(:


(:

بسمه سدير وين اللي بتجيب عيارتها >>حشى تتقضين للعيد .. مااااا صارت ..



بنــــــــــــات كبوووو العشاااااء >>محد دااااري عنكم ولاااا عن عييايركم >>الدنيا فانيه وانا اختكم هعهعهعهعهع (:

[الم الفراق]

البنات يستحون من العياره بقول للاخ يزيد وياويلك اما وفيتي بوعدك << سديراوي 200%

[عظيم الشوق]

الم الفراق

البنات يستحون من العياره بقول للاخ يزيد وياويلك اما وفيتي بوعدك << سديراوي 200%



ههههههههههههههههههههههههااااااااااي

[شيختهم تميميه]

الم فراااااااااااااق >> 500%

هااااااااااااااااااع


انت خله يتثبت ويصير خيييييييييير ^_^

>>شكلك سديراوووووووووووي بحــــــــــــــــت .. الموووهم طلع باقي عيايرك هع هع هع

>>احس عياراتك كثيره لووووول




سراب نجد >> وش ههههههههههاااااااااااااااااااي >> نبي عيارتك .. لا تصرفها بالضحك >>والا مستانس على هالعياير .. ذب عيارتك هنيـــــــــــا ^_^

[عمر بن عبدالعزيز]

أنـا ولـلـه الـحـمـد مـن ولـدت وأنـا مـالـي

ألا عـيـارة وحـده يـا(دب) لأنـي بـسـم الـلـه عـلـي

مـتـعـافـي ومـربـرب >>>> ولا وش رايـك أخـوي فـتـى جـلاجـل

وطـبـعـاً يـنـدرج تـحـت هـالـعـيـارة عـدة مـسـمـيـات مـا تـخـفـى عـلـيـكـم

سـمـيـن - دبـدوبـي - نـفـيـخـة - جـلـي - إلـخ >>>> يـزيـد: تـرى الـمـوضـوع مـا وصـل

لـدرجـة أنـه يـسـتـحـق الـتثـبـيـت لأنـه بـالـتـأكـيـد مـع كـثـرة الـردود بـيـرتـفـع هـو مـن نـفـسـه

[شيختهم تميميه]

>> نفيخه اللي مع لولو الصغيره هع ^_^


وبعدين وش هالحسد .. ليش ما يثبته !!!!!!!!!!!

الااا يثبته ونصصصصصص .. ^_^

>>وبعدين ما فيه امل احد يجيب عيارته >> عارفينكم راعين مسكااااات وذب .. احس كلن انحااااش مني ومن موضوعي .. لوووووووووووول ^_^