السلام عليكم ورحمة الله وبركاته
يمكن كثير منكم مستغرب من العنوان حبيت أناقش معكم موضوع مهم
. كثير من الشباب والبنات استحدثوا شي جديد عندنا ألا وهو الصداقة بين البنت والولد عن طريق وسائل الاتصال من المضحك أنو فيه صداقه بين البنت والولد حتى إلي يقولوا هذا الكلام مو مقتنعين فيه بقول لكم نقطتين تأكد كلامي:
1- هل ترضى انو أختك يكون لها صديق أو انو لما يجي الشي علينا نقول لا حلال علينا نلعب على بنات الناس وإحنا مانرضى على أهلنا.
2-إلي اعرفوا الصديق وقت الضيق هل لو صديقتك صار لها شي بتساعدها أهلها عرفوا انها تكلمك هل بتكون جنبها أو بترميها ودور وحده ماتسبب مشاكل لك.
شفتو حتى كلمة صديقتك مضحكه يجب أن نكون واقعيين مافيه صداقه يمكن فيه حب بس مو الحب ألي في بالكم يمكن حبيتها أو حبتك عشان أشياء منها الاهتمام آو نقص عندك اوعندها في نفس الأسرة عند الطرفين
اسأل الشباب هل تفكر تتزوجها آو ما تأمنها على شي طيب برجع من البداية من أهم شروط الصداقة الثقة في الصديق آنت ما تثق طيب يعني هي مو الصديقة اجل ايش يمكن تكون! تقولون أنت ليش مركز على الشباب يمكن الرجل بشكل عام ماراح يضره شي البنت هي المتضررة في جميع الأحوال
اتمنى مثل مانخاف على خواتنا وأهلنا نبعد عن أهل الناس ونخاف العزيز سبحانه في نهاية كلنا مقصرين ومانفكر في هذا الشي إلا أذا انحطينا في نفس الموقف خلينا نحط نفسنا مكان اخو عرف انو اختة تكلم بالله ايش بتحسو
يأخوان الموضوع مو موضوع تليفون نتصل ونقفل الموضوع فيه أعراض ناس يمكن تقولون خل أهلها يربوها ثم تعال أتكلم الموضوع مو موضوع تربية الموضوع البنت ما لقت اهتمام في البيت دورته برا وهذا اكبر غلط
تسويه البنت يمكن تلقى ولد طيب ويخاف الله ويمكن تلقى واحد ينهي حياتها للأبد و يدمر مستقبلها للأسف الموضوع ماصار تليفون الموضوع أكبر من كذا صاروا البنات يطلعون مع الشباب والمناسبة صديق بوي فرند آآآه ه ه والله أشياء تحزن الواحد لما يسمعها. اتمنى تعرفون انو كما تدين تدان والله يحميكم من الشر ويحفظكم ويحفظ أهاليكم .دمتم بود
ولد هيلة