موضوع يآآليت الجميع يرد عليه..

[نوره أبا الخيل]

السلام عليكم ورحمة الله وبركاته


مرحبآآ أعضآآء منتدى سدير..

عندي موضوع وأحب أتنآآقش معآآكم..

ليش سدير تكرهـ القصيم مع أني مآآ أعرف أحد سديرآآوي إلا وحدهـ من صدقآآتي..

وأكتشفت هالشي

ممكن تجآآوبوني..

[أموَآج الحَنِين]

هههههههههههههههههههههههههههههههههه يا حبيلك

من يوم شفت اسمك عرفت انك قصيميه ونعم فيك


صراحه انا شهادتي بهالسؤال مجروحه

بس معك حق

كثير من اهل سدير ما يحبون القصمان


لاخظت هالشي


تراني مو سديراويه وفيني عرق قصيمي اتمنى غيري يرد سؤال بالصميم

بس مو عاد كره يا كافي

قولي ما يحبون


دمتي بخير

امواج

[نوره أبا الخيل]

المشاركة الأصلية كتبت بواسطة   من يوم شفت اسمك عرفت انك قصيميه ونعم فيك

الله ينعم عليك..

المشاركة الأصلية كتبت بواسطة   كثير من اهل سدير ما يحبون القصمان لاخظت هالشي

من جد شي غريب صرآآحه.. مع أننآآ كلنآآ نجدآوين..:]

المشاركة الأصلية كتبت بواسطة   تراني مو سديراويه وفيني عرق قصيمي اتمنى غيري يرد سؤال بالصميم

هلآ وغلآ بلي فيهم عرق قصيمي..

المشاركة الأصلية كتبت بواسطة   بس مو عاد كره يا كافي قولي ما يحبون

لآ .. المشكله وصلت لكرهـ وحقد بعد..

بس أنآآ شفت وجهة نظر وحدهـ سدرآآويه وهي تعم على أهلهآآ..

علشآآن كذآآ طرحت هالسؤآآل..

منورتني يآآقلبي..:]

[أموَآج الحَنِين]

لا ان شاء الله ما توصل للحقد

بس

عموما كلن عند نفسه شي



يعني كل شخص يحس ديرته اطلق شي بالعالم


واهلها احسن اهل


عكل حال

حمد لله يا رب اننا سعوديين ونجديين بعد


ومشكوره على الكلام العسل

يالطيوبه


دمتي بخير

أمواج

[نوره أبا الخيل]

المشاركة الأصلية كتبت بواسطة   يعني كل شخص يحس ديرته اطلق شي بالعالم

معك حق بس مآآتوصل أنه يقلل من المدن الثآآنيه..

المشاركة الأصلية كتبت بواسطة   حمد لله يا رب اننا سعوديين ونجديين بعد

من جد الحمدلله

تسلمين يآآذوق منورتني مرهـ ثآآنيه..

وبنتظآآر ردود البقيه..:]

[سعود الخليل]

في البداية نرحب بك اخت نوره ابا الخيل ... في منتديات سدير ..

واما ما ذكرت فلا اعتقد بأن هذا الأمر صحيح ابداً وإن كان هناك من بعض اهل سدير او اهل القصيم من يحمل هذا الفكر فلا يعدو الا ان يكون شواذ لا ينطبق عليهم التعميم .. فكلنا اهل واحباب واقارب ..

وللمعلومية فهناك اعضاء ومشرفين كثر من اهل القصيم معنا في منتديات سدير نسعد بهم .. ولا يوجد هناك حزازيات ولا حزبيات بيننا ولله الحمد ..


تمنياتي للجميع بالتوفيق ..

[قلب الحوت]

هلا فيك يابنت ابا الخيل .

واهل القصيم ابناء عمومتنا وارحامنا ...

ولا تصل لحد الكره ..

لكنه من وجهة نظري الخاصة هو مجرد انجذاب لابناء ديرتكـ او مسقط رأسك فتجدين اهل القصيم مع بعضهم البعض واهل سدير مع بعضهم البعض واهل الحوطة وهلم جرا ....


وما انفي وجود بعض العينات وهي شواذ ولا يعتد بالشاذ ...لا يروق لهم التعايش مع اهل القصيم او العكس اهل القصيم لا يروق لهم التعايش مع اهل سدير .

وهذا كما قلت لك لا يعتد به ابداً .

لكــن هي واضحه لكـِ شخصياً لكــون سدير من اقرب المناطق لكــم يا اهل القصيم .

برايفت <<وانتم بعد يا اهل القصيم تكرهون اهل سدير اعترفي ليه ؟


وحياكـ الله يا نورة ...نورتي المنتديات

[مصعب بن عبدالله]

المشاركة الأصلية كتبت بواسطة قلب الحوت   برايفت <<وانتم بعد يا اهل القصيم تكرهون اهل سدير اعترفي ليه ؟

صدقت يا قلب الحوت بس بعضهم مب كلهم

[ردي يا نورة أبا الخيل]

[وارث الطيب]

الحب والكره من الله يا نوره .... كلامك صحيح 100% يوجد هذا الكره المتبادل
وليس اهل سدير بس/ هناك ايضا غيرهم مايحب القصمان ...قد يكون هناك شي يدعو
لهذا الأمر .. وتعميم الأحكام على الناس مايجوز ابداً .. طيب أنت ماسألتِ نفسك ليه ؟


عنّي أنا .. احب اهل عنيزه .. بزود

[طالبة المعالي]

وعليكم السلام ورحمة الله وبركاته

حياك الله أختي القديرة - نوره أبا الخيل - وحيا الله أبا الخيل وأهل القصيم كلهم
أختي نوره حقيقة اٍستغربت تعميمك بهذا الكلام - أهل سدير - بأكملهم!! ربما يكون كلامك صحيحا
وربما أنك وجدت وصادفت بعضا من أهل سدير ممن يكرهون القصيم وأهل القصيم لكن هذا لايعني
أن نعمم لاٍن هذا يستحيل طبعا - فليس من المعقول كره أهالي منطقة سدير كلهم للقصيم وأهلها!!


ثم ما الداعي لهذا الكره - الأمر أظنه أنك مثل ماذكرت انك صادفت بعضا منهم ويكره أهل القصيم لسبب ما فعممت الحكم على الجميع – والدليل على عدم صحة تعميمك وجود هذه الردود الجميلة من أهالي سدير


ولعلمك أختي أنني لست من مدينة سدير حتى لاتظني أنني أدافع عنها وعن أهلها اٍنما أنا مع الحق
والحقيقة هي أننا لم نرى من أهل سدير الا كل خير فجزاهم الله خيرا وبارك فيهم

وأعلمي أختي - نوره - أن لكل ديرة ومدينة وأهلها بل لكل قبيلة من يكرههم ويعاديهم!!! شيء تعودنا عليه الله المستعان والله يخلف على المسلمين !!!


وأهل القصيم مايحتاجون أننا نصفهم فهم غنيون عن الوصف أهل القصيم ماشاءالله أهل دين
وخلق كريم ومن الناس المحافظين جدا وخاصة أهل بريدة وعنيزة

أختي - نوره - ياهلا ويامرحبا فيك سعداء بوجودك معنا (:

[Mمرفوعة الراسA]

يازين القصيم وأهلها


وكثير من أهل سدير مناسبين القصمان


سنع ومسنعه

[لمو]

المشاركة الأصلية كتبت بواسطة   مع أني مآآ أعرف أحد سديرآآوي إلا وحدهـ من صدقآآتي.. وأكتشفت هالشي

هذا انتي قلتيها اختي العزيزه

بس وحده لاحظتي فيها هالشي وعممتي على الباقي ..!!!

بالعكس فيه نسب بينا واخوه وجيره من احسن مايكون

وكل شخص يمثل نفسه وتربيته

وانا ان جيتي للحق اقول لك فيه كثييييييييييييير مو بس وحده قابلتهم من اهل القصيم يكرهون اهل سدير ..ليه مدري ؟؟

ومع ذلك ماعممت وما قلت ليه اهل القصيم قلت ليه انتم تكرهون اهل سدير

عموما ربي يديم الاخوه بينا ..وهالشي ثقي بانه من دسائس الشيطان لنا ولكم

حياك الله بينا واستمري معنا وبتشوفين شلون اخلاق اهل سدير

دمتي بخير وعافيه

[نوره أبا الخيل]

المشاركة الأصلية كتبت بواسطة   في البداية نرحب بك اخت نوره ابا الخيل ... في منتديات سدير .. واما ما ذكرت فلا اعتقد بأن هذا الأمر صحيح ابداً وإن كان هناك من بعض اهل سدير او اهل القصيم من يحمل هذا الفكر فلا يعدو الا ان يكون شواذ لا ينطبق عليهم التعميم .. فكلنا اهل واحباب واقارب .. وللمعلومية فهناك اعضاء ومشرفين كثر من اهل القصيم معنا في منتديات سدير نسعد بهم .. ولا يوجد هناك حزازيات ولا حزبيات بيننا ولله الحمد .. تمنياتي للجميع بالتوفيق ..

الحمدلله أنه موو صحيح عشآآن نكووون بعيدين عن العصريه..

منور أخوي..

[نوره أبا الخيل]

المشاركة الأصلية كتبت بواسطة   هلا فيك يابنت ابا الخيل . واهل القصيم ابناء عمومتنا وارحامنا ... ولا تصل لحد الكره .. لكنه من وجهة نظري الخاصة هو مجرد انجذاب لابناء ديرتكـ او مسقط رأسك فتجدين اهل القصيم مع بعضهم البعض واهل سدير مع بعضهم البعض واهل الحوطة وهلم جرا .... وما انفي وجود بعض العينات وهي شواذ ولا يعتد بالشاذ ...لا يروق لهم التعايش مع اهل القصيم او العكس اهل القصيم لا يروق لهم التعايش مع اهل سدير . وهذا كما قلت لك لا يعتد به ابداً . لكــن هي واضحه لكـِ شخصياً لكــون سدير من اقرب المناطق لكــم يا اهل القصيم . برايفت <<وانتم بعد يا اهل القصيم تكرهون اهل سدير اعترفي ليه ؟ وحياكـ الله يا نورة ...نورتي المنتديات

صح قلتهآآ هي فئه شآآذه واله يبعدنآآ عنهآآ..

المشاركة الأصلية كتبت بواسطة   برايفت <<وانتم بعد يا اهل القصيم تكرهون اهل سدير اعترفي ليه ؟

أنآآ عني مآآعمري سمعت قصيمي يقوول أكره سدير

بالعكس نذكركم بالخير

منوره أختي

[نوره أبا الخيل]

المشاركة الأصلية كتبت بواسطة m-a-m   صدقت يا قلب الحوت بس بعضهم مب كلهم [ردي يا نورة أبا الخيل]

أني عني مآآ أعرف سدير.. عشآآن أكرهآآ

لكن لمني سألت أهلي وأقآآربي..

بحكم صدقآآتهم مع سدير..

بلعكس يثنون عليكم..