اخر صيحة للوجبات السريعة بالصور

[عبدالعزيز]

السلام عليكم

كيف حالكم ان شاء الله مرتاحين

عزوبي ومطفر ولا عزوبي وماعندك وقت ولا عزوبي وفي راسك فهامه

اليوم اقدم لكم عمل بسيط وسهل وسريع ( وجبه خفيفه ) واللي بيعتبرها عشاء تصير عشاء

المحتويات :

صامولي - جبن سايل << يالله من فضلك ماتبي شي

الطريقة :

نقطع الصامولي ونحطة في صينية مثل اللي في الصورة



بعدها ندهن الصامولي بالجبن



بعد كذا نحطة في الفرن ونشقره يعني اقل من 5 دقايق عشان مايحترق

بعد كذا يطلع لنا بالشكل هذا



ياسلام مقرمش

الاهم من هذا كله

بريق شاهي يحبه قلبك



اتمنى ان ينال الاعجاب

وناسف على شغل الحوسة تعرفون الرجاجيل مهوب فاضين يصففون

[أم فيصل]

ماشاء الله تبارك الله شغل مرتب والله .. مافيه حوسه

هذي دايم اسويها لعيالي يحبونها مره ولذيذه مع الشاهي ..

عافاك الله

[عبدالعزيز]

ام فيصل

حياك الله

وشاكر لك تواجدك

[قلم رصـــاص]

ماشاء الله

طريقة سـهـلـة

وتصلح للعجازين <<< مثلي

بدال ماتروح للمطعم


تسويهـا في البيت



متشكرين أوي

[بنت عشيرة]

ماشاااء الله والله طبخة سهلة ووش زينها خصوصا ان وجبتي المفضلة صامولي وجبنة مع شاهي
والله حازت ع اعجابي هالوجبة
تسلم الأيادي اخوي عبدالعزيز

[عمر بن عبدالعزيز]

ماشاء الله يا عبدالعزيز

عز الله أنها أفضل طريقة

خاصة للي يجمع بين العزوبية والعجز

[иσᴚч ♥~]

الف شكر أخوي عبدالعزيز

الصراحه أنا أموت فيهم

وسهلات مررررررررررره

المشاركة الأصلية كتبت بواسطة عبدالعزيز   وناسف على شغل الحوسة تعرفون الرجاجيل مهوب فاضين يصففون

ماشاء الله هذا حوسه؟؟؟


بالعكس مرتبه بالحيل

[بنت الشيوخ]

شغل تمام
لو تجيب ثووم وتفرك الثووم على وجه الصاموولي
يطلع يجنن بعد < < عآد انا خبره بالاكل اللي مشّي حآلك

يعطيك العافيه

فمان الله
وبس خلاص

[لمو]

ههههههههه

من جد شغل عجازه والسبب الصامولي وش كبر تقطيعتها

عموما شكلها لذيذه ولو انها بربسه خخخخخخخخخخ بس تصلح للمستعجلين

[أم فيصل]

بصراحه تعجبني المجهودات الشخصيه

تم اضافة الموضوع للمواضيع المميزه + اضافة شعار التميز ..

شكرا لك مرة اخرى ..

[راشد التمامي]

عبدالعزيز


غريبة امس جايب الشاهي بدون شي



حركة حلوة بس الابريق لو تغيرة علشان يضبط الشاهي هههههههههههههههه




وش ريك بدل الصامولي (تست ) بدل ماتقطع وتعب نفسك ..... وبعد ايام الاختبارات وعزوبي وماتقوم من النوم الامتأخر ( انصحك بتست)






كيف العزووبية



fٌ

[بنت الجزيع]

بصراحه روعه

أنا أغلى ماعندي خبيزة وجبينة

وشويهي يصك الراس

وماشاء الله عليك لاحوسه ولاشي الا شغل مرتب

الله يعطيك العافية

[طالبة المعالي]

وعليكم السلام ورحمة الله وبركاته
ماشاءالله طريقة سهلة ومثل ماقالوا تصلح للعجازين وتناسبهم - وفيه ناس يطبقون نفس الطريقة
لكن بعسل ولاشيرة وياكلونها مع القهوة يعطيك العافية أخي ومشكور وجهد طيب وحلو

[عبدالعزيز]

الصوت الهلالي

ياهلا بك يابو العز

وتسلم على مرورك

[عبدالعزيز]

بنت عشيرة

حياك الله

والشكر موصول لك على مرورك