قصة الشايب والبنت رووووعه !!!

[النبع]

قصه الشايب والبنت روووووعه

بدايه القصه عن شايب اسمه حمدان وهواوي (قلبه خضر) مايشوف بنت الا ينفتن . ومشهور

بانه حبيب.. فيه بنت ملكعه وصاحبه مقالب قالت في نفسها انا ليه ما اروح للشايب وامزح معه

واضحكه شوي واشوف رده فعله كيف تكون... راحت له وردت عليه السلام كيف حالك ياشايب

رد السلام والله بخير الله يعافيك .. وفجاه عطته ظهرها ومشت ولا استئذان ولا شي

انقهر الشايب من حركتها قال فيها كم بيت يستعطفها فيها ويقول انها ذكرته بالماضي واذا ماعطيتيني

وجه لحقت باخوي (حمود) الي في قبره ويذكر التاريخ واليوم الي قابلها فيه يقول الشايب ..

يابنت خوذي خاطري وارحميني .. لاتجرحين العود بعيونك السود

غضي نظرك وغطي الوجنتيني .. لعل يوم(ن) جدد الجرح مايعود

يوم انتهى مع ماضيات السنيني .. جتني صواديفه على غير مقصود

باول شهر عشره نهار الثنيني .. حمدان مروا به على جنازه (حمود)


البنت كانت تقصد من استفزازه انها تجاريه في الشعر وترد عليه والمسكين ماكان يدري انها

شاعره وعلى باله ماخذ راحته بالغزل .. ردت عليه وهزآته تقوول ..

ياشايب الرحمن وينك وويني .. عزي لحالك قدمك الباب مسدود

قلبك عطوف وجاه قلب(ن) متيني .. والبنت ماتشفق على مغازل العود
حبل الرجا مقطوع بينك وبيني .. مثل الغليث الي رعا قلبه الدود
اقفى شبابك والعرب مقبليني .. ياعود مايرجع من العمر مفقود

حطمته يوم قالت له انك عود وان الشباب مايرجع وان ما فيه امل تعطيه وجه حس العود انه

تورط وقال كم بيت يقول لها صدي عني انه مايبي الغزل بعد ماوصل عمره ثمانين سنه يقول حمدان

يابنت صدي بالعيون الظليله .. لاصد عنك الله نهار القيامه

مالي ومالك يالفروع الطويله .. لو فيك من رسم البداوه علامه

يابنت مالي بالثمانين حيله .. اهدف كما تهدف على البير قامه

اقفى شبابي والدهر شفت ميله .. يالله حسن الخاتمه والسلامه

اعطيك موجز والبضاعه قليله .. واخذت لك من صافي الما سنامه


راحت الايام والشايب مسكين خذله عمره معها شايب وهي بنت وتقول كيف اعطي شايب وجه

بعد فتره مرته مره ثانيه وردت عليه السلام واستفزته وراحت وخلته ولع الشايب وقال ليه ما ابين

لها في كم بيت انها بتشيب مثلي واني رجال طيب وان الناس تنصاني ومعروف بالكرم واني

ماابي منها غير التحيه والترحيب.... يقوول حمدان ...


يابنت ماجاتس الكبر والخشونه .. وعادت شباب اليوم يجفل من الشيب

ياسرع ما وبلك تمزع مزونه .. يالفاتنه يام الثمان الرعابيب

يابنت مابيني وبينك مهونه .. كلمه شرف نبي تحيه وترحيب
الله من عود(ن) ثقيله طنونه .. ينصاه راع المشكله والمواجيب
على الكرم والدين نفسه حنونه .. تلقاه بالاجواد شرق وتغاريب


جهز الابيات وارسلها مع عجوز ووعد العجوز بهديه اذا وصلت الرساله لها .. راحت العجوز وعطت

البنت الابيات شافتها البنت وقفلت على العجوز في غرفه وقالت مثل ماجيتيني بابياته ترجعين بابياتي

العجوز المسكينه قالت طلعيني ولا ابي منكم شي الله لا يعيدكم انتم واوراقكم ردت البنت ابيات اقوى من

الاولى واكثر تحطيم مسكين هالشايب ماحد رحمه حتى لو حاول يستعطف .. تقوول البنت

العود عود وطايحات(ن) سنونه .. من كثر مايرقد على جره الذيب

عود(ن) مهرقل والعرب مايبونه .. ياعود مالك في طويل المراقيب

اقفى شباب العود راحت حتونه .. مثل اليتيم الي بكى ماله مجيب

جداه ينثر دمعة من عيونه .. غريق موج مالقا له مقاضيب

منقوووووووول

[بنت عشيرة]

هههههههههههههههههههههه
حلللللللللللللللوة
عقبي ذا البنية قشرااا..ياقويها
وذا الشايب بعد مايحقر عمره

عوااافي أخوي النبع,,جازت لي القصة مررره خصوصا الأسلوب الفكاهي,,

[شموخ بنت الشيوخ]

[align=center]النبع
يعطيك العافية

ومشكور على القصه الرئعه[/align]

[النبع]

المشاركة الأصلية كتبت بواسطة بنت عشيرة   هههههههههههههههههههههه حلللللللللللللللوة عقبي ذا البنية قشرااا..ياقويها وذا الشايب بعد مايحقر عمره عوااافي أخوي النبع,,جازت لي القصة مررره خصوصا الأسلوب الفكاهي,,

اهلا وسهلا اختي بنت عشيره - اشكرلك تواجدك 0
والساعه المباركه يوم جازت لك ,,,

[النبع]

المشاركة الأصلية كتبت بواسطة شموخ بنت الشيوخ   [align=center]النبع يعطيك العافية ومشكور على القصه الرئعه[/align]

اختي الفاضله شموخ
اشكرلك مرورك وفقك الله ,,,

[عاشق الهدوء]

ههههههههههههههههههههه يعطيك العافيه اخوي بصراحة انا اول مرررررررررره اطول في قصيده وبعدين انا احب السوالف الى مثل كذا امممممممممممممم

[ابو العز]

الله يرج ذا الشايب

مشكوووووووووور اخوي الغالي :
النبع

[النبع]

المشاركة الأصلية كتبت بواسطة عاشق الهدوء   ههههههههههههههههههههه يعطيك العافيه اخوي بصراحة انا اول مرررررررررره اطول في قصيده وبعدين انا احب السوالف الى مثل كذا امممممممممممممم

اخي الغالي عاشق الهدوء
اشكرلك مداخلتك وابشر بعزك نورت الموضووووع ,,,

[النبع]

المشاركة الأصلية كتبت بواسطة ابو العز   الله يرج ذا الشايب مشكوووووووووور اخوي الغالي : النبع

اخي الغالي ابوالعز
ياهلا فيك والحب بلوا الله يستر ,,

[بنت الجزيع]

مشكووووووووووووووووور أخوي النبع

حلوة مرة وذا الشايب مايحقر عمره

والا هالبنت ياقويها
يابنت ماجاتس الكبر والخشونه .. وعادت شباب اليوم يجفل من الشيب

ياسرع ما وبلك تمزع مزونه .. يالفاتنه يام الثمان الرعابيب هذي دايم جدي الله يطول بعمره يرددها علينا

[مشووته قواطي]

هههههههههههههههههههههههههههههههههههههههههههههههههه هههههه

يعطيك العافيه اخوي النبع

تقبل مروري

[النبع]

المشاركة الأصلية كتبت بواسطة بنت الجزيع   مشكووووووووووووووووور أخوي النبع حلوة مرة وذا الشايب مايحقر عمره والا هالبنت ياقويها يابنت ماجاتس الكبر والخشونه .. وعادت شباب اليوم يجفل من الشيب ياسرع ما وبلك تمزع مزونه .. يالفاتنه يام الثمان الرعابيب هذي دايم جدي الله يطول بعمره يرددها علينا

بنت الجزيع نورت الموضووووع وياهلا فيك والله يخليلك جدك ويطول عمرع على الطاعه ,,,

[النبع]

المشاركة الأصلية كتبت بواسطة مشووته قواطي   هههههههههههههههههههههههههههههههههههههههههههههههههه هههههه يعطيك العافيه اخوي النبع تقبل مروري

مشوتة قواطي الله يحييك وياهلا زيارتكم اسعدتنا ,,,

[أخت فهد]

قصه حلوووووووووووووة
وفي نفس الوقت ياحرام الشايب

[align=center]يعطيك العافية[/align][align=center]النبع[/align]

[النبع]

المشاركة الأصلية كتبت بواسطة أخت فهد   قصه حلوووووووووووووة وفي نفس الوقت ياحرام الشايب [align=center]يعطيك العافية[/align][align=center]النبع[/align]

ياهلا باخت فهد
شرفتي موضوعنا الله يعطيك العافيه ,,,