السلام عليكم
يلا بكشف لكم بعض من مواهبي الفذه (( سمله علي ))
خذوا هالقصه على عجالة من امري بعنوان
الطماط والبريد الأكتروني
هالقصه صايره في امريكا في ولاية تكساس ان ما خانني الشوف
رجال من رجاجيل امريكا (( كان فيها رجاجيل )) جا على باله انه يشتغل في شركة كمبيوتر المهم
راح وقدم على الشركه والمشكله ما معه شهادات قالوا له ما فيه الا وظيفة حارس (( بواب ))
قال مو مشكله المهم اني اشتغل في شركة كمبيوتر بس
سوى معه المدير العام مقابله شخصيه وقال له خلاص بس عطنا بريدك الأكتروني على شان نراسلك عليه
شهق خوينا وقال وشو البريد الاكتروني قال له المدير ما عندك بريد الكتروني .؟؟ قال خوينا لاع قال ولا تعرفه
قال خوينا لاع
قال المدير وجع (( بلامريكي الظاهر ولكم او ثانكيو)) المهم
قال له المدير اجل الله لا يهينك ما عندنا لك وظايف شلون جاي تبي تشتغل في شركة كمبيوتر وما عندك بريد الكتروني
والله طلع خوينا زعلان وضايق خلقه كني احس به الحين
المهم راح يدربي راسه ولقى واحد يبيع طماط وشى من عنده كرتونين طماط ومسك الخط راج لتكساس
المهم وصل تكساس وقابله واحد قاله هاه تبيعني الطماط قال سم وسام وباعه
ورجع وجاب كرتونين ونفس الحكايه المهم شوي شوي
الرجال من كراتين الى محل طماط
ومن محل الا محلين
ومن محلين الا محلات
الى شركات
الى مصنع كامل لمعجون الطماط
وجا تلفزيون السي عن عن بيسوي معه مقابله
قاله المذيع ما فكرت تطرح البيع عن طريق الانتر نت ويراسلونك على البريد الاكتروني التابع للشركه
خوينا شهق مره ثانيه
قال له ما اعرف وشو البريد الاكتروني
قال المذيع شلون مصنع وشكرات وكل هذا ولا تعرف البريد الاكتروني ؟؟
قال ايه ما اعرفه ولو اني اعرفه كان الحين انا اشتغل بواب في شركة الكمبيوتر
وخلصت قصتي مع تحياتي مشهور بن فجر السعيد على غفله
كلمات والحان دحيم
غناء الفنانه احلام
ولا تهون اريام وبنت مشعلاني