طلحة ظلها دايم نفيع

[اتيكا]

[c]طلحة ظلها دايم نفيع[/c]
[c][/c]
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
يا سعد يا زين ارض بها الربيع = في مكان ما وطاه انس وبهيم
فوق نفد عالي راسه وسيع = والا في روضه بها عطر النسيم
تحت طلحة ظلها دايم نفيع = شجرة يا جعلها ما هي حطيم
حط لك فرشه مع مركي رفيع = وشب ضوك واحمس البن اللقيم
دن نجرك يا سعد صوت بديع = دنة تمشي مع اصوت الرخيم
دلة صفرا وبريق له لميع = حول نار تشتعل مثل الهشيم
وبن كيف يقعد الراس والوجيع = ثم صبه للنشاما يالفهيم
وزين حر في محله ما يضيع = ارفع البرقع لعله ما يضيم
شاف صيده يبي يكفخ سريع = وانطلق مثل السهم صوته وشيم
قام يدرج صيدته ما هو بخميع = ثم خفقها بالجناح اللي صريم
ومخلبه يحق بها ضرب شنيع = واختلط ريشه مع لحمه دميم
طيري يا طير السعد والله ما ابيع = لو عطوني فيك مليون دهيم
طلعة فيها السعادة للجميع = من بعد صلاة الفجر اليا العتيم
[/poet]

شعر :مقرن بن متعب الهرف

[السلمان]

صح لسان الشاعر الهرف
وصح بدنك على النقل قصيدة الطلح
والله ان الطلحة من الاشجار اللي يحبها الجميع ويستبشرون وتنشرح صدورهم عند رؤيتها

وختاما تقبل تحياتي
اخوك
السلمان

[المري]

مرحبا والله يااخ اتيكا وجعل ربي مايهينك

وصح السان الشاعر الهرف



والله الله فينا بذا القصائد اللي على نفس المنوال ذا.

[مفتون صيد]

صح لسانك ولسان الشاعر


يا سعد يا زين ارض بها iiالربيع فـي مـكان ما وطاه انس iiوبهيم

[اتيكا]

أخواني السلمان ـ المري ـ مفتون صيد

أشكركم لمروركم على الموضوع والتعقيب عليه

ونحن باأنتظار الجديد منكم


وتقبلو التحيات من أخوكم اتيكا