[c][/c]
[c]هيضني البرق[/c]
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
هيضني البرق يوم انه برق في الشمال = وانا من اهل الولع واحب عشاقته
سرى تكاشف بروقه في ثقيل الخيال = واقفا وريح السعد من خلف مستاقته
نصا ديار عذيّه مرتع للحلال = راع البل ان طبها ما تتعبه ناقته
فيها النفل والخزامى والربل والظلال = يعنالها واحد شوف الحيا فاقته
المشي والسير فيها مكسب وراس مال = ريحة هواها البختري جاي في ساقته
ما هي بعيده على اللي ما حسب للريال = اليا سرح فوق جيب وامن اعاقته
سواقه اللي مضرى بالخطوط الطوال = ما هو غشيم يعل الكبد بسواقته
يصلي الظهر في نبت دقاق وجلال = نوار عشبه تقول الصبح واشراقته
من لين عوده ليا هب الهوى في مال = توّه نشف ماه بيّن غثو عشراقته
وجدي على جلسة فيها لو اربع ليال = اشم ورد طبيعي ما اشتري باقته
يا زين جمع النشاما حول صفر الدلال = ويدور فنجالها والنفس مشتاقته
بريّة جاية من شامخات الجبال = من اليمن جابها التاجر بعلاقته
في وادي ما وطاه الظلف ولا النعال = ما تسمع الا لحون الورق في اطباقته
عزي لرجل يبا العليا ولا من مجال = ما احد يلومه ليا منه بذل طاقته
[/poet]
شعر : محمد بن شاعي الغنامي