[[[مزايا الحسن]]]

**سعود الخليل** · 18-08-2008, 08:27 PM

[poem=font=",6,,normal,normal" bkcolor="transparent" bkimage="" border="double,4,darkred" type=0 line=0 align=center use=ex num="0,black""]
ياللي مزايا الحسن مجموعة فيك =لا يجتمع في داخلك صمت وأحزان
سولف عن أحوالك عن أيام ماضيك=عن نظرتك للوقت عن كل ما كان
لا تنطوي والحزن خله لهاويك =خل السهر لعيون مغرم وولهان
أكتب قصيدة تحتويها معانيك=صمتك قوافيها وبوحك لها أوزان
لو كان بوحي والقصيده تكفيك=كتبت لك من صادق الحرف ديوان
جيت أكتبك جيت أوصفك جيت أسميك =لا شك كلك كامل ما فيك نقصان
ضاميك باقي يا هوى البال ضاميك =ضامي وصل ضامي عطا ضامي أشجان
صورتك ما غابت عن عيون غاليك =ترحل بي الذكرى وأنا معك سهران
يسوقني يمك غرامك وطاريك =أهديك ورد وياسمين وريحان
الريح وأنسام الهبايب تراعيك=والبدر من زينك ليا بنت ما بان
والبحر لو تزعل بموجه يراضيك =والغيم يرسم لك على الغيم هتان
والصبح كنه كل لحظة يحييك =والنور من طلتك يا غالي الأثمان
وش فيك لا تستغرب الشوق وش فيك=طال الزمان ولا قوى القلب نسيان
ياليلي اللي كل ما جيت ساريك =لمحت طيفك ماله أشكال وألوان
القلب ما يقبل عواذل وتشكيك =ما نستمع لفلان وفلان وفلان
خذني معك خذني لسكة خطاويك=لا تترك الأنسان تايه يالأنسان

[/poem]

منقوووول