لاتبخل على اخوانك في منتدي سدير0

[ابودجانه]

ياشباب اللى عنده اماكن تنفع مكشات هالايام لايبخل بها علينا0

1- شعيب دقله الماء يجري في الوادي حتي يومك هذا بس الربيع حليل0

2- التنهات وخريم الربيع توه ماارتفع بس يعني يوسع الصدر0

3-الزعيبية ربيعها زين بس لازال فيها طين والفياض اللى موزعة احداثياتها ماتنفع0

[المولع]

اولا : انت تقصد شعيب دقله ما غيره الي يبعد عن الرياض 75 كيلو تقريبا ، وين يمشي الله يهديك هذا الله يسلمك اخر مره سال كانت في تاريخ 12 /10 /1423
يعني قبل شهر وكم يوم . الا دور غير هالكلام الله يهديك

ثانيا : اشوف الناس طايرين في ربيع فيضة الزعيبيه .
ثالثا : السفانيه مربعه قبل شهر و زينه .

الا وش رايك تكشت في سطح بيتكم ههههههههههه
امزح يا السنايدي ....


نتمنى لكم رحله سعيده على متن البران العربيه السعوديه و دمتم سالمين ...

[ابودجانه]

والله ثم والله الى الاسبوع الماضي وهويمشي ياحلو ولاتكذب الناس والوعد هناك الخميس وجب معك الحق وهو هريفي نوسع صدرنا عليه 0هاه وش قلت0

[المولع]

يمكن هناك تهريب في السد بس تأكد و رد علي
هههههههههههههههههههههههههههههههههههههههههههههه

ياخي انا كاشت فيه قبل اسبوعين و الشعيب ما فيه مويه ابد . كيف تقول لي فيه مويه و انت كاشت بعدي .
ايه فهمت هذا يا شاطر الهواء يحرك موية الغدير و تقولي يمشي لازم تتعلم يا بابا .

الله يرجك يا شيخ موتني من الضحك . على العموم لا تزعل و براسك يمشي يمشي . اهم شي لا توهقنا بالهريفي ترى الميزانيه دمار ..........

[اتيكا]

وش فيكم تتهاوشون مالقيتو مكان تكشتون فيه وتأكلون الهرفي

تعالوا عندنا في تمير وتجدون مايسركم

الربيع في الشوكي جهة غدير الرشايدة وعلو شعيب الأرطاوي وشعيب مليح

وما أعجبكم نوريكم ربيع بعول أهل تمير في روضة أم الشقوق والحقاقة


وسلامتكم

[ابودجانه]

تصدق يالمولع ماهقيت انك ذكي وبتتصرف بسرعة انا قلتلك ان شعيب دقلة يمشي يعني فيه مويه تجري مهوب يحركها الهواء عاد تقول السد فيه تهريب والا غيره000000000اقول مافيه فكه هريفي عند سد دقلة في ذيك الرفاعة خضار وموية تمشي واتيكا معنا ومفتون صيد لاتنسه000000000شف عاد مافيه احسن من هرافا الشعب خابرلك واحد طيب عنده هرافا ولاهيب غالية شفه قبل الشعب عللى اليمين 0



هاه علم الربع والوعد يوم الخميس الساعة ثمان وهي معلقة الذبيحة0

[ابودجانه]

الا اتيكا ماجابك الا ربك ابيك صراحة تصير حكم بينا اقوله ان شعيب دقلة يمشي موية ويتعدي الديرة والناس تكشت عنده انا ماره قبل اسبوع واشوف هالعالم عنده موسعين الصدر يعني ماكذبت وابي المولع يقوم بالحق على تكذيبه وان كان لازال عنده شك فالوعد الخميس اوقفه على الشعيب وفيه موية تركض مهوب تمشي0


وش اخبار روضة الحقاقة وروضة نورة 0واخبا ربيع الشوكي 0

[المولع]

الغداء وطاح لنا عند اتيكا و لا نبي شي غيره .
اتيكا الله يعطيك العافيه على الاخبار عن الشوكي . ومشكور

[ابودجانه]

المولع حسبي الله عليك راحت الفايدة الحين نبي مواقع زينة تستاهل الواحد يعنيلها0 وانت الهيتنا بشعيب دقلة0 عاد بالله عليك تعرف وينه يمكنك تحسبه اللى تقطعه وانت رايح

[المولع]

وراك قاعد تتحسب علي هو انا رادك لا تكشت ياخي لا يردك الا البر . على العموم ما لك الا تمير .

[أبو حمد]

الحقيقة يا اخوي أبو دجانة موضوعك جاء في وقته
و أشوف العالم تطنطن بفيضة الزعبية اللي حول لينة

[مفتون صيد]

لا اذا كنتم تبون العلم الحلو والربيع الرفيع في لينه نفسها
لان فيه واحد من الشباب رايح لمها الاسبوع اللي راح ويقول شي لاتفوتكم العشب هيناك رفيع والارض حلوه

[ابودجانه]

ابو حمد مشكور 0وحياك الله 0


مفتون صيد يامشرف مشكور على مشاركتك بس نبي مكشات قريب0

[مفتون صيد]

هلا وغلا ابو دجانه انت تامر لو تبي نجيب البر لك جبناه ... امر وتدلل ....كم عندنا ابو دجانه؟
وبالنسبه للبر على ذي الايام يبيله شوي تعب ومشاوير وعندك الفرصة في عطلة الحج

اما بالنسبة للربيع فأنا شايف الشوكي في صور عند واحد من الجماعة وهو حليو ماعليه يبيله شوي دفا والناس لو يبعدون عنه وما يوطونه والصمان كذلك شفت لها صور مصوره في العيد وهو حلو ربيعه ناهض شوي وما ادري كل الصمان او فقط في بعضها ........ على فكرة ترى صور الشوكي قبل اسبوعين
وروضة نورة توه العشب يطلع

وفيضة ام الصعانين رايح لها في العيد ورى ام الجماجم وربيعه توه طالع ولاهوب من زينه

الزبده وانا اخوك الشمال هو الى الان اطيب ربيع وخصوصا في لينه ..... توكل على ربك ورح ان لقيت لك ربع تروح معهم ....خويي راح الاربعاء ورجع الجمعه .... اذا صرتوا رجال ولا معكم مبزرة او عوائل تصير روحتكم خفيفه ما يعوقكم شي

[ابودجانه]

ايه بعدي والله مفتون صيد يازينك يوم صرت مشرف 000000زانت اخلاقك وحلو لسانك وصرت تجيب معلومات جديدة0