صور رحلتنا للدهناء (28-30/11/1429)

[فهد المنيع]

السلام عليكم ورحمة الله وبركاته


مساكم الله بالخير


رحلتنا هالاسبوع (الاربعاء - الخميس - الجمعة) كانت للدهناء لغرض الكشته والصيد

عدد افراد الرحلة:

7 اشخاص + 6 صقور


انطلقنا على بركة الله يوم الاربعاء عصراً الى ان وصلنا للدهناء حوالي المغرب واخترنا مكان مناسب نجلس فيه وننام


ونزلنا العفش وشبينا على القهوة والشاهي وهذي صور الجلسة








وهذي صورة الشروق من بكره الفجر













بعد ما صلينا الفجر تقهوينا وبدينا بتجهيز الفطور


















بعدها شلنا اغراضنا وتجهزنا عشان نبدأ البحث عن الحباري او الكراوين ونقص الاثر








وخلال فترة قص الاثر طحنا صدفة في هالعقبان فلقيتها فرصة اصورهن في الهواء








وبدت عملية المطاردة












وبعدها تعب العقاب ووقع







وعقبها استجمع قواه وطار هع هع


لكن الظاهر انه مكثر من هالفطيس ويالله يشيل تغرته واستسلم للكميرا







بعدها كملنا قص الاثر والتمشي


واحد من الشباب شاف شجره كنها تصلي فوقف يتسنن معها








وهذا واحد من الصقاقير قاعد يدور مباراة تشلسي واي سي ميلان هع هع




مركب ريشه في الطير وقاعد يجرب الاريل حقه ..... يعني لو ضاع منه ممكن يحدد مكان الطير عن طريق الاريل ... والله مهوب سهلين




وهذي صور خبه بين العروق ماشاء الله باديه تربع


















الظهر نوقف ونريح ونتغدى .. واثناء فترة الراحة .. لقى واحد من الشباب حشرة شكلها حلو وغريب وفقلنا نصورها مكرو -------> ما يوفر شي










لكن ما ادري وش اسمها !!




العصر كملنا التمشي وكان الجو حلووو وغيم ولله الحمد



















وفي آخر النهار كان الغروب مميز








بعدها شفنا لنا مكان ذاري عن الهواء عشان نجلس فيه وننام وهذي صور جلستنا















الارطى يدهر ..




من بكره طلعنا نتمشى اللي يحطب واللي يقص الاثر

























وفي آخر النهار الهدد ... يهدون الطيور على حمام ... طبعاً ما وفقنا الله هالاسبوع ولقينا حبارى او كراوين لكن ما خلت الطلعة من المتعة في الهدد على الحمام كتدريب بديل عن الصيد



هذي صور الشيهانة (سمره)












وهذا الحر قضعان







وهذي الشيهانه لميس او الوكريه والله اني نسيت من كثرهن ماشاء الله








وبعدها رجعنا وفي الطريق مرينا الرويضة عند بوضا وماشاء الله خضراء







وهذي صورة غروب وداعية للرحلة








وسلامتكم



ان شاء الله تكون الرحلة مميزة والى لقاء آخر ان شاء الله

[نواف بن ناصر]

تقرير راااااااااااااااااااااااااااااااااااااااائع ومميز

أعجبني بكل مافيه من صور


فهد مبدع كعادتك وليس بغريب هذا التميز

كل صورة أحلى من الثانية

من أجمل التقارير التي شاهدتها هنا


تحيتي لك ودمت بخير

[فتى الجنوبيه]

بيض الله وجهك



يــ ع ـــطيك ألــــ 1000 ــــف عاافيه




سلمت يداكـ ..

[عمر بن عبدالعزيز]

وعليكم السلام ورحمة الله وبركاته

إبداع + جمال + روعة + بهاء + تألق + إحترافية = تقرير الأستاذ فهد

موفق دوماً

بحق أمتعت ناظري بهذه المشاهد المشوقة

[طالب علم]

ماشاء الله تبارك الله

تقرير مميز

مبدع .. كالعادة اخي الغالي فهد المنيع

وفقك الله

[иσᴚч ♥~]

ماشاء الله تبارك الرحمن

الله لايضركم بشر

تقرير رائع جــــــــداً

الله يهنيكم ويسعدكم ويجمعكم دوم على طاعته

أصلاً أنا مشتااااااااااقه لطلعات البر يوم شفت الصور نشبت بأهلي

الصور ماشاء الله رائعه وليست مستغربه على مصور متميز ومحترف ومبدع كشخصك الكريم

الله يوفقك ويسعدك والدي والديك ونفسي والمسلمين أجمعين

وشيء ثاني زايد جما التقرير هو الأستايل العنابي القديم

[هدوءٌ مبهم!]

ماشاء الله ياخيي فهد المنيع والله شغل متعوب عليه تسلم يالغالي,,
بإنتظار مناسبات أخرى توسع صدورنا بها

[راشد التمامي]

ماشاءالله
ابداع ابداع باخوي فهد
وان شالله الله يوفقكم في مقناص تصيدون فية

[طالبة المعالي]

وعليكم السلام ورحمة الله وبركاته ..
ماشاءالله تبارك الله .. عافاك الله أخي وبارك فيك على هذه التغطية المميزة .. صراحة صورة الشجرة غريبة كأنها تركع .. سبحان الله

[المكيظم]

وعليكم السلام ورحمة الله وبركاته

ومساك الله - وصبحك - بالخير والعافية

ماشاء الله كما ذكر الأحبة من أمتع التقارير لرحلة طيبة

بوركت أخي ووفقكم لما يحب ويرضى

ولك من ( المكيظم ) تحية عطرة .

[ابو هاجر]

ماشاء الله تبارك الله

كفو يابو عبدالعزيز

أخويا وربيع وقنص وفلة حجاج

الله يسعدكم

تقرير وافي

تقبل مروري

[يـــزيـــد]

السلام عليكم

الله يعطيك العافية اخوي فهد

كفيت ووفيت امتعنا بهذه التحف

[أموَآج الحَنِين]

ماشاءالله تبارك الرحمن


صور جميله ورحله موفقه

بارك الله فيكم

وجمعك الله دوما على خير


بس ما تخافون ماشاءالله تنامون الحالكم بالليل كذا
لا تحرمنا الجديد


بالنتظاركم..




دمت بخير

أمواج

[فهد المنيع]

يا هلا وغلا بالجميع

مشكورين على الردود


وان شاء الله القادم احلى

[al-hrf]

مشكووووووووووووووووور يابو عبدالعزيز..

رحله روعه ..وصور اروع كالعاده..

(اقول الله يخلي لنا العقبان بس...)

والقــــــــــــــــادم احلى...