العتريس(السينيه)..!!

[راشد بن عبد العزيز]

قصيدهـ لشاعر عبدالاله بن عبدالعزيز بن عبدالرحمن الوهبي التميمي


العتريس(السينيه)

ارقـد هنيـك ياعديـم الاحاسـيـس وانا عيوني ماغشـى جفنـه نعـاس
امسي بهاجوس ٍ واصبّـح هواجيـس مابين محسوسـه ومابيـن وسـواس
عين ٍ على المرقاب فـوق المهاريـس وعين ٍ على طلع الحيا بآخر ضـراس
ملعـون ياوجـه ٍ يسمونـه ابلـيـس عايش مع العالم ولا هو مـع النـاس
اليا غفيـت اهـدى علـى الكوابيـس واليا جزعت افني خفوقي بالامـواس
من زود جوره فلّـس المـخ تفليـس كني حبارى فـي مخاليـب قرنـاس
على رفيـق ٍ باعنـي بعيـة طعيـس ثم حدرن من عالـي الـراس للسـاس
لـو بالتمنـي فـود فـاد المفالـيـس والهرج مابه زود والفـاس بالـراس
ياتمرة ٍ عجـزت عليهـا اللواحيـس ياحظ من مثلـك شديـد ٍ بالامـراس
ياصاحبـي مايلزمـن زود تدريـس اخذت من كنـز القناعـات الالمـاس
ان كنت علا ّمه فأنـا جـل نقريـس وان كان بك شيمه فانا عـز نومـاس
وان كنت عتريس ٍ فانا غول عتريـس وان كنت عوام ٍ فأنا عـض غطـاس
وان كنت شاعـر تستلـذ الفناطيـس فانا استلـذ اكـل المشاعروالاحسـاس
شعري جليل مشاش ضخم الكراديـس والا انت شعرك يكسره ريح نسنـاس
و ان كنت تملك في رصيدك ملا كيس فانا ملكت اقلـوب وعقـول وانفـاس
حبل الصداقـه مانفـع فيـه تمسيـس والنار تصلى من حراشيـف مقبـاس
والحـر مايقبـل دنـيـه وتدنـيـس ومقتل الرجـال مابيـن الاضـراس
أيدي سبأ مـن قبلنـا شـدو العيـس تفرقـو مابيـن ضلعـان واطعـاس
رو ّح مراوحهـم برجـوى وتأييـس وانـا شموخـي للصناديـد نبـراس
ياصاحبي ان جيت وان رحت غطريس واللي يـدوس النـاس لابـد ينـداس

وسلآآآمتكم،،

[عمر بن عبدالعزيز]

صح لسان شاعرنا الموقر

أبيات في قمة الروعة والجمال

أشكرك أخي راشد بن عبدالعزيز

مميز في إنتقاءك