دربيل الناري

[متعلم]

من يدلني على أرخص درابيل للناري اللي دون الميتين ريال ويعطيني المواصفات الطيبه فيها والعذاريب........
وله شكري وتقديري

[مفتون صيد]

الدرابيل الناريه الزينه غاليه يالمتعلم... بالالوفات
لكن اللي ينقال عنها حليوه وزوينه تلقاها في سوق الزل في الرياض فيه انواع واشكال عديده صعب ان الواحد يحصيها لك بس انا قد شريت واحد الماني ومكتوب عليه 3 - 9 *40 wa وعلى ما اعتقد اسمه norconia
وفيه زوم يصفي الصوره على حسب مسافتها والمقاس الي معي كبير و فيه منه مقاسات اصغر اخرى ...... بتتعب اذا شفت باقي الانواع وكل واحد يمدح لك واحد بس اللي يدخل مزاجك وتشوف انه بيصير عملي معك .... يعني ما فيه تعقيد في استعماله..... على فكره اللي معي سعره تقريباً 300 او 250 في هالحدود والاصغر اقل منه بالسعر .... وعساني قدمت لك ولو شيء بسيط

[متعلم]

الله يعطيك العافيه يا (مفتون صيد ) على الإفادة .. لكن تنصح بمثل اللي عندك والا لا وهل هو ألماني أم ياباني ولك الشكر الجزيل 0

[مفتون صيد]

والله اللي عندي موهب شين حليو وتراه الماني وشف انا لو تسمع كلامي انك تشتري من محل معروف ازينلك علشان لو قدر الله خرب ما يجحدك مثل ما صار معي في سوق الزل ...... مثل محل زيد الحسين تراه موهب شين عنده اشياء حلوه ومضمونه ونوعيات ممتازه ....... صح انه يمكن ياخذ سعر اكثر ولكن ثق ثقه تامه انه ماراح يغشك لانه يبي سمعة المحل ....... فاذا كان الله ميسر عليك في الدراهم رح لهلمحلات وانت مغمض واذا كنت تقول ماعندي ذيك الماده مالك الا سوق الزل والله يعينك عليهم .............. بس انا يوم اروح اشتري مشاور ناس وشاروا علي بالالماني ...... شف اهم شيء في الدربيل انه ما يكون الزايد اللي في النصف يلعب .... يروح ويجي مع الرمي .... يعني الوزنيه تلعب..... واما القاعده حقته انا اقولك لا تعدى زيد الحسين ترى عندهم قاعدات قويه للمناظير ما فيه امل انها ترتخي مع الوقت.... واتمنى اني افدتك

[متعلم]

تسلم من الإباده على هالإفاده ياطيب الفال(مفتون صيد) كلامك جدا واضح الله يوضح لك الحق وعساك دايم سالم

[مفتون صيد]

الله يخليك اخوي المتعلم واتمنى فعلاً اني افدتك ..... والله يخليك ومشكور على هالاطراء الجميل.... وعسى الله يقدرني على خدمتك وخدمت الاعضاء الباقين