رحلة الصمان الاربعاء والخميس 12-13/12/1429

[سعود الخليل]

السلام عليكم ورحمة الله وبركاته

ومساكم الله بالخير .. هذي مجموعه من صور كشتة الاربعاء والخميس الماضي للصمان ،(المغترب- الهدوء - المعنى - محاتسيكم ) ، طبعاً بدأت الرحلة من بعد صلاة الفجر بإتجاه ام رقيبة ،، وكانت فاضيه ام رقيبه على غير العادة ربما علشان ايام الحج !! :


اجهزه الملاحة :


بعدها بدأنا بالتجول على فياض الصمان ومرينا في الطريق على بعض الدحول هذا واحد منها بس مدري وش اسمه !!:


وهذي صوره من داخل دحل أبو صالات :





وهذي صورة من روضة نوره في الصمان :



وبعد التوقف بدأنا بالتجهيز للغداء وهذا صديق الرحلة :






وهذا الغداء بعد ما جهز ( بالعافيه ) :


وفي الطريق إلى روضة حسناء السبق كان الطريق مليان بالضببه ،، بس توها على أولها وهذي لقطه جمعت أم سالم بضب :




وهذي لقطة لاحدى الفياض مليانة من الحلال ماشاء الله :




وصلنا روضة حسناء السبق حول المغرب وبدينا بشبة الضو والقهوة وفلة الحجاج :



وبعدها بدينا بتجهيز العشاء وكان منوع مشويات :



وكوارع وراس :


وفي صباح الخميس كان الجو اكثر من رائع وهذي لقطة مع طلعة الشمس :




وبعدها تم تجهيز وجبة الفطور ،،،، :


ثم أخذنا جولة في ربيع روضة حسناء السبق وهذي بعض الصور منها :





وهذي لقطة لإحدى الفياض على الطريق وحنا راجعين حول الرفيعه :


وبعدها طلعنا على مدينة الرفيعه ورجعنا لسدير مع المسحية اللي عند التنهاة ولله الحمد ....

[عمر بن عبدالعزيز]

وعليكم السلام ورحمة الله وبركاته

ماشاء الله عليكم ياابوعبدالعزيز

كشتة رهيبة الله يوسع صدوركم بالعافية

أشكرك وبارك الله فيك

[سعود الخليل]

عمر بن عبدالعزيز

هلا وغلا وحياك ربي يالغالي ومشكور على هالطله ،،،

[فهد المنيع]

ماشاء الله عليكم طلعة اكل ذي مهيب تمشي


لكن الربيع ماشاء الله طيب وخاصة حسناء السبق ..


اشكرك يا راعي الاوله على الصور واشكر المعنى اللي مسنّعكم في البران والا باقي الربع يجيب الله مطر هع هع



تحياتي ..

[ابومشعل]

الحمدلله على السلامه
ابو عبدالعزيز
رحلة موفقه ماشاء الله
بس كلها اكل في اكل
هههههههههههههه







تقبل مروري

[سعود الخليل]

هلا فهد ....

شكلك جوعان ههههههههههههه وش رايك في الطبخ بس !؟!


حياك وعوافي على هالطله ..

[سعود الخليل]

ابو مشعل

هلا حبيب قلبي ،،،

تسلم لي على هالطله .. وش رايك اجل انقل الموضوع لقسم الطبخ ،،،

سلمتااا يالغالي ...

[طالبة المعالي]

وعليكم السلام ورحمة الله وبركاته ..
ماشاءالله تبارك الله .. رحلة ممتعة شكراً لك أخي الفاضل راعي الأوله عافاك الله وبارك فيك ..

[يـــزيـــد]

السلام عليكم

ماشاء الله تبارك الله رحلات وفله حجاج ولا كني عنده قبلها بيومين مررره ابداُ

الله يوسع صدوركم بالعافية وسلم لي على النشامى

[ابو عبد العزيز]

ما شاء الله تبارك الله رحلة موفقة وطلعة توسع الصدر الله يوسع صدوركم بالعفو والعافية بس لو كملتوا الرحلة ومريتوا على مخيم سدير الكان صارت مية مية

[نواف بن ناصر]

ماشاء الله تبارك الله

يامال العافية والله

عزالله انها طلعتن منتازة جدا

ربيع وخير اللهم لك الحمد

الخضرة والماء والطبخ الحسن كملت

الله يوسع صدوركم بالعافية والحمدلله على السلامة

وموفقين ان شاء الله


تحيتي لك ولكل من معك أخوي راعي الأولة ودمتم بخير

[مثل النخيل خلقت]

ماشاء الله ..

وش هالزين يابو عبدالعزيز ..

ورا ماقلتلنا نخاويك


الله يعطيك العافية على هالتقرير المميز ..

[عبدالعزيز]

ماشاء الله

بيض الله وجهك ياراعي الاوله

بس الله يهديك ورا ماكثرت الصور

والحمد لله على السلامه

[سعود الخليل]

هند السبيعي

حياك الله ومشكوره على تواصلك ..

[سعود الخليل]

يزيد

هلا وغلا .. الله واكبر صرت انا اللي ما قلت لك ؟! وانت اللي كاشت في الارطاوي ولا علمتني <<< وحده بوحده ..