قصص وتجارب (صعفق ماغيره)

[هدوءٌ مبهم!]

بسم الله الرحمن الرحيم

أخواني الأعضاء الكرام كيفكم عساكم بخير ؟؟
إن شاء الله إنكم على ماتحبون
أنا خصصت هذا الموضوع عن قصص تصير لي وبما إن هذا القسم مخصص لما يجول بخواطرنا إذن أبفضفض لكم مافي خاطري ( ماعليه تحملوني )

القصة الأولى

في أحد الأيام خرب علي ريموت مفاتيح السيارة ولأني كسلان تعيجزت أشتري بطاريه له لأن بطاريته قليل ماأشوفها
المهم تحمست ومريت على أحد البقالات وقلت ياولد رح شف عندهم البطاريه وإلا لأ, ولقيتها عندهم..
قلت له بكم؟
قال بـ 25 ريال
قلت له تستهبل
قال تبغى وإلا أقلب وجهك! (باكستاني عصبي)
قلت لا عطني وفكنا من شرّك

عاد مر يومين وخرب ثاني مره رجعت له وأنا معصب ودي أتهاوش
قلت خربان حجرك ياغالي
قال مافيه مشكلة>>شف البرود بس
المهم عطاني ثاني وجربته ولا نفع
قلت له عطني قروشي أنت وبطارياتك على بالك Energizer
طلعت ومن اسبوع وأنا أعاني
(ريموت بدون بطاريه كالبطل بدون دراجه ناريه)>>حلوه صح
بعد اسبوع وياسبحان الله مريت على مغاسل الثياب أحط هدومي وجيت أركب السياره وأنا أتأمل المفتاح مسيكين (هلك) وأشوف محل سباكة قلت السباكة وما أدراك مالسباكة ولأول مره أحس بقوة اسم سباكة
والله وسألته عندك بطاريه نوع كذا وكذا؟؟
قالت الهندي أيوه صديق>>على فكرة الهنود كل العالم أخوياهم
والله وسألته بكم وكنت خايف يصعقني برقم ... لكنه قالي بـ 10 ريال
قلت تستهبل>>تستهبل الأولى غير الثانية أما الأولى لأنها غالية والثانية لأنها رخيصة
قال والله أصلي مهب تجاري,,
قلت جبه بارك الله فيك والمهم ركبته في الريموت ولاصلح قلت أكيد من البرمجه نفسها لكنه الذكي عفط حديدة من الحدايد ماكانت توصل التيار وضبط والله!


المهم من القصة كانت بطاريات بقالة النصابين تصلح ولكن الحديدة كانت معفوطة (سبحان الله) الله شاء إن النصابين ماياخذون فلوسي لأنهم لو ضبطوا الحديدة كان صلحت الأحوال ولهطوا قريشاتي!!


الفائدة
مال الحرام مايدوم

[بننتـــ الدار،،]

قصتك رائعه اشكرك عليها

بس مافيه مايستفاد من القصه؟؟؟

ممكن اطلع فوائد 1- لاتؤخر عمل اليوم الى الغد
2- ....................


الباقى لكم ماودى اخلصها عنكم

[نداااوي]

مشكور اخي عالقصه الرائعه ..
تقبل مروري ..

[هدوءٌ مبهم!]

هلا أختي بنتــ الدار ,, يوووووووووه فوائد واجد بس اللي قوية أنا كاتبها في الأخير
بس لاتؤجل عمل اليوم إلى الغد قويه علي
أشكرك أخي الكريمة على مرورك اللي أسعدني

[هدوءٌ مبهم!]

العفو أختي نداااوي ومرورك أسعدني وحق علي أتقبله شكرا ً لك

[طالبة المعالي]

المشاركة الأصلية كتبت بواسطة   مال الحرام مايدوم

صدقت أخي وحتى تنزع منه البركة .. فمن يرضى أن يكون مكسبه ومطعمه حرام عياذاً بالله ..

المشاركة الأصلية كتبت بواسطة   قالت الهندي أيوه صديق>>على فكرة الهنود كل العالم أخوياهم

ذكرتني ببنية تسمع دائم أهلها واخوانه ينادون أصحاب المحلات بـ ( محمد ) فمرة راحت لناس وتنادي خدامتهم وتقول محمدة الحين ماشاءالله ذكية أضافت تاء التأنيث

مشكور أخي الفاضل عافاك الله وبارك فيك

[هدوءٌ مبهم!]

المشاركة الأصلية كتبت بواسطة   ذكرتني ببنية تسمع دائم أهلها واخوانه ينادون أصحاب المحلات بـ ( محمد ) فمرة راحت لناس وتنادي خدامتهم وتقول محمدة الحين ماشاءالله ذكية أضافت تاء التأنيث

ههههههههههههه ياحليلها على نياتها بس والله ذكية نوعا ً ما
مشكوره أختي هند على مرورك الجميل شكرا ً لك

[aallefan]

المشاركة الأصلية كتبت بواسطة   الفائدة مال الحرام مايدوم

صدقت مال الحرام ما يدوم

,, نصيحة ,, إذا بتغير بطارية الريموت روح عن مصلح الساعات ,, عندم تلاقيها ,,

لكن أنت أهون من إلي صار لي ’’ تحملني شوي بذكرها لك ,, مررة كان بسيارتي شي يحك صوت يحك كل ما مشيت فيها

بصراح استغربت من الصوت ,,
وديت السيارة عند ميكانيكي , وجلس يفحص السيارة من وإلى ,شوي أنا من لقافتي الزيادة

قلت له ,, أنا أسمع الصوت عند مقعد السيارة , ,أكثر (( تقريبا عند القير ))

عادهو ماصدق خبر الله يهديه ,, سألني وأنا على نياتي وقال متى أخر مرة غيرت زيت الكير
قلت له صار لي سنتين ماغيرته رد علي ,, قال والله هذي يحتاج نسوي توظيب للكير ,,
أنا قلت له , توها السيارة ,, جديدة شدخل الكير ,, عاد أنا تركته وقلت بفكر وجيك

رحت عند ورشة ثانية ,, عند فلبيني ,, , وعلمته قل إلي صار ,, يوم فحصها

تصدق ما طلع الكير ,, طلع ,, رمانات الهوب منتهية يحتاج لها تغير’’ حتى ما كلفت 500 ريال مع القطع

لو إني موظب الكير كانت راحت فيها السيارة وخسرت فلوس بلا فايدة

,, أعتذر على الإطالة

[ولد عبدالعزيز]

يعطيك العافية علىالموضوع
ثانيا الفوائد جمة وأضيف إلى الفوائد
أنه يجب البحث عن سبب المشكلة
وعدم التسرع في الحكم

نحن بإنتظار باقي القصص

[هدوءٌ مبهم!]

المشاركة الأصلية كتبت بواسطة   لو إني موظب الكير كانت راحت فيها السيارة وخسرت فلوس بلا فايدة

يوووووووووووووه وشف عاد بكم تغيير القير أو أي قطعة منه!!
حرامية يارجال علشان كذا حقين المحطات لازم تروح لواحد تثق فيه تمام الثقة وإلا راحت فلوسك وطي

شاكر لك يالغالي aallefan على مرورك الكريم وبالعكس أتمنى والله كلكم تشاركون بقصصكم

[هدوءٌ مبهم!]

المشاركة الأصلية كتبت بواسطة   ثانيا الفوائد جمة وأضيف إلى الفوائد أنه يجب البحث عن سبب المشكلة وعدم التسرع في الحكم

بالضبط والله انك صادز لكن هذا طبعي وابو طبيع مايغير طبعه

مشكور ياخوي ولد عبدالعزيز الله لايخلينا من هالمرور الزين

[شوشة منفوشة]

اخي / صعفق مايغيره

شكرا لك على هذه القصص والتجارب التي حدثتنا عنها في حياتك العمليه

فقد استمتعنا بما طرحت ..

المشاركة الأصلية كتبت بواسطة   الفائدة مال الحرام مايدوم

صدقت في ذلك ..

شكرا لك وبارك الله فيك ..

تحياتي ..

[هدوءٌ مبهم!]

المشاركة الأصلية كتبت بواسطة شوشة منفوشة   اخي / صعفق مايغيره شكرا لك على هذه القصص والتجارب التي حدثتنا عنها في حياتك العمليه فقد استمتعنا بما طرحت .. (مال الحرام مايدوم) صدقت في ذلك .. شكرا لك وبارك الله فيك .. تحياتي ..

حياك الله أختي شوشة منفوشة >>مالقيت إلا هذي لها شوشة
الشكر لك أختي على مرورك اللي أسعدني

[طير السعد]

عاد مر يومين وخرب ثاني مره رجعت له وأنا معصب ودي أتهاوش
قلت خربان حجرك ياغالي





انا اشك انك قلت له ياغالي وشلون معصب وتقوله ياغالي ههههههههههههه



ولا القصه يااااكثر مافيها من الفوائد بس ماودي اخذ وقت اخواني الاعضاء

هههههههههه


شكرا لك ويعطيك العافيه

[هدوءٌ مبهم!]

المشاركة الأصلية كتبت بواسطة طير السعد   عاد مر يومين وخرب ثاني مره رجعت له وأنا معصب ودي أتهاوش قلت خربان حجرك ياغالي انا اشك انك قلت له ياغالي وشلون معصب وتقوله ياغالي ههههههههههههه

هذا اللي يسمونه من العصبية الزايدة

المشاركة الأصلية كتبت بواسطة طير السعد   ولا القصه يااااكثر مافيها من الفوائد بس ماودي اخذ وقت اخواني الاعضاء هههههههههه[/SIZE]

ههههههههههههههههههههه عن الطنازه

المشاركة الأصلية كتبت بواسطة طير السعد   شكرا لك ويعطيك العافيه[/SIZE]

العفو ياخوي والله يعطيك العافية أنت بعد ياطير السعد على مرورك الرااائع