معمول قمر بالصور لا يفوتكم

[قمر توب تن]

الحمد لله بشرى سااارة قمر جابت صور وصارت حريييييييييفة تحمييييييل ولله الحمد وشوفوا
مساء الخييير للناس الغيييير اليوم في تقدم
ادرجت الصور واتمنى تكون واضحة وتعجبكم وتعطوني رأيكم بصرااااااااحة .



المقادير:
5 كواب طحين
كاس ونصف سمنة سايحة ( شوكة ومعلقة ) والنصف الباقي يكمل زيت عافية
كاس وربع حليب حليب دافئ
3 ملاعق صغيرة بكنج باودر
2 ملعقة ينسون مطحون + 2ملعقة شومر مطحون+ نصف ملعقة صغيرة محلب مطحون + عشر ملاعق سمسم محمص + برشة خفيفة جوزة الطيب )
وهذه الأشياء هي ميزة المعمول الفلسطيني عن غيره .
العجوة :تمر مطحون نخلط معاه رشة قرفة ناعمة وسمسم محمص.


الطريقة :
نضع المقادير الجافة مع بعض في طاسة عميقة وكبيرة هذا شرط مثل حق العجين ونعمل حفرة بالوسط ونصب فيها السمنة والزيت ونفرك فوق الكف مثل ما اعمل ايديني لو جيت ادفيهن عرفتو وشلون يعني تكون الكفوف مفتوحة اشيل جزء من الخليط وافركة فوق يدي الثانية ، لين يتشرب الطحين كل الدهن ثم اضع الحليب واعجن باطراف الاصابع يعني ما تعجن عجن مثل الفطاير لأ ابداً وبتلاحظين ان العجينة باين عليها السمن ومو لزجة طبعاً لأن كمية السمن وفيييرة ونستمر حتى يتجانس المخلوط ونريح العجينة بعد ما نغطيها بنايلون لمدة نصف ساعة مو أكثر والحين نحضر عجينة التمر ونكور كورة كبيرة نوعاً ما كبر حبة الجوز ونجهز عدد كبير من الكور ونخلهم على صينية مدهونة زيت علشان ما تلتصق بس ، ناخذ القوالب حقت المعمول الكبيرة وناخذ جزء من العجينة بقدر البيضة الصغيرة ونضغط عليها لين تنفرد ونبطن بها الفلب من جوة واكيد الزيادة بتطلع على جوانب دائرة القالب احط في الوسط كورة التمر ثم تجمع الأطراف حقت العجينة فوق التمر لين تتغطى كل التمرة ولو بغيتي شوية عجينة زيادة حطي طبعاً يكون تناسق بين طبقة العجينة والتمر ( العجينة ما تكون سميكة مرة ولا التمر يكون قليل لأن التمر بدل السكر لا تنسين ان العجينة ما فيها سكر ) ويضغط على القالب وبعدين نرص العمود الي في النصف وتطلع الحبة ولو القالب خشبي وماله عمود عي النص نضرب القالب بقوة على الالاض فوق النايلون بتطلع المعموله على طول ونرصة في صينية بدون دهن لانها فيها سمنة كفاية وتخبز بفرن عالي النار ونخلي الطبقة في الوسط النار من تحت وكل شوية نرفع الحبة ونشوف من تحت إذا اشقرت شقار نقفل الفرن من تحت ونشعله من فوق نحطها على الشواية لين تشقر وعلى فكرة ما تاخذ وقت على النار يعني لا تغفلين عنها ابدا لوجود السمنة وبعد الخبز تترك حتى تبرد تماماً تماماً بعدين ممكن انك تذوقينها الحين بس وهي حارة لأ ، وترفع بمجرود الحلى وتحفض في علبة مبطنة بكيس نايلون بحرص مرصوصة فوق بعض بدقة علشان ما تتكسر وتغطى يالنايلون وترفع وممكن عمل كمية كبيرة ولو رفعتيها صح وخزنتيها ما تخرب لشهر كامل بس ما راح تستنون عليها ولا يوم ،
يارب كل وحدة تسويها تنجح معها وتدعيلي وعساه هني وبألف عافية ،،،

[طالبة المعالي]

ماشاءالله تبارك الله - رائع جداً .. شكراً لك أختي قمر وعافاك الله ..

[$همس$]

"

تبارك مولاي

طريقه رائعه وواضحه

ربي يحرم هاليدين عن النار

أسعدك الرحمن

ورفع نزلك بالجنان

[باب الحارة3]

ماشاء الله عليك قمورة وعلى معمولك الرائع
تسلم ايدينك يالغلا

[قمر توب تن]

اللهم حرم قارئين موضوعي عن النار
وشاكرة مروركم الكريم

[موون نجد]

تسلم يمينك ياقمر

[ظبا نجد]

تسلمين

ولا تحرمينا من جديدكـ ...

[أم أسامة]

الله يعطيك العافيه وتسلمين

[أمورة سدير]

تسلم ايدينك ياارب

ومشكووره ماقصرتي،،،

[الورده]

واو يقلبي

[بقايا الذكريات]

قمر ..والله اني احب المعمول وشكل هذا بيطلع جنان ومن فتره وانا ودي اشوف طريقه سهله مثل هذي

شكرا لك ودنا نشوف الجديد

[قمر توب تن]

الله يسلم عيون وايدين كل من شرفني وشارك معي
لا حرمني الله هالطلة الحلوة ياغاليييييين

[بسمة فرح]

ررووووووووعه

يبعطيك العافيه

[قمر توب تن]

شكرا لمروركم والجاي لعيونكم

[أم فيصل]

يعطيكك العافيه ياقمر ..

واخيرا الصور والله فرحت فيها كثير ..

الشكل النهائي ليت الصوره كانت اكبر ..

وان شاء الله في الجاي ..

وتستاهلين التميز ..

: )