ارجوكم امسكوا سرا

[هرمنا]

تحية طيبة للاعضاء الكرام

ارجوكم امسكوا سرا

يعني ما ابي زحمة كل واحد راح اعطيه التوقيع اللي يرضيه

مو معنى ان العرض مجاني انكم تتدافعون علي كذا


سويت توقيع لنفسي تشوفونه الان تحتما اخذ مني تصليحه الا ثلاث دقايق بس


مجرد ضغط زرارين على كم كنترول على كم برنامج معقد وماعاقت معي طلع زي ماتشوفون رووووعة <<< واثق من نفسه بقووووة


الان اناافكر احط توقيع جديد لي ثلاثي الابعاد يعني تقدر تشوف اللي ورى التوقيع وتشم رائحة الزهور اللي احطها فيه وتسمع زقزقة العصافير اللي تطير فيه واصوات الشوازن اللي يستخدمها اتيكا ومفتون صيد وهم يلاحقون هالطيور

طبعا ماراح تعوق معي

كم برنامج ضخم على كم حركة على كم كنترول مع خبرة برمجة طويلة وتلقونه جاهز


طبعا راح يكون توقيع الموسم ولا استغرب ان جو فطاحلة المبرمجين يترجوني اسويلهم مثله.. بس معصي

الان وصلتني طلبات من مشرفين هنا في المنتدى يبون توقيع واحد من العامة واثنين من مشرفين قسم البرمجة (( ما ودي اقول مهاجر وهاردوير )) ومشرفين في شباب سدير ((ربى وتأبط)) كلهم يبون توقيع


بس لاني عضو وبما ان الاقربون اولى بالمعروف راح اخلي الاولوية للاعضاء وبعدين اهوجس فيكم يالمشرفين


ادري بتجيني رشوة ويقولون تعال وخلك مشرف عشان اخليهم قبل الاعضاء لكن ماراح اوافق



عاد شوفوا توقيعي هذا وقولوا رايكم فيه <<<<< يارب يمدحووونه


ثم راح اشوف طلباتكم واحد واحد



(((ومانيل المطالب بالتمني **** ولكن تؤخذ الدنيا غلابا)))


والي في القدر يطلعه الملاس

[المنيعات]

تعجبني ثقتك في نفسك بس ما تلاحظ أنك مجحود من بقية الأعضاء ؟؟؟











































(لاتزعل علي تراني أمون)

[هرمنا]

هلا والله المنيعات

يالله ان تحييه

شف طال عمرك تراهم هم الخسرانين <<<<<< ماظنتي والله




بلاهم والله ما يدرون عن مدي قدرتي في التصميم


وراح يكتشفون قدراتي بعد ما ياخذ الموضوع وقته ويقرون قصتي مع التواقيع والتصميمات


وتمووون يالمنيعات تمووون ولو انا متشرف بقرايتك لردودي ومواضيعي تسان تدري ان السبعين في وادي والزعل من المزح في وادي ثاني


وبالمناسبة كانك تبي توقيع خنفشاري ترى انا والم

القف تحياتي

[المنيعات]

حبيبي السبعين

بعد لــقــف تحياتك

يشرفني أن تحكر لي توقيع خنفشاري ( على قولتك ) وتراني أبغاه ماعند أحد مثله -الا عاد اذا صار عند الملك مثله فما يخالف لكن غيره لا-

[ابوعمر]

توقيع رائع أخوي السبعين.

إثرك حريف ما شاء الله عليك.

و تقبل تحياتي،،

ابوعمر

[هرمنا]

هلا المنيعات

ماتبي توقيع مثل توقيع سلطان بروناي ؟

هلا ابو عمر

واشكرك على ثنائك وتشجيعك;)



اما انت ياللي في بالي ولا رديت الى الان فأنا عارف ان ودك تفرمني خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخ



القفوا تحياتي

[رحّــــــــــال]

[c]خخخخخخخخخخخخخخخخخخ [/c]

الله من زين التوقيع ======> هذي لوحه بس مدري وشي صورته
والوان اللوحه ثوب جيزانيه
بس تبي الصدز يصلح توقيعك في اسبوع المرور كله حوادث ومختبص ولا تدري وين كوعه من كرسوعه

[c]خخخخخخخخخخخخخخخخخخ [/c]

[هرمنا]

هلا رحالوه

اجل اسبوع مرور هاه؟ خخخخخخخخخخخخخخخخخخخخ

شف انت ونظاراتك ( اللي في توقيعك )<<<<<<<< اجل فيه نظارات خضر خخخخخخخخخخ


شف توقيعي زين وناظر عروة الدلة ودقق فيها تلقى فيه راس صقر مدري عقاب مدري قوبعة اهم شي راس شي يطير وغطى الدله صاك على منقاره <<< منتهى الاعجاز

اذا فيه احد في العالم قدر يدمج راس طير مع عروة دله مثلي فلك مني نصف راتبي يعني لك مني خمسطعشر الف ريال

اما الالوان انا معك الوان ثوب جيزانية لكن انت ماتدري ان الموضة هالايام هي الوان ابو جيزن؟؟


تسانك تبي توقيع قل لي <<<< الى الان مصدق نفسه انه يعرف يصمم


القف تحياتي وقبلاتي

[هرمنا]

هما انا كتبت هالموضوع ومسوي نفسي اعرف اصمم تواقيع

لاو بعد جحدت الناس اللي صلحوا لي التواقيع ونسبتها لنفسي

الحين اعترف لكم انه مهوب انا <<< والله محد جاب خبرك

حتى ماعرفت احطهن الا يوم ارسل لي مسافر يعلمني الله يجزاه خير

لكن الحق ينقال

ماقصروا بعض الاعضاء هنا صلحوا لي التواقيع واشكرهم

ولولا خوفي العالم تبلشهمويقولون سوو لنا تسان قلت لكم اساميهم

المهم انا حطيت هالموضوع وكان قصدي منه استفز اللي سوا لي التوقيع واخليه يقول وش قلة الخاتمة عندك يالسبعين <<<< يعني مزح

وكان مشاركني هالخطة ابو عمر الله يعطيه العافية


بس قهر ما قدرت ارفع ضغطه ((صار ابرد من المربعانية ))


عموما اغتنمها فرصة واقول لهم مشكورين وما قصرتوا <<< ماخبرت ثلاث تواقيع في وقت واحد


القفوا تحياتي

[ابوعمر]

الله يهديك

كان كملت شوي إلين يدخل مسافر.

بعدين لا تستعجل خلك صبور.

و هذا مثال على عدم الصبر.

(((((عيب الحضري قصره)))))

و تقبل تحياتي يا غالي،،،

ابوعمر