هذه القصيده نشرتها الاخت ابعاد التركي... في مجلة المختلف ..
تسندها على شاعر التوباد...
[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
يا هدى لا طال بي مسراي والهقوة حسافه=بعثري بعض البكا في ناظري جهر وخفيه
نعنبو كثر الجمود ونعنبو قل المسافه= لا وصلت اقصى طموح ولا خسرت اكبر قضيه
وان نشدتيني عن التحنان والبحر وجفافه=اعرفي يا بنت كيف ان البحر يعشق سميه
كان بعض الهرج ما ياطا على درب الكلافه=السوالف مالها في حسبتي ذنب وخطيه
للحزن ميعاد ودموع النهر تدمي ضفافه=والعيون اللي نكفنها بجرح البعد حيه
شاعرن يطوي حدود البحر والبيدا بقافه= كل ما حدر به الطاروق قلت الله حيه!
يوم تغريني عيونه للقصيد وللطرافه= كن بين الضحك والبسمه مسافات وشظيه
قلتله يا شاعر التوباد قلبك وش يخافه ..؟= سم واكتبني بحرف ما قريته فبجديه
دامني كنت الغلا والصدق والعشق وعفافه=ماعلي اخلاف فبحور القصيد السرمديه
يا هدى مالي بقيفان العرب يا كود قافه= بين ذيك لا تغنى راح قلبي وبين ذيه
[/poet]
ورد عليها شاعر التوباد بهالقصيده
[poet font="Simplified Arabic,14,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
بسم والي العرش نبدأ بين نون وبين كافه= ما نخاف إلا من الله الولي رب البريــــــــــة
قال من هو يبدع القيفان في فن وحرافه=يحكم المعنى ، ويختار المهارات القويـــة
الشعر فن ومواهب ،مع مهارات وحيافه=التمــيز في القصايد للرجال وللبنيـــــــــة
هاضني قصيدة في (المختلف) والكل شافه=أقشعر الجسم منها، وسا قني درب الحمية
جات لي باسمي وعنواني وتوقيع الولافه=هقوتي أنها ياهل الأفلاج من نجد العذيه
مرحبا في مرحبا، والفين في قصر الضيافة=عقب هذا المدح منها، أشهد أنه ما عليه
يوم شفنا ثامن الأبيات ( وأبعاد الوصافة)=قمت واقف، وأرمي شماغي ، ودقيت التحية
كم قريت (المختلف) ذا ، من غلافه لا غلافه=يومها يابنت عندي، كنها عيد الضحية
ما حلا عقب شهر حفلاتنا ليلة زفافـــــــه= قرع طاره يسمعه (هل لحمدي والسالمية)
أطلب الله طلبة الحجاج في سعي وطوافه=رب يسر كل أموري ، دامها خضرا بهية
[/poet]