العرايس بالصور ( خبز باللحم )

[قمر توب تن]

السلام عليكم ورحمة الله وبركاته ،،

أنا نقلتها من منتدى واسويها من زمان ولقيت هذه الطريقة تمام مثل طريقتي

العرايس اللى تيجى مع المشاوى وهي أكلة مصرية

العرايس) اللي تجي مع المشاوي تكون خبز وفيها لحم ومحمره من فوق وطبعا هي اساسا تتسوى على الفحم لكن بما انه الواحد ما بيقدر دايما يطلع بره ويشوي او ما عنده حوش الواحد عشان يشوي فيه ففي طريقه حلوه ويطلع طعمها روعه وبفرن البيت والطريقة سهله جدا

صورة قريبه وفتحت الخبزة تشوفوا اللحم


المقادير .



ربع كيلو لحم مفروم ناعم جدا + 15 عرق بقدونس مفروم ناعم + بصلة متوسطة مفرومه ناعم جدا + بندوره متوسطة مفرومه مكعبات صغيرة جدا + ملح + بهار اسود + قليل جدا من 7 بهارات + ملعقتين كبار زيت زيتون(اختياري فلفل احمر بودره للي يحب الحر شوي بس).
يعني تجيبي اللحم مفروم ناعم مره وتفرمي كل شي على حده وتخلطينهم بعدين كلهم سوا بيدك زين تخلطينهم باليد.





الطريقة :
تجيبي خبز لبناني سميك شوي مو الرقيق مره في نوعية سميكة شوي مثل الخبز البيتي يكون مدور وسط او المدور الصغير ااذ ما لقيتوا الخبز البيتي السميك في الخبز المدور نفس مال الشاورما والفلافل




تجيبيه وتفتحيه من جهة واحده شوي وتمدي فيه شوية من اللحمه وترصيها داخل الخبزة زين بعدين تسكريها وترصيها بيدك وتدهني على يدك مسحة زيت زيتون وتدهني الخبزة من الامام والخلف بس لا تمليها زيت بس مسسسح بيدك على خفيف (انظري للصورة)


وتخلصي الكمية كلها بهالطريقة


ثم تقسميها لاربع اقسام (انظري للصورة)





بعدين تلفي كل خبزة بالسيلفر (القصدير) وتحكمي عليها الاغلاق وتخلي اللفه المفتوحه من فوق عشان ما ينزل ماء اللحمه لتحت بالفرن



وتدخلينهم بصينية الفرن على الطبقة الوسط وتكوني مشغله الغاز من فوق ومن تحت على حرارة 180 - 200 درجة وبعد 20 دقيقة شيكي على وحده منهم اذا احمرت ولا لأ اذا ما حمرت اتركيها بعد شوي ممكن تاخذ وقت 30 دقيقة على حسب نوعية الفرون ونوعية الخبز.




بعد ما تطلعيهم من الفرن خليهم بالسيلفر مسكر عليهم شوي عشان ما ينشفوا الخبز او ييبس وبعدين شيلي عنه السيلفر وحطيهم كلهم في صحن وغطيه زين بالسيلفر او بحافظه او بكيس نايلون واحكمي الاغلاق عليهن لمدة لا تقل عن خمس دقايق، عشان تطرى الخبزة شوي اذا كانت محمصة والطعم احلى من اي مطعم واغلبي فيه المطاعم


وهذي صورة اخرى مره ثانيه للشكل النهائي




ابغى دعوة منكم أنا لأني نقلتها لعيونكم

[بسمة فرح]

الله يفقك ياحلوه



عجبتني



يعطيك العافيه

[$همس$]

"

تبارك مولاي

طريقه حلوه

ربي يسعدك

[عبدالعزيز]

من افضل الوجبات اللي احبها

شاكر لك قمر توب

[قمر توب تن]

[bor=33CCFF]امممممممممممممممممممممم
بالعافية على قلوبكم
أخوي عبدالعزيز جعلها مطرح ما تسري تمري
شاكرة لمروركم الحلو يا [read]عطور المنتدى [/read][/bor]

[أمورة سدير]

يعطيك العافيه يارب،،،

[قمر توب تن]

الله يعافيكم
اسعدني مروركم العطر

[توتي هو حياتي]

يم يم يم

اكلات لذيذة يعطيك العافية

[عطر الفواكة]

تسلم يدك على الطريقه
واختي تسويها ولكن تسميها غير(((الحوووشي)))

[иσᴚч ♥~]

الله يعطيك العافية يارب

أنا والله دايم اسويها بس ماأحب أحط اللحمه نيه

لازم أطبخها بعدين أحطها

طعمه يجنن

[قمر توب تن]

اسعدتوني
وبارك الله في يد فتحت مواضيعي