قــصيــدة جــديــدة

[ناصر العبيد]

مساء الخير للجميع بعد انقطاع اترككم مع هذه القصيدة


[frame="1 98"]
[poem=font=",7,darkred,bold,normal" bkcolor="burlywood" bkimage="" border="none,4," type=1 line=0 align=center use=ex num="0,black""]
بعض البشر لا صد صده يسليك=وتحس من فرقاه خير ٍ وراحه
مايتعبك صده ويسهر لياليك=لآكان ماله وسط قلبك مساحة
وبعض البشر لا صد صده يعنيك=ويرسم على قلب المعنى جراحه
يافهد خذ هرجت رفيق ٍ مخاويك=خوة شرف لا جات هرج الصراحة
عاديت رجالٍ يعزك ويغليك=ولو المسافه بحر جيتك سباحة
طالت خطى رجلي وقصرت خطاويك=وجيتك وذى رمز الوفى والسماحة
صديت عن ضيفك وبانت تواليك=هذا الخطى وانته تقلد وشاحه
والله ماترضى فعولك بني خيك=رجالهم للطيب يبذل كفاحه
ماجيت لك محتاج مدة يمانيك=ومقيط يومه راح روحك مراحة
الطيب جا مني ولكن وش فيك=لكن ابو راكان جاك اقتراحه
مكان ابو راكان ماهوب غاويك=اقلط يبين لك الرضى وارتياحه
الظيف لا جا مانسوي مساويك=اجيه لوي في سرير الجراحه
[/poem]
[/frame]

[سعود الخليل]

صح لسانك أخوي ناصر ...

أبيات رائعه ... وعتب الصاحب لصاحبة ،،،

وإن شاء الله ،، ما يصد عنك غالي ..

سلمت يالغالي ..

[دانة القصيد]

[align=center]
ناصر العبيد

سلامتك من سرير الجراحه..

صح لسانك يالغالي

جزله من جزل..

تقبل مروري المتواضع..

أختك
اليتيمه.
[/align]

[عبدالله بن سعود]

الشاعر ناصر العبيد

عتب جميل من صديق لصديقه

صح لسانكـ

وعلا شانك

ولا هنت شاعرنا ناصر

[مداءات]

ناصر العبيد:

مرحبا ومسهلا بك يا أخوي


وسعدنـا بعودتك..


صح بوحك ..


قصيدة ملونة بعتبٍ شفيف,


ومعنى سامي..

كل الشكر لك أخوي ناصر ,,

[أبو حمـد]

السلام عليكم ورحمة الله وبركاته ،،


يعطيك العافيه أخوي الشاعر ناصر الزيد ،،


وقد قسوت كثيراً على صاحبك ،، بل وأسرفت ،، وكنت اتوقع عتب شفيف عندما قرأت مقدمة الشاعرة نوره ،، فإذا بها قصيدة هجائية ،،


لي ملاحظه صغيره في مدى مناسبة معنى كفاحه وأقتراحه في البيتين ،،

وكذلك في كلمة غاويك ،، ومدى مناسبتها لمعنى البيت ،،

وأيضاً مناسبة أستخدام حرف الألف في كلمة لك ،، لتصبح ،،
اقلط يبين الك الرضـى وارتياحـه


شكراً لك أخي الكريم ،، وصح لسانك ،،

[سعود الموسى]

تسلم صح لسانك


يعطيك العافيه

[الود طبعي]

بيض الله وجهك وصح لسانك

[ناصر العبيد]

راعي الأولة --اليتيمة --الشاعر عبدالله بن سعود--نورة بنت مطلق--سعود الموسى -- الود الطبيعي --حمد ولد ابو حمد صحت ابدانكم جميعا ولكم مني كل الشكر والتقدير --

وبالنسبه لملآحضاتك يادكتور غسان استلم الإيضاح--

والله ماترضى فعولك بني خيك --رجالهم للطيب يبذل كفاحه

مدى مناسبة كفاحة فالبيت اعلآه اقصد به ان اقارب وقبيلة الشخص الذي اخاطبه فالقصيدة لا يرضون عدم اكرام الضيف وانهم يكافحون لاجل الطيب وعلوم المراجل-

والثانية لكن ابو راكان جاك اقتراحة هنا اطرح اقتراح لعله يعيد المياه لمجاريها--
والثالثه--والألف خطأ املآئي كما اخطأت باسمي ولك كل الشكر

محب الجميع ناصر العبيد