سمير لو تدري عن الحال وش صار

[سلطان العضيدان]

رسالة شعرية ,, عنوانها المحبة والاخلاص أهديها واقدمها الى الصديق الغالي : سمير الحمدان العضيدان المبتعث في استراليا لاستكمال دراسته

مع تمنياتي القلبيه لك بدوام النجاح ان شاء الله وان تعود الينا حاملاً بالشهادة ..مسلحاً بالعلم

[poem=font=",4,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] سمير لو تدري عن الحال وش صار =من عقبكم ضاقت علي الوسيعه
ضاقت علي الدار واصبحت محتار =والشاهد الله ما نوينا القطيعه
مير المسافة بيننا بحور وانهار =والا غلاك بوسط قلبي وديعه
يا صاحبي ما انساك والوقت دوار =يا شبه حرٍ في سمانا طليعه
منولٍ تحكي لي علوم واخبار =علومك اللي كل ابوها رفيعه
واليوم لك من ماضي الوقت تذكار =في مجلسٍ بين الوجيه النصيعه
موجز حديث الناس وطوال الاعمار =انك عزيز ولا تعرف الهزيعه
هذي حقيقه واضحه ياهل الاخيار =هذي فعول اهل القلوب الشجيعه
يالله عسى دربك زهور واثمار =وترجع لدار اهل الوطن والشريعه
هذي مشاعر قلتها صدق باشعار =وقلبي عليك اليوم مثل الوليعه
اقولها واكرر القول تكرار =فيك الوفا يالقرم خصله طبيعه
وصلاة ربي عد مامور الامطار =على نبيٍ كل ابونا نطيعه[/poem]






[align=center]
....
[/align]

[سعود الخليل]

صح لسانك أخوي سلطان ولا هنت يالغالي على هالابيات ...

والله يرد ابن عمك سمير الحمدان العضيدان ،،،

[أبو حمـد]

السلام عليكم ورحمة الله وبركاته ،،

ومساء الخير أخوي راعي الغاط ،،


ما شاءالله قصيدة قمة ،، جزالة معنى ،، ووضوح غاية ،، وسلاسة الألفاظ ،، ماخليت شي ما شاءالله ،،

ولله درك ،، من أجمل الأمور بالدنيا ،، توضيح حقيقة المشاعر والصداقة الحقة ،، بأسلوب لبق مهذب ،، يقرب ويؤلف القلوب ،، فجزاك الله خير ،،

اهنئك على هذه الصداقة الحقيقية ،، وعلى هذا التمكن البديع ،،

شكراً لك ،، وصح لسانك ،،

[سلطان العضيدان]

صح بدنك يا راعي الأوله ,,,


واشكرك على مرورك وتواصلك


لك تقديري

[سلطان العضيدان]

مشرفنا القدير : حمد ولد أبو حمد

صح بدنك ..

واشكرك على اطرائك الكريم وعلى ردك الجميل ..

لك تقديري وخالص احترامي لشخصك الكريم ..