سلام ياربعي وهلي- (قصيده حدا)

[عبدالعزيز الصعب]

بسم الله الرحمن الرحيم


القصيده من نوع (الحدى) كتبتها قبل فتره ..

........................................


(1)سلام ياربعي وهلي-جيت برفاقه ومهلي-من مارد العد انّهلي-
يااهل السيوف المصقلات
من هاجسي غنيت لي -وانا على راس عملي-واللي يرد بمايلي
يرقى الجبال النايفات
تسعين فالميّه لنا-محدن وصلها قبلنا-امجادنا تكتب لنا
يوم السنين الماضيات
ياحظ منهو جالنا-محدن جهل برجالنا-مايختلف معدالنا
ولاذم باقين الرجال

............



(2)وين انت ياويل امّها-لاجات يمك ضمّها-قبل يلفّك كمّها
وتضيع وسط المهملات
ان حولت لك خمّها-والا انت عود يمها-واذهن ياخوك تذمها
جاتك على كل الجهات
وش لون تنسى مامضا-وقت المحبه والرضا-حلقت في جو الفضا
تحت النجوم السامرات
احرّ من جمر الغضا-والكبد صاليها لضا-والعد توّه مافضا
ماعنك غايب لامحال

............



(3)الا انت وش حوّش كله-ياللي جهلت المشكله-اصويحبك ما جا كله
يرضى بكل المغريات
عجل عليه وحكّله-خابور منّي قد كله-سبق وغيري وكّله
واذهن تغر من الوصات
هو ماحسب للاوله-ضاعت حياته باوله-يوم ان كان الجوّله
يقضي على الليل السبات
النفس قشرا مسوله-جته السباع محوله -صغير سن وتوّله
يستاهل الغالي دلال

..........



(4)هذي قصيده ملهمه-فيها المعاني مبهمه-نضمتهااا لك يابهمه
فيها تفاصيل وسمات
عسى كلامي تفهمه-والناس ماهي موهــمـه-ياراعي ذيك المجهمه
ياورع ماهذي حيات
دوّر مترجم للعجم-ياواحدٍ ضاع ونجم-واحرص من الذيب ان هجم
بعض العلوم مترجمات
مايفهم الهرج البجم-اصبحت من ضمن الخجم-لكن رّيح وانسجم
تلقى مبحّثة الرمال.



,,,,,,,,,,,,,,,,
وسلامتكم
ع ب د ا لع ز ي ز- ال ص ع ب

[راعي الهواء]

مبدع ياالغالي تقبل مروري ولا هنت علا الطرح الجيد اخوك راعي الهواء

[سمحة الخاطر]

صح لسانك

وطاب حالك