جرح الصديق

[نوض برق]

السلام عليكم ورحمة الله وبركاته
هذه الأبيات شاركت بها في أحد المنتديات وأوردها هنا آمل أن تحوز على رضاكم

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
تحمّلت العناد اللي حصل منّك واقول تمون=ولكن كل شي(ن) زاد عن حدّه فهو ضدّه
تسير بنا المراكب وسط بحر(ن) كل يوم(ن) لون=ولا ظني نواصل والصبر مني وصل حدّه
نزف جرح الغدر منّي مثل ما ينزف المطعون=ضغطت الجرح بابهامي كبر جرحي ولا سدّه
ترى جروح المشاعر ما تداوا كان ما تدرون=يضجّ بها الألم في داخل الأعماق ممتدّه
حسافه كنت احسّ اني بقلبك والحشا مدفون=واني أقرب العالم وقلبك كاسب(ن) ودّه
ذبل ورد الأمل مني وجفّت في يديني غصون=وأيام الهنا صارت على مِغليك مسودّه
أنا أول على شانك اسكّت كل من يحكون=واعدّك صادق(ن) وافي وما احد(ن) غيرك اعدّه
فتحت كتاب قلبي لك وبيّح خاطري المكنون=واقول انت الرفيق اللي ذخرتك حزّت الشدّه
تبيّن ما خفى عنّي وتفتّح للجريح عيون=تغشّاها ظلام الزيف والتظليل من مدّه
قِدرنا ما نكون اصحاب وخلّ الّلي يكون يكون=وهذا قدّره ربي ولا نقدر على ردّه
عسى الله يسعدك أبعد وعزاي لقلبي المحزون=وبقى لي جرحي النازف وحال(ن) غدركم هدّه[/poem]
والله يحفظكم

[سمحة الخاطر]

وعليكم السلام ورحمة الله وبركاته

صح لسانك

وطاب حالك

والله يصبرنا على طعنة الأصحاب

[نوض برق]

شكرا ابتهال ابتهل إلى الله العزيز أن يوفقنا وإياك وجميع المسلمين

[راعي الهواء]

ياشينها لاجت من صديق تقبل مروري اخوي الغالي وخالص تحياتي

[نوض برق]

شكراً راعي الهوا على المرور والله يحفظك

[قلم رصـــاص]

|| وعليكم السلام و رحمة الله و بركاتة ||

ماشاء الله تبـارك الرحمن

صح لسـانك يالغالي

قصيدة جميلة و رآئعة , و فيها الكثير من المعاني

و يا أعضمها إذ أتت من صديق عزيز إلك

بارك الله فيك أخي الكريم على القصيدة المميزة

[نوض برق]

قلم رصاص / حمد شكراً لمروركم وإشادتكم وسام

حمد/ تواجدي في منتديات سدير لسببين
ـ لانك منوّر في هذا المنتدى وهذه ليست مجامله
ـ ولكون قسم البوح والقصائد في هذا المنتدى متميز ويوجد به شعار متميزون أتشرف بمشاركتهم .. والله يحفظكم

[طهر السمآء]

شـكــ وبارك الله فيك ـــرا لك ... لك مني أجمل تحية .

[أبو حمـد]

وعليكم السلام ورحمة الله وبركاته


والله يعطيك العافيه أخوي نوض برق ،، قصيدة جزلة رائعة ومن رائع ،،


وعزا الله ياشينها لا جت من صديق ،،


صح لسانك شاعرنا المبدع ،،

وشكراً لك ،،