[ هرجة البن والهيل ] !

[سطام الشمري]

أخر قصيده نظمها القلم أتمنى ترتقي للمستوى المطلوب ..

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
بين الدلال وبين ذيك المعاميل=دنيت من بيض الورق ما صفالي
هز الحنايا صوت رجف الفناجيل=لانه على نفسي عزيزن وغالي
وذكرت دن حجيلها والخلاخيل=لامن تهزع مشيها بالرمالي
يا قيس وإسمع هرجة البن والهيل=ومسامرة نار الحطب للدلالي
راع الهوى له مع سناها تعاليل=لا صار ما قلبه من الوجد خالي
وإسال ليال الجدي وش عقب سهيل ؟=غير الضمى وإسال عن الترف حالي
فرقا العيون الناعسات المذابيل=من خمرتن في كاس خده ثمالي
تسل حالي وأتبع الويل بالويل=وأنعى وصاله بالدموع الغوالي
وجدي عليه إنكان بالوجد تحصيل=وجد العجوز إللي جفوها العيالي
أو وجد حادي خيل قومه على الخيل=خلوه يومن جندلوه الرجالي
لا يا نديمي لا تلوم المهابيل=كود إن منهم ذاق مرّ الليالي
لا شحت إيدين الهوى بالمواصيل=يا قرب درب أهل الهوى للهبالي
وإللي قبالك مرتكي داوي الحيل=باقي على عهد الليال الخوالي
عشقن قديم مأملته المقابيل=غصونه ليان يلاعبن الشمالي
لو طالت الفرقا على ساهر الليل=عيا على صوت الجفا بالسؤالي
والسدره إللي ما جرف عرقها السيل=من عام للمتعوب فيها ظلالي
لليوم يرقب في فجوجه تساهيل=تسمح ويطويها حنين الرحالي[/poem]

/ سطام الشمري /

[قلم رصـــاص]

|| السـلام عليـكم ||

ماشاء الله تبارك الرحمن

قصيدة جداً رآئعة و جميلة , و عودة حميدة ياشاعرنا المبدع

بإنتضار قصائد أكثر و أجمل منك يامبدعنا

شكراً لك

[سمو ذاتي]

::

هذي غنايم الغياب , مثل مايقولون , من طول الغيبات جاب الغنايم ,

مسامرة رائعه ,, استمتعت بـ القراءه,

صح لسانك اخوي سطام

شكرا لك

::

[سمحة الخاطر]

صح لسانك وطاب حالك

مشكور على القصيده

[سطام الشمري]

المشاركة الأصلية كتبت بواسطة قلم رصـــاص   || السـلام عليـكم || ماشاء الله تبارك الرحمن قصيدة جداً رآئعة و جميلة , و عودة حميدة ياشاعرنا المبدع بإنتضار قصائد أكثر و أجمل منك يامبدعنا شكراً لك

مرورك الأروع يا خلفهم



منور المتصفح



ألف شكر على الإطراء



ولاهنت



تحيتي

[سطام الشمري]

المشاركة الأصلية كتبت بواسطة سمو ذاتي   :: هذي غنايم الغياب , مثل مايقولون , من طول الغيبات جاب الغنايم , مسامرة رائعه ,, استمتعت بـ القراءه, صح لسانك اخوي سطام شكرا لك ::

يطولي بعمرك



لاهنتِ يالنشميه




ألف شكر


وصح كلك

[سطام الشمري]

المشاركة الأصلية كتبت بواسطة إبتهال فهد   صح لسانك وطاب حالك مشكور على القصيده

صح كلك



لاهنتِ يالشيخه


منوره المتصفح

[أبو حمـد]

السلام عليكم ورحمة الله وبركاته ،،


ما شاءالله والله يعطيك العافيه أخوي سطام ،، قصيدة رائعة من شاعر رائع ،،


أعجبتني بجد ،، وصح لسانك شاعرنا سطام ،،



دمت بخير ،،