¨° بوح القوافي °¨ خاص بشعراء المنتدى النبطي والفصيح (يمنع المنقول) . |
|
أدوات الموضوع | انواع عرض الموضوع |
25-08-2009, 10:52 PM | #1 | |||||||||
شــــاعــر
|
قصيده مهداه للشاعر سعد البطيان واهالي الغاط/ورد الشاعر سعد عليها
السلام عليكم ورحمة الله وبركاته هذه القصيده موجهه الى شاعر الغاط اخي/ سعد البطيان والى اخواني اهالي الغاط....من دون قصور بجميع اهالي المناطق..لانني ابعدت هذه القصيده عن العنصريه وعدم ذكر القبائل فيها..وتعتبر قصيده خاصه فأعذروني وعسى مايلحقني لوم منكم انشاء الله سلام الله عليكم من هجوسن بالوفا مليان اقدمها لربعن يكرمون الجار والعاني على الدرس الجديد نوضح التاريخ والعنوان وهاجوس المعاني مصدره فكري وعنواني بعد جينا على وضح النقا يوم التقى الجمعان لقيت الشاعر اللي مايخالف نظم قيفاني تكاتفنا ونلنا الطيب والله يخزي الشيطان على صوت الذيابه مايهاب الذيب سرحاني هلا يامرحبا باللي هجوسه تبري الوجعان على القيفان مصقول النصاب السيف شاماني ايوالله شاعرن يستاهل التقدير والعرفان على كفه عرفنا القاف والمعنى والاوزاني هذاك الحر مالد النظر بفلان والا فلان ولايقصر نظر عينه لياشاف الهدف باني هذاك الصاحب الوافي هذاك معرب الجدان هذاك الحد الابتر محزمي زندي ونيشاني وحنا مانخالف منهج الاعمام والجدان نوثق ما مضى مابين جدانه وجداني على درب الصداقه مانعاين هرجة الخوان رفيعين المقام ورافعين الروس والشاني ابو بطيان شاعرنا وانا تلميذ ابو بطيان نهارانه ثبت في مركزه كله على شاني وتحياتن نقدمها لكم بالعود والريحان على ربعن لهم بين الحنايا العوج مسكاني وحيث انا من اهل الغاط حنا نثبت الميزان ليا دارت رحاها واستدار الركب من داني يلج طويق منا لين يرضخ باغي العصيان جماعه ماتفرقنا طوايف كان من كاني وحنا في هدفنا مانخالف مضرب النيشان وحنا الشور منا والخطر في كل ميداني وحنا اهل التصافح والعفو والحلم والاحسان وحنا اهل القيم والدين والطاعه والايماني وحنا طويق وجبال السراة وهضبة الجولان وحنا جبال سينا واليمن وجبال عماني وحنا المجد والتاريخ وحنا هيبة الانسان وحنا للعرب عز وفخر من طول الازماني وحنا صفحة الابطال وحنا خاتم سليمان وحنا النار والبارود وحنا طب الابداني وحنا ننطح العايل وحنا عصمة الشجعان وحنا هادم اللذات وحنا بيض الاكفاني وحنا جبهة الصديق للباغين والعدوان وحنا جيش خالد والمثنى وابن سفياني وحنا سطوة الفاروق ودرع الفارسي سلمان وحنا (سيف) ابوطالب علي واخلاق عثماني وحنا ضربة الزلزال وحنا ثورة البركان وحنا الريح والاعصار وحنا نهيل الاذهاني وحنا عيال ديره دون شك وكلبونا اخوان وحنا من خوال مأسس الدوله كحيلاني اخو نوره بنى مجد البلاد وحكم القرآن بعد ماهو نزعها من عدو الدين بالعاني وحنا بالمسيره مع ملكنا نتبع الركبان على عهد الجدود معاهدين القايد الباني ابومتعب على نهج الملوك مجود السيسان وهو خامس ملوك المملكه ذربين الايماني ملكنا اللي وقف دون اليهود وزمرة النصران وحمى الدين الشريف ورد عنا كل عدواني والايالله نسالك ياولي العرش يارحمان تعز ملوكنا وانك تجازيهم بالاحساني وعلى من نظرته دايم على الضعفان واليتمان ولي العهد ابوخالد حبيب الشعب سلطاني الايالله تعيده للوطن متعافي وشفيان ولانرتاح حتى انا نشوفه شوف الاعياني وتقر عيون شعبه في مجيه ياعظيم الشان ولايعجز عليك الامر ياعلام الاكواني وتسلم عين حرن من على حدالوطن سهران وزير الداخليه في بلدنا النايب الثاني وصلى الله على الهادي عدد ماهلت الامزان نبين شرفه رب الملا من نسل عدناني ونضمناها لكم بالوقت والتاريخ والعنوان ومامون الضماير مايخالف منطق لساني ............... وسلامتكم اخوكم عبدالعزيز الصعب رد الشاعر سعد البطيان هلا يا مرحبا بالشاعر الـي يصخـر القيفـان هلا يا مرحبابه عد مـا هلـت مـن امزانـي هلا بالصاحب الوافي هـلا بمعـرب الجـدان عسى من عقبك يالذيب في فـردوس وجنانـي ملكت القلب في طيبك و باعلنها تراي امـدان ترا منزلك في قلـب يعـادل منـزل اخوانـي يشيب القاف في مدحك و مثلك بالوفى عنوان اصيل العرق نظيف العرض جمعت الطيب يفلاني انا التلميذ يا استاذي ولا اجامل وذا عرفـان انا يومي عرفتك صار لي مركـز ولـي شانـي عيال الطويرف متعبت يا سيدي كل فسقـان لهم فعلن مضى معروف في ماضيـت الازمانـي انا بشهد لهم بالطيب و يشهد قبلـي حميـدان ذكر جد السدارى وخص في ذكره سليمانـي خوال المقرن الي وافيه مـا حاشهـا النقصـان وحنى اليوم حنى نعيش بظل الذيب سرحانـي وابختمها بصلاة الله على محمد عضيم الشـان عدد ما لاح من برقن و هلـت ردم الأمزانـي وسلامتك يا ابو بدر. |
|||||||||
30-08-2009, 11:03 PM | #2 | |||||||||
عضو مجلس الإدارة
|
رد: قصيده مهداه للشاعر سعد البطيان واهالي الغاط/ورد الشاعر سعد عليها
صح لسانك أخوي عبدالعزيز على هالقصيدة الجزلة ... |
|||||||||
11-09-2009, 11:54 PM | #3 | |||||||||
عضو
|
رد: قصيده مهداه للشاعر سعد البطيان واهالي الغاط/ورد الشاعر سعد عليها
وعليكم السلام ورحمة الله وبركاته ،، |
|||||||||
12-09-2009, 12:23 AM | #4 | |||||||||
مراقبة سابقة
|
رد: قصيده مهداه للشاعر سعد البطيان واهالي الغاط/ورد الشاعر سعد عليها
صح لسانك وطاب حالك |
|||||||||
12-09-2009, 07:17 PM | #5 | |||||||||
شــــاعــر
|
رد: قصيده مهداه للشاعر سعد البطيان واهالي الغاط/ورد الشاعر سعد عليها
|
|||||||||
12-09-2009, 07:20 PM | #6 | |||||||||||
شــــاعــر
|
رد: قصيده مهداه للشاعر سعد البطيان واهالي الغاط/ورد الشاعر سعد عليها
صح بدنك وبيض الله وجهك اخوي حمد ولد ابو حمد شاكر ومقدر مرورك الكريم |
|||||||||||
مواقع النشر (المفضلة) |
|
|