لماذا هذا الحال لمنتدى الصيد !!!؟؟

[المولع]

بسم الله الرحمن الرحيم

صراحه الي دفعني لكتابة هذا الموضوع هو انخفاض مستوى المشاركات و الاعضاء في منتدى الرحلات و الصيد .
وبدون لف ودوران في الحقيقه عدد الاعضاء المتفاعلين في هذا المنتدى لا يتجاوز خمسة اشخاص مع احترامي الشديد و تقديري لبعض من يمر على هذا المنتدى مرور الكرام .. وكم تمنية وصول عدد المشاركين على الاقل في هذا المنتدى الى 15 عضو فعال .
وهناك بعض الاعضاء الذين افتقدنا لمشاركاتهم ومنهم على سبيل المثال لا الحصر الأخ ابو عمر اشوفه انقطع عن المنتدى ...

نبي حل لهذا الركود ، و لا مانع من وضع دعاية للمنتدى لإستقطاب المزيد من المشاركين ;) ..

[ابودجانه]

المولع انا ماجبت لي طاري لا مع ذولا ولا مع ذولا0













واضم صوتي معك بخصوص المشاركات في هالمنتدي ولكن اقول كل شيء في وقته حلو ياحلو وصراحة هالايام لاهين في صيد هالضبان ولااشوف اهتمام لهالموضوع

[مفتون صيد]

ا شاكرك المولع على حرصك على المنتدى ولا هو شيء غريب وانا والله ملاحظ هذا الشيء من زمان
ولكن الواحد ما وده يضغط على الاعضاء ... لان العضو حتى ولو انه مقصر في المنتدى قال اقرب كلمه وهي انا عندي ظروف وغيره من الاعذار والمشاركه مهيب عصب عليه ولا ودنا نغصب عليه ثم يكره المنتدى

لكن والله لو المنتدى هذا ( منتدى سدير ) يعرض للبيع بمواضيعه والله العظيم ان المواقع الاخرى تبي تطاق عليه ولا هو مبالغه علشانه منتدى ديرتنا ......... لا لكن من حصل الشي يستاهله وبصراحه المنتدى متعوب عليه مره من ناحيه المواضيع او الاعضاء المتميزين اللي فيه .......
ووالله ان هذا الوضع يدمي القلب لان عندك مواضيع وعندك اعضاء اقوياء ولكن ما احد قدر هذا المنتدى واعطاه قدره ... وغير كيذا لنا علاقات قويه مع اخوينا منتدى مكشات وفيه اعضاء معنا ولكن للاسف يشارك مرتين وعقبها ما عد نشوفه ... مثل المري ونجمة سهيل وغيره من الاعضاء اللي ما تحضرني اسمائهم..... وكذلك البواردي
وانا لست معك يابو دجانه في كلامك بل بالعكس المفروض كل واحد يكتب عندنا يحط المواضيع التي تتعلق بطلعاته ومكاشيته وقد تناقشت مع احد الاشخاص عن وضع المنتدى دائماً يقول موهب وقته ..... طيب اذا صار الوقت اللي حنا فيه ما فيه شي وش نسوي نصفط يدينا .؟؟؟؟
وغيركيا المنتدى انا الاحظ انه يفتقد الى النقاش في المواضيع وتبادل الخبرات .... دائماً لو تلاحظون الرد على المواضيع بالشكر والثناء وغيره ... نقول لا مانع من ذلك ولكن ابدي وجهة نظرك وناقش وناقظ الكلام المكتوب حتى تحصل الفائده المرجوه
اضف الى ذلك ان بعض الاعضاء ما يرد على الموضوع الا اذا كان مكتوب اسمه بس .... اما انه يشارك من نفسه ..... يقول لا ...... ليه .... يقول مافيه احد سئلني ....
بالطريقه هاذي تموت المواضيع
والغريب اللي انا ما قدرت افهمه ان اغلب اهل سدير اهل بر ومقناص وطلعات .... ولكن لعل السبب انهم ما يفهمون بالانترنت وهذا هو الواقع

والله يالمولع دقيت على الجرح خلها على ربك ..... ولكن اقول كلمه اخيره ...
الى كل الاعضاء والاسماء اللامعه التى لم تبخل على هذا المنتدى ولم تدخر اي جهد في سبيل ارتقاء هذا القسم ..... اين انتم؟ اهذا ما تعلمتم من هذا المنتدى .... اتعلمتم هجرانه وتركه وهو الان في امس الحاجه اليكم ....... هو الذي اعطاكم الاخوه والترابط فيما بينكم ... فهل هذا جزاء الاحسان

[المولع]

صراحه كلامك كله درر و لا يقدر بأي ثمن .
لاكن نقول انشاء الله القادم افضل و احسن .... انتهى

[مفتون صيد]

جزاك الله خير يالمولع على طرح هذا الموضوع الحساس والفضل يرجع لك في الاول والاخير بعد الله

[اتيكا]

هذا الهدواء الذي يسبق العاصفه

والناس مقبلين على أختبارات ولاهم يمك

أصبر عليهم شوي

[مفتون صيد]

كح كح كح
والله الغبار واجد

وينك اتيكا قطعت قطعه محترمه ....... ما لك داعي ... ترى حنا كلنا نل نجي ولا 4 اعضا اللي يكتبون في المنتدى يعني التغيب الطويل يأثر ....... على قولة القايل صفوا صفين قالوا حنا اثنين