الـشـاص الالـفـيـن واثـنـيـن

[اتيكا]

قصيدة في الجيب 2002 للشاعر حمود بن نايف العنزي


[c][/c]
[poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=right use=ex char="" num="0,black"]
يالـ...بو الشاص الالفين واثنــين = عز الله إن المبدعين ابدعوبه
تساعدو في صنعته اطلق خبيرين = باشراف عالم مبتداه ابتدابه
حصل شهادة علم مع خبرة اسنين = وله جايزة نوبل زمان امحسوبه
ابوه ياباني سياسي قوانــــين = في دولته يصدر نظام العقوبه
والام نازية مواليد برلــــين = وخوال خاله من مواريث كوبه
صحيح ناقص لان ماهو علىالدين = عالم وعلمه مايكفر ذنوبه
اما اختراعاته على الراس والعـين = يشكر على افكاره ودقة اسلوبه
اصخر بصنع الجيب من قبل عامين = بالسر حتى دولته مادروبه
من جودته له بالصحافه عـناوين = بالسوق ربح كل من تاجروبه
رجح موازين وهبط مـــوازين = كل الدول بالبورصة ساهمو به
نزل من الدولار بالسعر ثلثيــن = ودعم رصيد الين نوبه ونوبه
اباصفه كله من ايسار ويمــين = لو ان في وصفه عليه صعوبه
بين كما ابو الهول مبنى الفراعين = كله حجر مابه حديدة ابنوبه
وبين المواتر سكبته تجلي البـين = سكبة زعيم محتفل في خطوبه
واللون بيج وبوبته من بلاتيــن = ضد الحرارة والهواء والرطوبه
وحمار خطه مثل سيل البراكـين = والاحمار الشمس حزة غروبه
وماطور صمامه اربع وعشريـن = وبخاخ مصروفه يقنن شروبه
ونظام دفع الحركة دفع تربيــن = فريد من نوعه وهم طوروبه
وتحضيرتين امام وخلاف عكسين = وستة عشر جنطه على قد هوبه
ومساعدات اربع وقدام عكسيـن = ودفرنس وفريول يحرك اكعوبه
وونشين سحب ويسحبن وزن طنين = وهزاز يمنع بالصحاري نشوبه
وحمولته بالكيلو الفين والفيــن = على الشدايد فيه عزم وصلوبه
من قوته يصبر على الزين والشين = الطقس ماهمه جليده وشوبه
متعدد الاغراض للاتجاهيـــن = مافيه عيب اقول ذا من عيوبه
لاقفى مكوك كل طقمه مفاديـن = علم الكواكب والفضاء كلفو به
ولا اقبل كما الجاكور والا السقستين = في وقت غارة العدو ولعو به
ولا اعرض شهاب مرسل للشياطين = ضرب غلاف الجو واحدث شبوبه
منوة غريب شف باله بعيديــن = الدرب لو طول بسرعه يلوبه
مايمنعه لا رمل لا حجار لا طين = غريب ماتمشي المواتر دروبه
ماهو زماله عايلات او وراعين = ولاهو زماله للعفون او جلوبه
سلعة ثمينة للرجال الثمينين = راع الولع يشريه لو باع ثوبه
[/poet]


أرجوا أن تحوز على رضاكم

[المولع]

قسم بالله قصيده رهيبه بأحفظها عندي ;) . جزاك الله خير يا اتيكا على وضع هذه القصيده للشاعر حمود العنزي .
وصراحه اعجبتني هذي الأبيات الي قال فيها :





مـنوة غـريب شـف باله بعيدين .... الـدرب لـو طـول بسرعه يلوبه
مـايمنعه لا رمل لا حجار لا طين .... غـريب مـاتمشي الـمواتر دروبه
مـاهو زمـاله عايلات او وراعين .... ولاهـو زمـاله لـلعفون او جلوبه
سـلعة ثـمينة لـلرجال الـثمينين .... راع الـولع يـشريه لـو باع ثوبه

[مفتون صيد]

صح لسان الشاعر وتسلم يمينك اتيكا

انا اشهد والله ياهو موتر ما يقول لا وين ماتبيه يروح يروح .... عزالله انه موتر يبرد التسبد;)

[محمد الاخوان]

بـين كما ابو الهول مبنى iiالفراعين كـله حـجر مـابه حـديدة ابنوبه
وبـين الـمواتر سكبته تجلي iiالبين سـكبة زعـيم مـحتفل في iiخطوبه



تسلم والله ماقصرت يا اتيكا هالقصيده ....


والله ياهو صدق يبرد الكيد:o :o

[اتيكا]

أخوي المولع
أخوي مفتون صيد
أخوي محمد الاخوان
الحمد الله أن القصيدة أعجبتكم
وهذا كل مانطمح إليه ونرجوة
وهذة بعض مواصفات لاندكروزر الوانيت

· جير عادي 5 سرعات أمامية وواحدة خلفية
· نظام دفع رباعي
· محرك 6 سلندر- 4500سي سي -24 صمام - 240 حصان - 4600 د.د - حقن الوقود الكتروني
· دعامية امامية
· سكان هواء متحرك
· النوافذ والمرايا الجانبية تعمل بالكهرباء
· قفل مركزي
· فرش المقاعد قماش
· بدون مقاعد خلفية
· لاصقات على الأبواب
· مقعد امامي طويل
· إطار احتياطي في الخلف
· مسجل وراديو 3 موجات (AM-FM-SW) مزود بـسماعات
· نظام تكييف وتدفئة
· شاصي طويل
· نافذة خلفية صغيرة
· واقيات للوحل امامية وخلفية
· دواسة لسهولة الصعود والنزول
· ساعة رقمية

ويوجد منه لونين

[ابوشوق]

المشاركة الأصلية كتبت بواسطة   باقتباس من مشاركة محمد الاخوان بـين كما ابو الهول مبنى iiالفراعين كـله حـجر مـابه حـديدة ابنوبه وبـين الـمواتر سكبته تجلي iiالبين سـكبة زعـيم مـحتفل في iiخطوبه تسلم والله ماقصرت يا اتيكا هالقصيده .... والله ياهو صدق يبرد الكيد:o :o

اخوي ابو شذى القصيده رررررررايقه لكن انا سمعت انه قال القصيدة عند احد الأمراء وانه امتدح الأمير بأبيات رايقه اكثر وان الأمير عطاه فعلا شاص 2002جديد بس مأدري صحيح والا؟؟؟؟؟؟؟؟؟؟؟؟