بوقد لك من ضلوعي شموع ( مصافحه أولى )

[مشاري البابطين]

[align=center]تحية طيبه ومعطره للجميع

احد قصائدي ..



ويشرفني ان تكون اول مشاركاتي في هذا المنتدى الجميل


واتمنى ان تنال على القليل من إستحسانكم[/align]




[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

ياملوّع(ن) قلبي من مفارقك لوع=وعندك على وصل المحبّه مناعه

تعال بسكب لك من ابياتي دموع=وإترك قصيدي في يمينك وداعه

تعال بوقد لك من ضلوعي شموع=وأجلس طلبتك داخل القلب ساعه

يمكن بعد ماتشوف حبي لك تموع=ثلوج صدّك والجفاء والقطاعه

ذبحتني محظور . مرفوض . ممنوع=كنّي ذنوب ولالقيت الشفاعه

وكن الجفاء في سلمكم شي مشروع=وكنّك تفنن في جفاك ببراعه

لاتحسب إنّي يوم انا جيتك خضوع=الحب عزّ ورفع راس وشجاعه

لكن اخاف تقوم في يوم مفزوع=وتلقى غلاك بقلبي أعلن وداعه

في وقتها حرام ماأنوي لك رجوع=ماهو تحدّي . بس راي وقناعه

عمر الهوى ماكان في حبّة الكوع=مغليك مايرضيه لويت ذراعه

وعمر الهوى ماقيس بالكمّ والنوع=تشوف في عين الهواوي شعاعه

ماهو تجارة بين شاري ومبيوع=وماظنتي تلقاه ضمن البضاعه

ولاهو صكوك(ن) بين مالك ومنزوع=ولاهو مواقف بين شيخ وجماعه

إمّا يجي بالطيب واللّين والطوع=وإلاّ بلاش من الهوى وإلتياعه

[/poem]

وسلامتكم

[عبدالله بن سعود]

ماهو تجارة بين شـاري ومبيـوع
وماظنتي تلقـاه ضمـن البضاعـه
ولاهو صكوك(ن) بين مالك ومنزوع
ولاهو مواقف بين شيـخ وجماعـه
إمّا يجي بالطيب واللّيـن والطـوع
وإلاّ بلاش مـن الهـوى وإلتياعـه

الشاعر ... مشاري

اهلا بك وفي حضورك الذي
اطربنا
وفي مصافحك الجميلة
وقصيدة الجزلة التي لاتأتي الا من جزل

صح لسانك

[سمحة الخاطر]

وأنت سالم

مصافحة أولى رائعه

ننتظر جديدك

[مشاري البابطين]

المشاركة الأصلية كتبت بواسطة عبدالله بن سعود   ماهو تجارة بين شـاري ومبيـوع وماظنتي تلقـاه ضمـن البضاعـه ولاهو صكوك(ن) بين مالك ومنزوع ولاهو مواقف بين شيـخ وجماعـه إمّا يجي بالطيب واللّيـن والطـوع وإلاّ بلاش مـن الهـوى وإلتياعـه الشاعر ... مشاري اهلا بك وفي حضورك الذي اطربنا وفي مصافحك الجميلة وقصيدة الجزلة التي لاتأتي الا من جزل صح لسانك

الله يبقيك ياغالي

وصح بدنك ولاهنت

شرفتني بتواجدك

وتواجد شاعر مثلك يسعدني ويشرفني

لاعدمتك

[مشاري البابطين]

المشاركة الأصلية كتبت بواسطة إبتهال فهد   وأنت سالم مصافحة أولى رائعه ننتظر جديدك

الله يسلمك اختي

شرفتيني بتواجدك

لاهنتي

[القيصـــر]

باذخه .. حد الجمال
حروف .. متناغمه .. سلسه
ماتعه ... مهّذبة
أحسنت إنتقاءاً للقافية
وأحسنت تصويراً وفناً
دمت بود

[مشاري البابطين]

المشاركة الأصلية كتبت بواسطة القيصـــر   باذخه .. حد الجمال حروف .. متناغمه .. سلسه ماتعه ... مهّذبة أحسنت إنتقاءاً للقافية وأحسنت تصويراً وفناً دمت بود

اشكرك اخي على الاطراء الحاتمي

تشرفت بتواجدك

لاعدمتك

[الوافيـ]

صح لسانك وحياك الله ..اخوي مشاري ... بوح راقي وكلمات جميله ...

[مشاري البابطين]

الوافي

صح بدنك ياغالي

شرفتني بتواجدك

لاهنت

[سعود الخليل]

مشاري البابطين ...

في البداية نرحب بك يالغالي معنا ...

وشكراً لك على هذه المصافحة الجميلة التي امتعتنا بالفعل ... وجعلتنا ننتظر جديدك لنستمتع به ...

لك الود ،،،،،

[خفوق إنسانة]

صح لسانك وياهلا بك

[مشاري البابطين]

راعي الاوله

حياك الله ياغالي

تشرفت بتواجدك وترحيبك

شاكر لك

[مشاري البابطين]

دانة المجمعه

الله يحييك اختي

شاكر تواجدك

[محمد بن عبد الله المنيع]

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
إمّا يجي بالطيب واللّيـن والطـوع=وإلاّ بلاش مـن الهـوى وإلتياعـه [/poem]



الاخ مشاري ..
الله عليك على هذه الرائعه الجميله,,
التي اعجبتني كثيرا ً ..
فانت مبدع ..
واخترت البيت اعلاه كمثل فقط ..
والقصيده كلها جميله ..
تقبل مروري ولا تحرمنا من بوحك الرائع ..
تحياتي لك
ودمت سالماً ..

[الود طبعي]

السلام عليكم ورحمة الله وبركاته
اخوي مشاري حياك الله وبيض الله وجهك على هذه الرائعة وصح لسانك في انتظار جديدك تقبل مروري