هديه لـ (اتيكا ومحبي المقناص ) ...

[تأبط شرًا]

[poet font="Simplified Arabic,14,white,normal,normal" bkcolor="" bkimage="http://www.sla7.8m.com/1.jpg" border="none,2,gray" type=0 line=200% align=center use=sp char="" num="0,black"]
أنا على المقناص قلبي يرفِّ ..... فتره ونرجع يم أهلنا مناكيف
لديار لفروق الحباري تلفِّي ..... جنوب من حزم الجلاميد وطريف
الطير هو غاية غرامي وشفِّي ..... أقدّره تقدير الأجواد للضيف
من كبر قدره شايله فوق كفِّي ..... وأرعاه تسع شهور بالقيظ والصيف
وأدهله لاشفت ريشه مصفّي ..... على الدعو وأخفف النسر تخفيف
مقواه يشرفني وشوفه يكفّي ..... عن شوف ناسًا ما تعرف المعاريف
لاشفتلي نوًّا بروقه ترفِّ ..... نويت أجهّز موتري للتكاليف
القيظ كله جالسًا ومتعفّي ..... برد المكيّف نشّف الدّم تنشيف
متى سموم القيظ عنّا تقفّي ..... وسهيل قبل يعمّد الفجر قد شيف
والنار أصبح شبّها للتدفّي ..... والبرد نوجس من نسيمه هفاهيف
قمنا لعزبتنا نشيل ونضفِّ .....ونكمّل الناقص ونملا المظاريف
اللي نشيل من اللوازم مكفّي ..... مكتّفين العفش بالحبل تكتيف
يمكن ليا جينا البقاله نوفّي ..... حاجات نشريها كمالة مصاريف
والصبح من حزم أبرقيّه مقفّي ..... صوب المعظّم والهضاب المقاييف
بديار جعل أشجارها ما تجفِّ ..... تعلها غر المزون المراديف
في رفقة اللي نارهم ما تطفِّي ..... على الشرف والجود ربعًا مواليف
مجلاس طلقين الشوارب بصفِّي ..... على الدلال اللي بهن صاخن الكيف
خويّهم ما أوجس كلامًا يحفِّ ..... غير المزوح الطيّبه والسواليف
عقال وزن عقولهم ما يخفِّ ..... لاهم على الفاضي خفاف وملاقيف
[/poet]

من شريط حورنيات الجديد

[ابوعمر]

تسلم يدينك على ها الهديه أخوي تأبط شرا.

[محمد الاخوان]

ااووووووووووووووووووه يا تأبطا شراً وش هالقصيده

بصرااحه تسلم تسلم تسلم يمينك ياوخيي على هالرائعه وصراحه ماعندي شي اقولك واردفيه على اطراء هذي القصيده ويعني بصراحه قصيده ولا اروع منها وتسلم ياتابط شرا....


القيظ كله جالسًا ومتعفّي ..... برد المكيّف نشّف الدّم iiتنشيف
متى سموم القيظ عنّا تقفّي ..... وسهيل قبل يعمّد الفجر قد iiشيف
والنار أصبح شبّها للتدفّي ..... والبرد نوجس من نسيمه iiهفاهيف
قمنا لعزبتنا نشيل ونضفِّ .....ونكمّل الناقص ونملا iiالمظاريف

وتقبل تحيات
اخوك
{محمد الاخوان******

[المولع]

صراحه هيضتنا للبر و المقناص ، لاكن انشاء الله كلها شهرين و يجي النزل , و نخربها و نطلع بلا مكيفات بلا نعومه زايده ههههههه .








في رفقة اللي نارهم ما تطفِّي ..... على الشرف والجود ربعًا iiمواليف
مجلاس طلقين الشوارب بصفِّي ..... على الدلال اللي بهن صاخن الكيف
خويّهم ما أوجس كلامًا يحفِّ ..... غير المزوح الطيّبه iiوالسواليف
عقال وزن عقولهم ما يخفِّ ..... لاهم على الفاضي خفاف iiوملاقيف

[مفتون صيد]

مشكور تأبط شرا ً على الهديه الرائعه وما قصرت








متى سموم القيظ عنّا تقفّي ..... وسهيل قبل يعمّد الفجر قد iiشيف
والنار أصبح شبّها للتدفّي ..... والبرد نوجس من نسيمه iiهفاهيف
قمنا لعزبتنا نشيل ونضفِّ .....ونكمّل الناقص ونملا iiالمظاريف
اللي نشيل من اللوازم مكفّي ..... مكتّفين العفش بالحبل iiتكتيف

[اتيكا]

هديه مقبوله أخوي تأبط شرا ً

والحقيقه شوقتنا للمقناص الله يعجل به

ويليت تقبل مني بعد هذة الهديه الصغيرة
[poet font="Simplified Arabic,14,black,normal,normal" bkcolor="" bkimage="" border="none,2,gray" type=1 line=200% align=right use=ex char="" num="0,black"]
يانور يالغالي بشكيلك الحال = وابنتخيبك ياوسيع البصيره

يما حلا البراد لا كنت رحال = في تلعة والسيل تسمع هديره

بأهل خزام ياللي من الجال للجال = وقليقلا ن وشيح وربله كثيره

والذود يرعى والقطا اجوال واجوال = وشوف الحباري والخباري كثيره

وبيت مروبع للرجاجيل مدهال = ودلال على جمر الغظى مستديره

وجيب جديد للثقيلات حمال = أبو شنب يا أخوك محلى صفيره

[/poet]

[تأبط شرًا]

إخواني ...
ابوعمر ** محمد الأخوان ** المولع ** مفتون صيد ** اتيكا
أشكر لكم مروركم وتعليقكم ..
والله يسلم الجميع ..
وأشكرك يابوشذى على الإهداء ..
ويعلم الله أنني أتمنى لو أشارككم دائمًا ..
والله يحفظكم ويرعاكم ..

[>نجمة سهيل<]

مشكور اخوي تأبط شرا على هالرائعه ،،

[تأبط شرًا]

يا هلا والله بك يا نجمة سهيل ..
وأشكرك على مرورك .. ومنك نستفيد ..

[تأبط شرًا]

اتيكا ** مفتون صيد ** نجمة سهيل ** محمد الأخوان ** المولع ** ابوعمر ..
إشتقنا جدًا لمشاركاتكم كما عودتمونا سابقًا ..
وبحق نحن نفتقدكم ..
تقبلوا تحياتي وصادق ودّي ..