لاب توب ابيض ASUS استخدام4 شهور فقط للبيع

[باربي]

السلام عليكم ورحمة الله وبركاته

كيفكم جميعا اخواني واخواتي الاعضاء

بصراحة انا حابه ادعي لصاحب الفكرة في افتتاح هذا القسم المميز البيع والشراء لعل الجميع يفيد ويستفيد

والله يوفقه ويسعده ويرزقه

اخواني ماراح اطول عليكم بس اتمنى اني اقدر استفيد معكم وتستفيدوا معي والاهم انو قبل كل شي نراعي فيه وجه الله

انا عندي جهاز لاب توب من نوع asus
جديد مره ونظيف مره
والله بطاريته لسه في كيسها ماحطيتها في الجهاز ابد ولاحتى شحنتها الشحنه الاولى
استخدامي كله على الشاحن فقط
له عندي 4 شهور فقط لاغير
واستخدامي جدا خفيف وراقي له وحتى لساته بقراطيسه

انا جربت الايسر وجربت الديل وجربته
الشهادة لله انو افضل من النوعين السابقات ، حتى انو الشاحن والبطاريه ضمانهم سنتين ، مافي جهاز كذا ابدا غير نوعية ASUS

المهم : انا امر بضيقة ماليه ، وهذا هو سبب بيعي للجهاز والا ماود ابيعه ابد


ميزات جهازي :

نوع الجهاز : اسوس
اللون : ابيض
المعالج : فيستا بريميوم

نظامه: انتل كور تو ديو
الميموري :3 GB
الهارد ديسك: 320 GB
اشياء كثيرة بس هذولا الاساسيات

طبعا معاه كل اغراضة وكرتونته
من شنطه
و4 سي دي
الضمان
الماوس
الشاحن
الوصلات

المهم يااخواني في موقع حاط سعره بعد التخفيض 3170 ريال
وعشان تشوفون مميزاته اكثر وتسومونه باللي ربي يرضاه ثم يرضاه ضميركم
والا انا شريته 3300 ريال ، وابي منكم سومه ماتخسرني كثير من سعره لانه يعلم الله نظيف وجديد واستخدامي الشخصي
وانا مااقعد كثير عالكمبيوتر ولا هو كل يوم .

ربي يسعدكم ابي ابيعه خلال هالاسبوعين ، اللي يحب يشتريه يسومه باللي يرضي الله، واللي يعرف احد يقدر يشتريه بسعر يرضيني لايقصر معي والله لادعيله من كل قلبي

رجاءا الموضوع للجادين فقط

هذي صورة لنفس الجهاز http://up1.arb-up.com/files/arb-up-2009-8/d1v86842.jpg

[حنين الذكرى]

ماشاء الله تبارك الله
بكم بتبيعينه ؟!أختي الكريمة
والله يرزقك البيعة الطيبة
وفقك الله....

[باربي]

هلا اختي الغالية حنين الذكرى

الله يسمع منك

شوفي حبيبتيلالحين ماسمته بس وحده من صديقاتي اخوها يحب يشري ويستخدم ويبيع في الاجهزة الجديدة والمستعمله تقول انو باعه قبل شهر بـ2500 ريال مع انه مستخدم له 11 شهر ولونه اسود ومو ذيك المحافظه عالجهاز لاني شفته كانت فيه خدوش شوي وطبعا انا مو حابه ابيع في المحلات لانها الا ماتخسرك حتى لو كان الجهاز طالع من عندهم واستخدمتيه لو اسبوع بيطيحون لك سعره حتى اخو صديقتي ماحيقصر بس المشكلة اكيد انه بياخذه مني بسعر اقل من السعر اللي هو بيبيعه به لانه حتى هو يبي يتربح الله يرزقه انا بصراحة الجهاز حقي يسوى اكثر من كذا وانا شريته 3300 ريال وحابه ابيعه بسومه طيبه من هالوجيه الطيبة عاد ابي سومتكم في الانتظار ياخواني

[قلم رصـــاص]

وعليـكم السـلام

الله يوفقك و يرزقك

موفق أخي الكريم

[فاقده خالتها]

الله يوفقك ويرزقك

[احمد ولد عبدالله]

السلام عليكم ورحمة الله وبركاته

اختي نفتح سوقه ب1500 ريال لاتزعلين هذا سوم

وبين البايع وشاري يفتح الله

[Bsmat 5jl]

موفقه بإذن الله ... لك مني أجمل تحية .

[سعود الخليل]

الله يرزقنا وياك وكل مسلم ....

الجهاز يستاهل ماشاء الله ..

[فهد المنيع]

صراحة اجهزة ASUS مميزة وجهازك ماشاء الله مواصفاته حلوة

ممكن تعطينا رقم موديل الجهاز عشان نشوف باقي المواصفات ؟



الله يوفقك ان شاء الله وتبيعينه بيعه حلوة ..

[باربي]

احمد ولد عبد الله
والله حرام الجهاز كثير جديد السومه مره قليلة سامه اخو صديقتي بـ2400 ريال لانه يبي يتربح فيه بس احسها قليلة لانو مره جديد انا مابي فيه سعر نفس ماشريته ولاحتى نفس سعره الحين جديد لكن مابي اخسر فيه كثير

اخوي فهد الجهاز اسمه
f81s
سعره الحين في السوق بعد العرض 3170 ريال
لقيته في موقع عالنت

وربي يجيب اللي في الخير


واللي بيكون جاد بالشروة راح اعطيه المواصفات كاملة واصور له المواصفات من نفس الجهاز

[باربي]

الله يوفق كل من دعالي ورد على موضوعي والله يجزاكم خير كلكم ويبارك فيكم

[احمد ولد عبدالله]

اختي انا اسوم ومافيه زعل انتي ما ذكرتي انه مسيوم
تبيعين ب2000 ريال انا شراي انتي وين بسدير

[احمد ولد عبدالله]

اختي اذا ممكن صور للجهاز

[حصوصي]

الله يوفقك


ويرزقك من يشتريه منك

[باربي]

امين حبيبتي ربي يسعدك اختي حصوصي

هلا اخوي الغالي عادي انت صادق معك حق

وراح ازودك بصور للجهاز بس حليا جوالي بدون كاميرا لاني بعته قبل يومين قلتلك لاني ي ضائقة ماليه حاليا
اخوي ترى مسيوم مني بـ2400 ريال بس ماقبلت لانه يستاهل اكثر
ان كنت شراي مالك الا طيبة الخاطر واعلمك عن كل مواصفاتهواذا قدرات راح ارسلك كل المواصفات اللي على الاستيكر اللي موجود على الجهاز


بس الله يسعدكم ابي سعر زين الله لايحرمكم الجنه