ملاقيف الصيد

[أبو عبد الله]

السلام عليكم ورحمة الله وبركاته......،

ظاهره .....

يجب ان نرا لها حل............

في ذا السنين التاليه

غدا كل من شرا له طير صقار

واشقا عمره واشقا موتره

وهو على عماها

على قولة المثل

مع الخيل يا شقرا

..................
وبهذه المناسبه

اوردت هذه القصيده

لابن عون

...........


[poet font="Simplified Arabic,14,darkred,bold ,italic" bkcolor="" bkimage="http://forums.sdair.com/poetimages/49.gif" border="none,2,gray" type=0 line=200% align=center use=sp char="" num="0,black"]
ياطير ماحدك نصيبك على خير =وراك مسجون بوسـط الغمـاره
حسبي على الي عزروا فيك تعزير=تكفخ ويصلاك الحديد بحراره
في موتر مال الولع فيه تاثير=تكسي اجار ما يعرف إلـى اجـاره
حشرت وحوش البر حتى العصافير=من يوم دور من وراها تجاره
مال الغشيم من الولع غير تدمير=دايم عمـاره قايـم فـي دمـاره
يا ناقلين الطير من غير تبصير=حصيلكم منه التعـب والخسـاره
أوفوا حقوق الطير ولا تركواالطير=لاتضلمونه ياجـداد الصقـاره



[/poet]

[اتيكا]

أي والله صدقت أخوي أبو عبد الله مع الخيل يا شقرا

ماكل رجال تشوفه برجال ولاكل من ركب المطايا يدلي

المشكله أنهم يتصورون أنهم في يوم وليله سيصبحون صقارين

مادرو أن الصقارة يبيلها تعب وطولت بال



وتقبل التحيه

[أبو عبد الله]

مشكور يا ابو شذى على المرور
بس تدري يمكن انه يكون فيه فايدة للبعض بس للبعض الاخر موضه لا كن الله يستر

[محمد الاخوان]

تسلم يا ابو عبدالله وبصراحه الي مايعرق للصقر يشووووووويه


ويعطيك ربي العافيه ان شالله

[أبو عبد الله]

يعافيك ربي يا اخوي محمد الاخوان وشاكر على الرد

[مفتون صيد]

وانت صادق ابو عبدالله .................. ولا الحين مهيب على الصقور وبس الان على المواتر وعلى البنادق ..... للاسف صارت مثل الزينه مالها قيمة عند البعض واللي محروم منها وهو وده بها تلقاه يعرف اقيامها وقدره بس للاسف ما عنده الماده اللي يقدر على هالاشياء



القف سلامي;)

[المولع]

صراحه في وقتنا الحاضر لللأسف تلقى بعض الناس يطلعون و كل واحد معه بندق و هات رمي على العصافير و الحمام و يخلونه منطول ، يا اخي حنا ما قلنا لا تصيد لاكن يجب عليك ان تأكل الذي تصيده ، و لا تصيد الطيور المحرم صيدها بغرض التصويب فهذا لا يجوز و اعلم انك عندما تقتل عصفوراَ بدون سبب فسوف تسئل عنه يوم القيامه ..

الخلاصه :
الصيد متعه و اخلاق .

[أبو عبد الله]

اخوي مفتون اخوي المولع
اتمنى ان الشباب يستفيدون من القصيدة ويراجعون انفسهم وهل هم من هالنوعيه والا قناصه على حق
والاعتراف بالحق فضيلة وهو بداية النجاح

[فتى الصمان]

أوفوا حقوق الطير ولا iiتركواالطير لاتضلمونه ياجداد iiالصقاره
أحسنت أخوي ابو عبدالله إختيار الموضوع والقصيدة

[غويمض]

والله انك صادق يابو عبد الله وش كثر اللى يشترون الصقر ولا يعرف حتى معنى القرنسه
تراني منيب راعي صيد ولكن احب اكل بس وربعي كلهم صقارين ومن فحوله الصقارين واحيانآ اطلع معهم مع اني منيب مقتنع من اللى يسونه بس حبيت طلعات الصيد بالطيور من كثر ماشفت من روعه الصيد
ومع الخيل ياشقراء ومع الخيل ياالقصب