ليتني راعي وهو تحت الرعيه

محمد العبيد · 11-12-2009, 05:27 PM

[poem=font=",6,blue,bold,italic" bkcolor="transparent" bkimage="" border="none,4," type=0 line=1 align=center use=ex num="0,black""]
وعذابي كل ما تطري عليه=الهنوف اللي ذبح قلبي حلاها
إن حضر عندي تجي نفسي هنيه=وإن تغيب حضرته زود عناها
جاذلٍ مافيه فالبيدا حليه=في الصداره ماحدٍ يلحق مداها
واهني من حازها لا واهنيه=أشهد أنه حقق لنفسه مناها
الاصل للزين من نجد العذيه=بالحسن والزين سبحانه كساها
مارأت عيني ولامخلوق زيه=في جميع المملكة واللي وراها
ان وصفته مثل برج الفيصليه=الاصل ثابت ولا يقرب حماها
دايماً بالدين معتزه أبيه=الغطا من فوقها يستر بهاها
ماتأثر بالعلوم الجاهليه=دايمٍ محبوبةٍ بين زملاها
جعل فيها مانشوف المكرهيه=جعل ربي ما يبين لي غلاها
ليتني راعي وهي تحت الرعيه=في مكانٍ وحدنا محدٍ يراها
[/poem]

قلم رصـــاص · 11-12-2009, 06:08 PM

وعليكم السلام و رحمة الله و بركاته ,,

ماشـاء الله

صح لسانك أخوي محمـد

على القصيدة الجزله ولاهي غريبه منك ياشاعرنا المتميز

لاتحرمنـا من إبداعك ,, شكراً لك

ملك بزعامتي · 11-12-2009, 06:38 PM

صح لسانك يامبدع

محمد العبيد · 11-12-2009, 11:29 PM

الاخ قلم رصاص وملك بزعامتي مشكورين على المرور والاشاده

ارجو من الاخ المشرف تعديل كمة الاصل بدل الامل في البيت السابع

وشكرا

أبو حمـد · 12-12-2009, 12:46 PM

السلام عليكم ورحمة الله وبركاته ،،

الله يعطيك العافيه أخوي الشاعر محمد العبيد ،، وصح الله لسانك ،،، وسلم بنانك ،، لهذه الرائعة العذبة ،،

دمت بخير ،، ودام بوحك العذب ،،