تزّوجت ونسيت الشعر والشّعـار والسّاحـه
................................... ولا يطري على بالي سوى حاجة وراعينـي
ما بين السوق والمستوصف الأيام سوّاحـه
................................... أنا مشغول ماني صوب يا ليلي ويا عينـي
ليا مني بغيت أكتب سمعت الورع وصياحه
................................... يقول إنّه يبي كوره مثـل غيـره ويذينـي
ومعاه إخته تبي ورده وكرّاسـه ومساحـه
................................... وثالثهـم تجّـود فـي يـدي وّده يخاوينـي
وأنا هـذا ليـا خـاوى يجّننـي بمرواحـه
................................... ولا يسكت يالين أمّر بـه كـل الدكاكينـي
يبي لعبه ... وطاقيّه ... وبالونه ... وتفّاحه
................................... مع أشكـال الحـلاو الله يخليـه ويعافينـي
وإلا منّي رجعت أحصّل أم الـورع نوّاحـه
................................... تقول الغاز خلص والعشاء وسط المواعينـي
وعلى هالحال يومياً بلا وقفـه ولا راحـه
................................... مطالبها تصبّحنـي .... مطالبهـا تمسّينـي
بعض حاجاتها تصريح وألا بعض لمّاحـه
................................... وأنا لا صارت الحاجه لها لا أحدٍ يحاكينـي
وتقولون الشعر !! ياخي بلا شعر وبلا ساحه
................................... أنا يمكن نسيت الشعر وألا الشعـر ناسينـي
12-12-2009, 09:42 AM
[ مقبرة شاعر ] , !
العرض العادي
