مواقف مضحكة لعدة اشخاص ايام الخطوب

[ابو عبد العزيز]

مواقف مضحكة لعدة اشخاص ايام الخطوبة والزواج تموت من الضحك

السلام عليكم


مواقف مضحكه أيام الخطوبه والزواج
هذه مجموعة مواقف ارجو ان تعجبكم ..

واحد طلب يد اخت صديقه ولما جا يبي يشوفها قاله صديقه خلاص

انا بقولها تجيبلي كاس ماي وانت تعال غرفتي انخش وشوفها

( لان البنت خجوله كلش) المهم جا الموعد وجا الرجال ونادى اخته..

وجات الاخت وهي تفحط... ( ماسكة الصينيه على شكل دركسون

وهي ماخذته سياره وتفحط) كخخخخخخخخخخ هبال

المهم يوم تزوجها قال لها القصه وماتت من القهر وكانت راح

تذبح اخوها .

ــــــــــــــــــــــــــــــــــــــــــــــــــ ـــــــــــــــــــــــــــــــــــ

وحده جاب زوجها تمر وجلس يأكلها واستحت من رجلها تطلع

النواه قدامه .. قامت تبلع فيها وهو يعطيها تمر وهي تبلع (خبله)

وبعدين ودوها المستشفى

ــــــــــــــــــــــــــــــــــــــــــــــــــ ــــــــــــــــــــــــ
وحده جا خطيبها يشوفها وطبعا هي بتموت من الحيا . المهم دخلت عليه وابوها كان موجود الا شويه ودخل خالها وبعدين عمها وبعد شوي يدخلون اخوانها كلهم وصار المجلس مليان ناس( وطبعا كلهم عيونهم عليها)
ومن يوم شافتهم كان بيغمى عليها . فكرت تطلع. راحت للباب ولقته مقفل
( مقفلته امها علشان ماتطلع) ورطت ورطه

طبعا البنت طاح وجهها خصوصا لما شافت الموجودين في المجلس وهم يحاولون يكتمون الضحك ( والله فشيله)

المهم ظلت واقفه شوي لما استوعبت انه في باب ثاني راحت تركض له تبي تطلع وبعد كم خطوه الا هيلا هوب ودب على وجهه وتطيح

طبعا هذي اللحظه البنت كان بيغمى عليها من الحيا وبس وصلت للباب واخيرا طلعت
وهي تسمع ضحكات الشباب في المجلس عليها .

ــــــــــــــــــــــــــــــــــــــــــــــــــ ــــــــــــــــــــــــــــــــــــــ
وحده جات بتخطب صديقتها لاخوها . اعزمتها في بيتهم وقالت لاخوها طل

عليها من النافذه وشفها اذا عجبتك نخطبها لك . وافق الولد ولما جات البنت

قدمت الاخت لصديقتها شكولاته . والبنت ترفض تاخذ شكولاته وذيك تلزم عليها. والبنت مصره ماتاخذ . ولما طلعت علشان تسأل اخوها عن رأيه في البنت . الاخو

شاف البنت وهي تاخذ من الشكولاته وتخش في شنطتها ولما سألته

اخته عن رايه قال موافق على طول . وتم الزواج

وفي ليلة العرس يسأل الزوج البنت : وين الشكولاته اللي خذيتيها

من بيتنا؟؟ ( مايرضى احد ياخذ من بيتهم شي بدون مايستاذن .. حمش) كخخخخخ

ــــــــــــــــــــــــــــــــــــــــــــــــــ ـــــــــــــــــــــــــــــ
واحد في ليلة عرسه جالس في زاويه وزوجته في زاويه , يكلمها مستحيه وتطالع الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها ..
الرجال من كثر مايكلم نفسه وبنت الناس ساكته قال خلني ابسكت وأشوف
ايش تاليتها معاها .. يعني كلهم سكتوا ..
شوي وجاء اصدقاء الزوج وقالوا بنستهبل عليه .. المهم ويقوم واحد منهم ويآخذ حصاة ويرجمها في النافذة .. عاد تخيلوا سكوووون وصوت صقعه فجأه .. البنت يوم سمعت الصوت طمرت وضمت زوجها من الخوف .. الرجال اعجبته الحركه .. ترك حرمته على جنب وطلع من النافذة وصاح لأخوياه " ثانيه شباب ثانيه " !!

ــــــــــــــــــــــــــــــــــــــــــــــــــ ـــــــــــــــــ

هذا واحد أخوياه ماينلعب معهم .. يوم عرسه مروه ربعه وقالوا يالله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل راسه ويقول للحلاق يالله أدهر وأبو الشباب ماعاقت معه وجز راس المعرس .. مووووووووووس ..
المهم أنهم حلقوه موس والمعرس قفلت معه ولا قدر يسوي شي .. يوم جا العرس طق الطاقيه والغتره ومشى كل شي سليم ..
عاد يوم جا في البيت لازم يشيل الغتره موب على طول بتبتل كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق مووس
يوم زواجه ..
اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب راسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. ( قالت في نفسها أبوي ذابني على واحدن مامنه رجا !! ) عاد المعرس دق على أبوها وقال له تعال يوم جا فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى هاك اليوم على خير ..
ــــــــــــــــــــــــــــــــــــــــــــــــــ ـــــــــــــــــــ

ثنين توهم متزوجين .. أول ما رجعوا لبيتهم الا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الاكل من أصبحت من زود ماهي مشتطة .. ورجلها يناديها يبيها تاكل .. البنت مستحية وما تبي تاكل قدام رجلها .. بس انها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لتس لقمة ولا لقمتين .. والبنت تقول أبدا الله مير ينعم به ماله محل .. ويحاول فيها من هنا من هناك وهي ميبسة دمجتها .. مع انها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
خلص زوجها من العشا وقال لها يلا ننام ترانا ورانا قومة بدري بكرة ( الضيفة عند أهله ) .. قالت لها خلاص انت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة الا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت الا ذا الي يمد لها كاس الموية يقول لها سمي خليه ينزل الاكل في بطنك وهي المسكينه تتروع كخخخخخخخخخخخخ




واذا عندكم خبرات....زيدونا وأفيدونا مما أفادكم الله

[السلمان]

هههههههههههههههههههههههههههههه
انا جازت لي الخبلة أم العبس
و حقت المجلس ياويلهم من الله
والاصلع خخخخخخخخخخخخخخخخ

الله يعطيك الف عافيه


بس على فكرة أنا واحدن من الربع اعرفه صار له موقف شبيه بالاول
بس السبب ابوها قال انا باجيب المقاضي من السوق وباخليها واخوها ( صغير عمره 8 ) يدخلون الاغراض
وتجي وتدف اخوها في العربية للحوش ينزلون الرز والعفش وهو يويدز عليهم وشاف البنت تلفلف باخوها كنها تسوق به وتفحط وانواع الهبال , يوم قضوا ولا ابوها يقول للرجال لاحول ولاقوة الا بالله بنتنا مهبولة وكان ماتبيها الله أقوى رفيقنا قال : ( لا وش حليله تلعب ) باللهجة القصمنجية
هههههههههههههههههههههه

والا الان تراه ماعلمها بالموقف .....

تسلم على المواقف أخوي isz
وتقبل تحياتي ,,,

[غويمض]

isz
خل عنا مواقف العالم نبي موقفك اللى صارك خلها تجي منك والا قلته انا