الصحراوية في دائرة الضوء

[سعود الخليل]

[align=center]السلام عليكم ورحمة الله وبركاته،،،،

عدنا :
س1/ مالذي ينقص منتديات سدير من وجهة نظر الصحراويه ؟.
س2/ تخيلي بأنك اعتليتي منبر المنتديات وتريدين ان توجههي كلمة للمشرفين والأعضاء فماذا تقولين ؟
س3/ هناك أناس يحسون بطعم السعاده وهم في أحزان وهناك اناس يعيشون في سعاده ولكنهم يتصنعون الحزن ، من وجهة نظرك الشخصيه ماهو الدافع الحقيقي لهذا التفاوت في الشعور ؟
س4/ يمر الإنسان بمواقف كثيره في حياته ويتعرض للكثير من الأزمات فما هي نظرتك لتلك المواقف ؟؟[/align]

[الصحراوية]

السلام عليكم

اخوي وراء الكواليس الحين ابجاوب على سؤالك حق الموقف اللي صار لي يمكن له شهر او شهر ونص ,,وتقدر تقول موقف جدا جدا جدا محرج با النسبه لي والله يافشيلتي بس

كنت من زمان عن وحده من قريباتي ومشتاقين نشوف بعض قلنا خلاص نتقابل في وحده من ذا الملاهي

المهم ,,رحنا ويوم جاء وقت صلاة العشاء دخلنا المصلى حق الملاهي وانا ذاك اليوم كنت لابسه عدسات يقالي ابيها تصفي الشوف عندي

بس مدري وش جاها ذا العدسات ذاك اليوم وتسلطت علي من يوم لبستها وانا احس اني اشوف الناس ضباب ,,واقول في نفسي ايه بس شوي وتصفى الدنيا


وماش كلماله يزيد ها الضباب ماطاع يروح ,,الزبده اني شفت في اقصى المصلى جلال لونه ابيض وواحد اسود والسجاده خضراء

قلت لقريبتي ايه هذيك سجاده ابروح اجيبها <<<<ياشين الاجتهاد الزايد

والمهم يوم وصلت وامد يدي والحمد لله انتبهت ووخرتها بسرعه صارت الاوان اللي احسبها جله وسجاده وحده من العاملات سمرا لابسه ثوب اخضر لما ركبها ومريله بيضا ء ومنسدحه

بصراحه من جد تفشلت فشيله قلت الله ياخذ ها العدسات والله لو مالبستها اهون

من جد طقتني رووعه وفشيله مو طبيعيه

[الصحراوية]

اهلا بك يا اخوي راعي الاولة ..


س1/ مالذي ينقص منتديات سدير من وجهة نظر الصحراويه ؟

بكل صراحه متتديات سدير الحين مشا الله ما ينقصها اي شي في وجهة نظري ,,بس وودي اقول شي في خاطري صراحه لانه اعطي لي الفرصه انه يوضع منتدى خاص لنا احنا يا البنات يعني زي مواضيع مثلا المكياج والاكسسوارات وغيرها من المواضيع اللي تهمنا صايره كلها متجمعه مع المواضيع الاجتماعيه مع مواضيع الطبخ وكلش سايح على بعض ,,بس نقطه وفي نفسي اقولها واتمنى ماتتضايقون منها

س2/ تخيلي بأنك اعتليتي منبر المنتديات وتريدين ان توجههي كلمة للمشرفين والأعضاء فماذا تقولين ؟

كلمتي للمشرفين:
هي اني اشكرهم والله من كل قلبي على المجهود الواضح اللي يبذلونه للارتقاء بها المنتدى الغالي ,,والله يوفقهم ويعينهم ..

كلمتي للاعضاء:

احب اقولهم انهم يحاولون مواصله نشاطهم والتواجد بشكل مستمر حتى يستمر نشاط ها المنتدى <<<<<مع انه احيانا الظروف تغلب الواحد
وانه يكون بينهم بساطه في التعامل والعلاقه اللي تربطهم مع بعض تكون دائما قائمه على الاحترام والتقدير ..


س3/ هناك أناس يحسون بطعم السعاده وهم في أحزان وهناك اناس يعيشون في سعاده ولكنهم يتصنعون الحزن ، من وجهة نظرك الشخصيه ماهو الدافع الحقيقي لهذا التفاوت في الشعور ؟

من يحسون بالسعادة وهم في احزان النظرة المتفائلة للحياة
ومن يعيشون في سعادة ويتصنعون الحزن كي يتعاطف معهم الناس


س4/ يمر الإنسان بمواقف كثيره في حياته ويتعرض للكثير من الأزمات فما هي نظرتك لتلك المواقف ؟؟

بصراحه كل موقف يمر به شخص لابد انه يطلع بنتيجه منه ,,تقدر تقول اصلا الشخص مايكتسب خبراته ونظرته حول كثيير من الامور الا عن طريق تجربه هذي الواقف ,,
ونظرتي لها انها غالبا تكون قاسيه على الشخص ,,لكن بعد مايمر الوقت وتروح الايام يعرف قيمه الخبره اللي اخذها منها


حياك الله اخوي راعي الاوله

[هرمنا]

سبقوني وما خلوا لي شي اسأله

بس انا شغلت مخي ورحت للتلفزيون السعودي وسمعت مقابله مع واحد وسرقت بعض اسئلتهم

1- ثلاث باقات ورد لمن تهديها

2-من اكثر الاشخاص اثيرا في بناء شخصيتك

3-لقطة مؤثرة في الاخبار شاهدتيها ولا تزال في مخيلتك

والباقي بقوله في مشاركة ثانية <<< راعي طويلة



تحياتي لك اختي

[الصحراوية]

ياهلا والله باخوي السبعين


خذ الاجوبه ,,بس الله يحوم كبد العدو مالقيتا الا القناة الاولى


1- ثلاث باقات ورد لمن تهديها؟

أمي,ابوي و صديقه عزيزه جدا على قلبي ..(تشارك معنا بأسم نوف))

2-من اكثر الاشخاص اثيرا في بناء شخصيتك؟

بصراحه امي ..الله يخليها لي

3-لقطة مؤثرة في الاخبار شاهدتيها ولا تزال في مخيلتك

بصراحه اللقطه اللي قعدت في بالي ومستحيييل انساها خصوصا انها كانت على الهواء مباشره هذا اللي زاد من تأثيرها علي ,,صورة بنت عراقيه صغيره يمكن عمرها 4 سنوات ,,ميته من القصف وكان شكها جدا مؤثر لدرجه انه المذيع اعتذر لبثهم ها المشهد بس من جد كانت لقطه فضيعه

وفي انتظار الجزء الثاني من اسئلتك


تحياتي لك اخوي

[فهد المنيع]

ما شاء الله الحلقة اليوم مميزة .............


الصحراوية اسم لامع في المنتدى هل يرجع هذا اللمعان لحركة كوكب زحل في درب التبانه ؟؟ وكم سنة ضوئيه يستغرق هذا الدوران حول الشمس بمقياس رختر ؟؟


خخخخخخخخخخخ امزح


- وش احلى الاوقات اللي تحس فيه الصحراوية بلذه وهي تتصفح الانترنت ؟؟

- الفراق ماذا يعني لك ؟؟

- هل تفكرين بالزواج ؟؟ --------> خابرن لتس شايب هههه


خلاص قضيت من الاسئله وحبيت اشيد بهالتميز الملحوظ والاخلاق العالية ..


تحياتي ..

[وراءالكواليس]

خخخخخخخخخخخخخخخخخخخخخخخ


الله يرجتس اجل سجاده خضراء وجلال ابيض



والله ياهو موقف

اجل لوتس ساحبه السجاده الخضراء وش بيصير...؟؟؟؟


ههههههههههههههه


لا تعليق

[الصحراوية]

اهلين باخوي حالم ليل

(الصحراوية اسم لامع في المنتدى هل يرجع هذا اللمعان لحركة كوكب زحل في درب التبانه ؟؟ وكم سنة ضوئيه يستغرق هذا الدوران حول الشمس بمقياس رختر ؟؟ )



- وش احلى الاوقات اللي تحس فيه الصحراوية بلذه وهي تتصفح الانترنت ؟؟
والله انا احب اتصفحه في الليل بس ها اليومين صاير النت مايتوفر لي الا في الصبح

- الفراق ماذا يعني لك ؟؟
سنّة الكون فلا حياة من دون وداع


- هل تفكرين بالزواج ؟؟
وش ذا السؤال
بس الصراحه لا يا اخي تونا صغار خل نتمتع با الحريه شوي لاحقين على الغثاء والمسئوليات


بس تعال منهو ذا الشايبفيه وحده معنا ودها بشايب <<<<<منب اقصد الزيرووه ابد




وحياك الله اخوي واشكرك والله على المشاركه



وراء الكواليس

لا تتنطنز

بس اشوا الحمد لله اني انتبهت على اخر لحظه ولا ان كان رحت فيها


اشكرك على مرورك مره ثانيه

[الملتمس]

مسيكم بالخير

اختيار موفق كالعادة

اخيتي الصحراوية 00 قبل ما انشدتس ودي اقول لك الف مبروك على التميز والوسام وتستاهلين كل خير 00 والله يجعله حافز ودافع لتس لمواصلة الابداع


والحين دوتس الأسئلة

1 - من خلال اجاباتس السابقة ومن خلال متابعتي لكل كتاباتس عرفت انتس قد مريتي او على الآقل اطلعتي على منتديات واجد 00 والسؤال وش لقيتي في منتديات سدير من زود 00 ؟

2 - تقولين في وحدة من الاجابات اللي فوق انتس متفائلة بطبعتس اذا وش يعني لتس هالبيت :0

ضاقت فلما استحكمت حلقاتها 00 فرجت وكنت اظن انها لا تفرج

8
8
( عساني جبت البيت صح )

3 - النقد وما ادراك ما النقد 000 لدينا نحن العرب حساسية من هذا المصطلح فنحن بطبعنا لا نتقبل النقد ونحوله دائما الى خانة الانتقاد 000 هل يعني ذلك اننا ندعي الكمال ؟ ام ان كبرياءنا تفرض علينا ذلك وهذا يتضح من خلال عدم الاعتراف بالخطأ او على الأقل محاولة تبريره < -- احس ان هالسؤال يحوم التسبد 00

4 - سؤالي الأخير 00 تعرفين تزينين مرقوق

تحياتي لك اختي الكريمة

[الأميرة]

السلام عليكم أختي الصحراوية.......
خلال الإجازة هل تحنين وتشتاقين لدراسة؟؟؟

الطب مهنة شريفة .ما هي نظرك إلى الطبيبة السعودية؟؟

البنت والنت وجهات نظر متضاربة....أين مكانك من تلك الوجهات؟؟


تقبلي تحياتي صحراوية...

[شمعة سدير]

يتوقف اللقاء مع الصحراوية إلى حين عودتها

[AMER]

سبقوني وما خلوا لي شي اسأله